Esai 41:22 - Maktub gə́ To gə Kəmee

²² Maji kar dee teḛ gə taree gə́ raga d’ula sí Né gə́ a gə teḛ. See ta gə́ seḭ paje taree ləw Gə́ wɔji dɔ néje gə́ d’a gə ree lé to ban wa. Paje mba kar sí j’unda ne kəmkàr dɔ rɔ sí’g Gə mba kar sí n’gərje loo gə́ née teḛ, Esé paje ta né gə́ a gə teḛ Ndɔ gə́ gogo ar sí j’ooje.

Esai 41:22 ပူးပေါင်းရင်းမြစ်များ

Esai 41:26

Un kudee ndɔ gə́ dɔtar lé See na̰ ɓa ila mber mba kar sí n’gərje wa. See na̰ ɓa ula sí taree kédé gə́ ləw Mba kar sí m’pajena: To né gə́ tɔgərɔ ya wa. Dəw kára kara ila mberee əsé pa taree kédé el ləm, Dəw kára kara oo taje lə sí el ləm tɔ.

Esai 42:9

Aa ooje, néje gə́ dɔtar D’aw lée’g béréré mba̰ Ndá néje gə́ sigi ɓa m’ula sí taree, Kédé ɓa kar dee teḛ ɓəi lé Ma m’ɔr gée m’ar sí ya.

Esai 44:7

See na̰ ɓa pata néje gə́ d’a gə ree kédé To gə́ ma m’pa ne taree Un kudee mee ndəa’g m’unda ne dəwje gə́ ləw lé wa. Maji karee pa taree am m’oo! Maji karee pata néje gə́ nai no̰ sí’g ləm, Gə néje gə́ d’a gə ree gogo lé ləm tɔ.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Esai 48:14

Seḭ lai lé mbo̰je dɔ na̰ ooje ta! See na̰ ɓa mbuna dee’g ɓa To gə́ njepa ta néje neelé wa. Yeḛ gə́ Njesigənea̰ undá dan kəmee’g ɓa A ra né gə́ yeḛ wɔji mée’g Mba ra gə Babilɔnje ləm, Jia a kwɔi ndiŋ-ndiŋ dɔ Kaldeje’g ləm tɔ.

Esai 48:3

Ta néje gə́ d’a gə ree lé Ma m’pa taree ləw-ləw ba, Taree teḛ tam’g ndá Ma m’ila mberee to: Léegəneeya m’ra né ndá Néje lé d’aw lée’g béréré ya.

Tagə́maji gə́ Ja̰ ndang 13:19

Un kudee ɓasinè ya ma m’ula sí taree ɓad ɓa gə mba kar née teḛ ɓəi, mba kar loo gə́ née teḛ ndá seḭ a kɔmje ne meḛ sí dɔm’g to gə́ ma m’to yeḛ lé nja.

Tagə́maji gə́ Ja̰ ndang 16:14

Yeḛ a kula rɔnduba dɔm’g mbata né kama lé ɓa yeḛ a kun taree pa kar sí ya.