Esai 41:14 - Maktub gə́ To gə Kəmee

¹⁴ Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 41:14 ပူးပေါင်းရင်းမြစ်များ

Maktub gə́ wɔji dɔ Jɔb 19:25

Nɛ ma m’gər gao, njekuga dɔm si kəmba ya, Ndɔ gə́ rudu lé ndá yeḛ nja a k’ḭta dɔ naŋg nee tɔ.

Maktub gə́ wɔji dɔ Jɔb 25:6

Nɛ ɓəd ɓəi ɓa dəw gə́ to kuru ləm, Gə ŋgon dəw gə́ to kuru ləm tɔ ɓəi wa.

Pakɔsje 19:14

Maji kari ɔs njébeeleje rəw rɔ ŋgonjelookisi’g ləi ləm, Gə mba kar dee dum dɔm el ləm tɔ, Bèe ɓa m’a to ne njemeenda ndá Kaiya gə́ boo a ɓar rim el.

Pakɔsje 22:6

Deḛ no̰ gə́ rɔi’g ndá d’aji ne ləm, Deḛ d’ɔm meḛ dee dɔi’g ndá kəm sɔḭ ɓar ri dee el ləm tɔ.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Pakɔsje 78:35

D’ar meḛ dee olé dɔ Ala gə́ to biri mbal lə dee ləm, Dɔ Ala gə́ to Njekurdɔloo gə́ to njetaa dɔ dee lé ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 37:4

Banelə Njesigənea̰, Ala ləi oo taje gə́ Rabsake pa, yeḛ gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya. Banelə Njesigənea̰, Ala ləi a kar bo̰ nérea ɔs təa’g gə goo taje lai gə́ yeḛ oo lé. Bèe ndá maji kari ra tamaji mbata koso-dəwje ləa gə́ nai ya ɓəi.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 43:14

Njesigənea̰, njekoga dɔ sí Gə́ to Njerɔkunda lə Israɛlje lé Pa togə́bè pana: Gə mbata lə sí-seḭ ɓa Ma m’ula ne njeba̰ m’aree rɔ ne gə njé gə́ Babilɔn gə mbəa Ndá m’ar dee-deḛ lai gə́ to njékaḭje d’oso ləm, Gə Kaldeje gə́ d’aḭ gə batoje lə dee Gə́ d’ɔs ne gaji rɔ dee lé kara d’oso ləm tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 44:22

Ma m’bɔr nékaltaje lə sí mbɔji Asəna gə kil-lə-ndi gə́ dəs bèe ləm, M’bɔr kaiyaje lə sí mbɔji Asəna gə mum gə́ sané bèe ləm tɔ, Gə́ telje reeje rɔm’g Mbata ma m’uga dɔ sí mba̰.

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Esai 47:4

Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 54:8

Gə goo oŋg gə́ ram waga lé Ma m’iya sə sí kəm, Nɛ gə goo meenoji ləm gə́ to gə no̰ lé ɓa M’a koo ne kəmtondoo lə sí, Njesigənea̰ gə́ njekoga dɔ sí ɓa pa bèe.

Esai 59:20

Njetaa dɔ dee a ree mbata njé gə́ Sio̰ gə njé’g lə Jakob D’a kuba goo kaiyaje lə dee kya̰, Njesigənea̰ ɓa pa bèe.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Jeremi 46:27

Nɛ i kura ləm Jakob, maji kari ɓəl el, I Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’g ləm tɔ, Jakob a tel ree, yeḛ a kal rəa dan kwa rɔ’g ləm, Gə dan sí lɔm’g ləm tɔ, Dəw kára kara gə́ njejɔgee a godo.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Nɔ̰-ndôo gə́ wɔji dɔ Jerusalem 3:57

Ndɔ gə́ ma m’no̰ m’ɓar ne rii lé I ree pər gə́ rɔm’g Ulam pana: Maji kam m’ɓəl el.

Loo gə́ killa rea kəm Daniel’g 10:12

Yeḛ ulam pana: I Daniel lé, maji kari ɓəl el. Mbata un kudee mee ndɔ gə́ dɔtar gə́ i wa məəi kɔgərɔ mba koo gin ta ləm, gə mba koso kul no̰ Ala’g lé ləi ləm tɔ ndá Ala oo ne taje ləi ya. Yee ɓa ma m’ree ne gə mbata taje ləi ya.

Ojee 11:9

M’a ra né gə goo oŋg ləm gə ḭ səm pu lé el, M’a kya̰ goo tuji gə́ m’wɔji mba tuji ne Eprayimje lé. Mbata ma m’to Ala ɓó m’to dəw el, Ma m’to Njerɔkunda gə́ m’si mbuna sí’g, M’a tel ree ra né gə goo oŋg ləm el.

Matiyo 7:14

Rəw gə́ aḭ par gə́ loo gə́ deḛ d’a si kəmba keneŋ lé rəbee njo̰-njo̰ ar təa kara uba dee tususu. Togə́bè ɓa dəwje jebəre ba ɓa to njeaje-je.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Njé gə́ Rɔmə 9:27

Esai kara loo gə́ yeḛ pata wɔji ne dɔ Israɛl lé yeḛ pata gə ndia gə́ tɔg pir ya pana: Lé Israɛlje d’a bula kasəna gə nagəra gə́ ta baa’g kara kawal dee ɓa a kaji ya.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Tel tura Godndu 7:7

To mbata bula gə́ seḭ bulaje urje dɔ koso-dəwje’g raŋg lai ɓa Njesigənea̰ ɔm ne sə sí na̰’d mbər sí ne gə mbəa el nɛ mbata to gə́ seḭ toje gə́ lam ba mbuna koso-dəwje’g lai ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Jujé 17:18

Nɛ seḭ a kiŋgaje dɔ mbal gə́ né ka̰ sí-seḭ mbata to mee kag-kɔr gə́ seḭ a tugaje ndá néje lai gə́ keneŋ a to ka̰ sí-seḭ ya, bèe ɓa Kana̰je lé lé pusu-rɔje lə dee gə́ ra gə larndul to keneŋ ləm, lé siŋga dee to yaa̰ ləm tɔ kara seḭ a tuba deeje ya.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.