Esai 41:20 - Maktub gə́ To gə Kəmee

²⁰ Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 41:20 ပူးပေါင်းရင်းမြစ်များ

Maktub gə́ wɔji dɔ Jɔb 12:9

Mbuna dee-deḛ’g lai neelé see na̰ ɓa a lal gər To gə́ ji Njesigənea̰ ɓa ra néje lai neelé wa.

Pakɔsje 109:27

Maji kar dee gər gao to gə́ ji-i nja ləm, To gə́ i Njesigənea̰ nja ɓa ra togə́bè ləm tɔ.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Teḛ-Raga 9:16

Nɛ neḛ n’ya̰ loo n’ari si kəmba gə mba kari oo siŋgamoŋ lə neḛ ləm, gə mba kar ri neḛ ɓar ne dɔ naŋg nee gə loo njal-njal ləm tɔ.

Esai 28:29

Né neelé ḭ rɔ Njesigənea̰ gə́ njeboo-néje’g, Ta né gə́ yeḛ wɔji-kwɔji ra lé maji dum ləm, Kəmkàr ləa boo al dɔ loo sula ləm tɔ.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Esai 40:5

Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Esai 41:4

See na̰ ɓa ra néje neelé Ar dee d’aw lée’g béréré-béréré wa. To yeḛ nja ɓa ɓar ginka dəwje-dəwje kédé gə́ dɔtar. Ma Njesigənea̰ ya m’to yeḛ gə́ dɔtar ləm, M’a to yeḛ gə́ rudu ləm tɔ.

Esai 43:15

Ma m’to Njesigənea̰, Njerɔkunda lə sí, M’to njekunda Israɛlje gə́ m’to mbai lə sí.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Bula lə Israɛlje 23:23

Nésukəmloo askəm ra né kára kara gə Jakob el ləm, Ndil nékoo askəm ra né gə Israɛl el ləm tɔ, Loo gə́ ndəa gə́ d’wɔji lé as lé mba̰ ndá d’a kula Jakob gə Israɛl pana: Yee ɓa gə́ kula ra Ala.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.