Esai 41:21 - Maktub gə́ To gə Kəmee

²¹ Njesigənea̰ pana: Ɔrje kəm ta lə sí, Mbai lə ŋgaka Jakob pana: Teḛje gə ta lə sí gə́ kəm taa ne dɔ rɔ sí.

Esai 41:21 ပူးပေါင်းရင်းမြစ်များ

Maktub gə́ wɔji dɔ Jɔb 31:37

Ma tura kila gɔlmje lai karee ləm, Ma kaw pər gə́ rəa’g asəna gə dəw gə́ boo bèe ləm tɔ.

Maktub gə́ wɔji dɔ Jɔb 38:3

Maji kari ɔm mina wuri’g asəna gə́ dəw gə́ diŋgam, Ma gə dəjii ta ndá i a kɔr gelee kam.

Esai 1:18

Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 41:1

Seḭ gə́ síje dɔgoré-looje’g lé Maji kar sí síje mundu ooje ta ləm! Maji kar koso-dəwje d’ar siŋga dee ḭ dɔ maree’g ləm, Maji kar dee rəm pər gə mba pata ləm tɔ! Ar sí n’rəmje pər gə mba kɔr kəm ta lə na̰.

Esai 43:15

Ma m’to Njesigənea̰, Njerɔkunda lə sí, M’to njekunda Israɛlje gə́ m’to mbai lə sí.

Esai 43:9

Maji kar ginkoji dəwje gə raŋg lai mbo̰ dɔ na̰ ləm, Kar koso-dəwje kara d’wa dɔ na̰ ləm tɔ. See na̰ ɓa mbuna dee’g Pa ta néje neelé kédé wa. See njé gə́ ra ɓa d’ar sí j’oo Ta gə́ wɔji dɔ néje gə́ d’a gə ree lé dɔtar wa. Maji kar dee teḛ gə njékɔrgootaje lə dee Mba tɔji sí to gə́ tapa dee to lée’g, Maji kar dee d’oo ndá Ar dee pa pana: To tɔgərɔ ya!

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.