Esai 41:13 - Maktub gə́ To gə Kəmee

¹³ Mbata ma m’to Ala lə sí gə́ Njesigənea̰ Gə́ m’ar jikɔl sí to kɔgərɔ-kɔgərɔ. Ma m’to yeḛ gə́ ula sí pana: Ɓəlje el, M’a la sə sí lé ya.

Esai 41:13 ပူးပေါင်းရင်းမြစ်များ

Pakɔsje 109:31

Mbata yeḛ lé aar tar dɔ jikɔl njendoo’g lé Gə mba kɔree ne ji dee-deḛ gə́ d’ila ta dəa’g.

Pakɔsje 118:7

Njesigənea̰ lé to njela səm Ndá m’al ne rɔm kəm njéba̰je’g ləm.

Pakɔsje 63:8

Mbata i lé to njelasəm, M’isi ne dan boo-rɔkal’g ndil bagije’g ya tɔ.

Pakɔsje 73:23

Nɛ lé bèe kara ma m’nai səi gə ndɔm-ndɔm, I nja wa jikɔlm ŋgəji ya tɔ.

Teḛ-Raga 14:13

Moyis ila koso-dəwje keneŋ pana: Ɓəlje el, aarje loo kaar sí’g mba kooje ne kaji lə Njesigənea̰ gə́ yeḛ a gə kaji sí kɔm sí ne tar mee ndɔ gə́ ɓogənè lé, mbata njé gə́ Ejiptə gə́ seḭ oo deeje ɓogənè neelé seḭ a koo deeje gogo el ŋga.

Teḛ-Raga 20:20

Moyis ula koso-dəwje neelé pana: Ɓəlje el, mbata ree gə́ Ala ree lé ree mba kaḭ meḛ sí ləm, gə mba kar ɓəl gə́ seḭ ɓəleeje lé aarje dɔ’g njaŋg ɓó gə mba kar sí raje ne kaiya nda̰ el tɔ.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 42:6

Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Esai 45:1

Njesigənea̰ pata togə́bè ar Sirus gə́ yeḛ wa dəa gə ubu lé Yeḛ gə́ yeḛ wá jikɔlee’g Gə mba kunda ne ginkoji dəwje gə raŋg naŋg nea̰’g ləm, Gə mba tudu ne mina-mbai reŋ mbaije’g ləma, Gə mba kɔr tarəwkɔgje karee Kar dəw kára kara a kudu tarəwje lé el ləm tɔ pana:

Esai 51:18

Mbuna ŋganje lai gə́ Jerusalem gə́ d’oji dee lé Yeḛ gə́ kára kara gə́ njḛdɔr dee godo ləm, Mbuna ŋganje lai gə́ d’odo dee keneŋ lé Yeḛ gə́ kára kara gə́ njegəd dee godo ləm tɔ.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 46:27

Nɛ i kura ləm Jakob, maji kari ɓəl el, I Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’g ləm tɔ, Jakob a tel ree, yeḛ a kal rəa dan kwa rɔ’g ləm, Gə dan sí lɔm’g ləm tɔ, Dəw kára kara gə́ njejɔgee a godo.

Ajee 2:5

Neḛ n’aar dɔ manrɔ’g lə neḛ gə́ neḛ man ne rɔ neḛ n’ar sí loo gə́ seḭ undaje ne loo mee ɓee gə́ Ejiptə teḛje lé ya mbata Ndil neḛ nai mbuna sí’g ya. Maji kar sí gə́ ɓəlje el!

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.