Esai 41:19 - Maktub gə́ To gə Kəmee

¹⁹ M’a kar kag-sɛdrə, gə kag-akasia, Gə bəe, gə koiyo d’uba na̰’d dɔdilaloo’g ləm, M’a kar kag-siprɛs, gə ɗəŋgərə, gə warəm, D’uba na̰’d loo gə́ mán godo keneŋ ləm tɔ,

Esai 41:19 ပူးပေါင်းရင်းမြစ်များ

Esai 27:6

Mee ndəaje gə́ d’a gə ree lé Jakob a kula ŋgirá naŋg ləm, Israɛl a kidi kar pudeeje gə barkəmeeje to keneŋ ləm tɔ Ndá ka̰dee a taa naŋg nee pəl-pəl.

Esai 32:15

Saar loo gə́ ndil a kḭ tar ree kɔm dɔ sí’g ləm, Saar kar dɔdilaloo tel to loo-ndɔ gə́ maji kó ləma, Kar dee d’oo loo-ndɔ gə́ maji kó lé asəna gə mee kag-kɔr ləm tɔ.

Esai 35:1

Dɔdilaloo gə ɓee gə́ tudu kurum-kurum d’a ra rɔlel, Ndag-mbo lé a si dan rɔlel’g ləm, A kidi lururu to gə́ pudu néje bèe ləm tɔ,

Esai 43:19

Aa ooje, m’a gə tum gin né gə́ sigi gə́ aw ree: See seḭ a gəreeje el wa. M’a ra rəw dɔdilaloo’g ləm, M’a kar mán baa to ndag-mbo’g ləm tɔ.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Esai 60:13

D’a ree gə nérɔnduba gə́ Liba̰ mee ɓee’g ləi, Yee ɓa to kag-siprɛs gə ɗəŋgərə gə warəm gə́ d’a ree ne na̰’d Gə mba ɗɔi ne loo ləm gə́ to gə kəmee, M’a kula ne rɔnduba dɔ loo-tura-gɔl-kɔm’g tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 61:11

Mbata to gə́ dɔ naŋg ar kandə né gə́ dubu keneŋ lé idi ləm, To gə́ loo-kamnaḭ ar kandə néje gə́ dubu keneŋ d’uba ləm tɔ lé Mbaidɔmbaije gə́ Njesigənea̰ a kar kaji gə néra gə́ gə dɔ najee uba Kəm ginkoji dəwje gə raŋg’g lai togə́bè tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Ejekel 47:12

Mbɔr kəm-rəw-mán’g lé kag sɔje gə́ gə gel dee gel dee d’a kuba dɔ koŋgeeje’g loo joo bɔr. Kagje neelé kam dee a ndòlé nda̰ el ləm, kandə dee a godo nda̰ el ləm tɔ. D’a kandə gə naḭje kára-kára lai mbata mán a kḭ mee loo gə́ to gə kəmee’g teḛ kula gel dee’g. Kandə dee a to nékul rɔ ləm, kam dee a to kuma̰-kaji-rɔ ləm tɔ.

Ojee 14:8

Dəwje gə́ d’isi ndilee’g lé D’a tel ree ləm, D’a ndɔ kó yaa̰ ləm, D’a kidi pug-pug to gə́ nduú bèe ləma, Riɓar lə dee a to kasəna gə riɓar lə mán-nduú gə́ Liba̰ bèe ləm tɔ.

Jakari 1:8

Ma m’aa loo gərərə loondul’g ndá aa oo, dəw kára uba kunda-ndai ndá yeḛ aar mbuna bèmèje gə́ wəl-loo’g. Loo gə́ goo njekunda-ndai’g lé ndá kunda-ndaije gə kunda-ndulije d’aar keneŋ tɔ.