Esai 40:9 - Maktub gə́ To gə Kəmee

⁹ Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 40:9 ပူးပေါင်းရင်းမြစ်များ

2 Sôrta Gḭka Israɛlje 13:4

Abija uba dɔ sém mbal gə́ Semarayim gə́ to dəb mbal gə́ Eprayim lé aar tar ila boo-ndia naŋg wəl ar Jeroboam gə Israɛlje lai pana: Maji kar sí ooje ta ləm ɓa!

Esai 1:1

Ndərta gə́ inja kəm Esai, ŋgolə Amots’g aree oo wɔji ne dɔ Judaje gə Jerusalemje mee ndəa gə́ Ojias gə Jotam gə Akaj gə Ejekias to ne mbaije gə́ Juda lé.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 41:27

Ma nja ɓa m’to njekula njé gə́ Sio̰ ta doŋgɔr M’pana: Aa oo deeje, yḛ̀ d’aar’n! Ma nja m’ula njé gə́ Jerusalem m’pana: M’ula njekaḭkula kára gə taje gə́ maji.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Esai 52:6

Gelee gə́ nee ɓa koso-dəwje ləm d’a gər ne rim. Gelee gə́ nee ɓa mee ndəa’g neelé d’a gər gao to gə́ to ma nja ɓa m’pata: aa ooje yén m’aar nee.

Esai 58:4

Aa ooje, seḭ ɔgje meḛ sí ɓó Mba maḭ ne na̰ ta gə kɔl ne na̰ ləm, Mba kudu ji sí kunda ne na̰ gə meeyèr ləm tɔ, Seḭ ɔgje meḛ sí ɓó gə goo rəbee Mba kar ndu sí ɓar njal teḛ loo-sim gə́ tar lé el.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Jeremi 22:20

Ubaje dɔ sém mbal gə́ Liba̰ Raje ne né wəl ləm, Paje gə ndu sí gə́ tar ɓəgəgə Arje loo gə́ Basan ləma, Arje ndu sí ɓar dɔ sém loo Gə́ Abarim ləm tɔ! Mbata deḛ lai gə́ d’unda sí dan kəm dee’g lé Tuji pugudu.

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Lugu 24:47

d’a kila mber ta kwa ndòo rɔ dɔ kaiya’g gə ta kɔr kaiya dɔ dəwje’g ləm tɔ gə ria-yeḛ kar ginkoji dəwje gə raŋg ya ndá d’a kun kudee Jerusalem ya.

Néra Njékaḭkulaje 2:14

Yen ŋga Piɛrə gə deḛ gə́ dɔg-gir-dee-kára lé d’ɔr rɔ dee d’aar ndá Piɛrə ila boo-ndia naŋg pata pana: Seḭ Jibje gə seḭje lai gə́ sije Jerusalem lé maji kar sí gərje gao ləm, undaje mbi sí maji ooje ne ta ləm ləm tɔ!

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 4:29

Ɓasinè lé Mbaidɔmbaije, aa oo, loo kɔg gə́ d’ɔg sí rədədə lé ndá ar kuraje ləi d’ɔr ta ləi gə kəm ŋgon diŋgam ya ləm,

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Njé gə́ Epesə 6:19

Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé,

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

1 Piɛrə 3:14

Loo gə́ seḭ sije dan némeeko̰’g mbata seḭ raje né gə goo rəbee kara rɔ sí a lel sí ne. Ɓəlje né gə́ dəwje ɓa ɓəl bèe el ləm, arje meḛ sí pélé wəs-wəs el ləm tɔ.

Njéga̰g-Rəwtaje 9:7

D’ula Jotam taree. Bèe ɓa yeḛ aw si dɔ sém mbal gə́ Garijim ndá aa ooje, ta gə́ yeḛ ila boo ndia naŋg wəl ula dee ɓa to nee: Ooje ta ləm, seḭ dəwje gə́ síje Sikem lé tɔɓəi maji kar Ala oo ta lə sí to!