Esai 40:5 - Maktub gə́ To gə Kəmee

⁵ Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Esai 40:5 ပူးပေါင်းရင်းမြစ်များ

1 Mbaije 14:11

Yeḛ gə́ rara gə́ mee kəi’g lə Jeroboam gə́ a kwəi mee ɓee-boo’g ndá bisije ɓa d’a kusá ləm, yeḛ gə́ a kwəi mee wala’g kara yelje ɓa d’a ko̰ yée ləm tɔ. Mbata Njesigənea̰ ya ɓa pa bèe.

Pakɔsje 102:16

Yen ŋga ginkoji dəwje gə raŋg d’a ɓəl ne ri Njesigənea̰ ləm, Mbaije lai gə́ dɔ naŋg neelé kara D’a ɓəl rɔnduba ləi lé ya ləm tɔ.

Pakɔsje 102:17

Tɔgərɔ ya, Njesigənea̰ lé a tel kunda Sio̰ lé tar gogo ya, Yeḛ a riba dɔ rɔnduba ləa gə́ raga.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 96:6

Néje gə́ ndɔḭ mbənənə-mbənənə gə boo-ronduba daa na̰ nea̰’g ləm, Siŋgamoŋ gə rɔnduba taa loo mee kəi’g ləa gə́ to gə kəmee lé pəl-pəl ləm tɔ.

Pakɔsje 97:6

Dara lé ila mber néreaje gə dɔ najee Ar koso-dəwje lai lé d’oo rɔnduba ləa ya.

Teḛ-Raga 16:7

Tɔɓəi bèlè gə ndɔ lé seḭ a kooje rɔnduba lə Njesigənea̰ mbata yeḛ oo ndu ta jémje lə sí gə́ seḭ imje ne rɔ sí dɔ Njesigənea̰’g mbata jeḛ lé see jeḛ n’to gə́ ɗije to ɓa mba kar sí jémje ta imje ne rɔ sí dɔ síjeḛ’g wa.

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 26:15

Ǝi Njesigənea̰, I ar bula lə koso-dəwje ḭ dɔ maree’d gə́ kédé-kédé, Ar bula lə koso-dəwje ḭ dɔ maree’d gə́ kédé-kédé, Riba ne dɔ rɔnduba ləi gə́ raga ləm, Ar rəw-nim-ɓee aw gə́ kédé ləm tɔ.

Esai 34:16

Saŋje mee maktub’g lə Njesigənea̰ Turaje ta nee gə́ pana: Yeḛ gə́ kára mbuna dee’d gə́ a lal ree lé godo ləm, Yeḛ gə́ rara kara gə́ a lal lé godo ləm tɔ, Mbata Njesigənea̰ nja ɓa pa mba̰ ləm, Ndilee-yeḛ nja ɓa a mbo̰ dee dɔ na̰’d keneŋ.

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 40:4

Maji kar kəm godə wəlje lai lé tula ləm, Maji kar mbalje gə dɔdərlooje lai lé pugudu naŋg pugudu-pugudu ləm tɔ! Maji kar kila-rəwje gə́ nduni koŋ-koŋ lé Tel d’aar dana njoroŋ ləma, Kar dee gɔl rəwje gə́ to guduru-guduru D’ar dee tel d’asəna rai-rai ləm tɔ.

Esai 41:20

Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 58:14

I a kiŋga rɔlel gə́ ḭ rɔ Njesigənea̰’g ləm, M’a kuni kaw səi dɔ looje gə́ tar Gə́ duu dɔ ɓeeje ləma, M’a kari al rɔi gə nénduba lə bɔbi Jakob ləm tɔ. Mbata Njesigənea̰ ɓa pa bèe.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Esai 66:23

Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Jeremi 32:27

Aa oo, ma m’to Njesigənea̰, Ala lə dəwje lai, see né kára gə́ njedum-ma to keneŋ gən wa.

Jeremi 9:12

Njesigənea̰ pana: To mbata deḛ d’uba godndum gə́ m’unda no̰ dee’g lé d’ya̰ ləm, mbata deḛ d’un mbi dee rəw dɔ ta’g ləm ra née el ləm tɔ,

Misee 4:4

Deḛ kára-kára lai lé nana kara a si gel kag-nduú’g ləa gə gel kag-kodé’g ləa-ləa ləm, Dəw kára kara gə́ a kɔm ɓəl dɔ dee’g a godo ləm tɔ, Mbata Njesigənea̰ gə́ njeboo-néje ɓa pa bèe.

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.

Lugu 3:6

Dəw-kundaje lə Ala lai gə́ dɔ naŋg nee d’a koo kaji lə Ala lé gə kəm dee nda̰-nda̰ ya.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 12:41

Esai pata néje neelé loo gə́ yeḛ oo rɔnduba ləa gə kəmee lé ɓa aree pa ne ta gə́ wɔji dəa ya.

Tagə́maji gə́ Ja̰ ndang 17:2

Gə goo dɔmoŋ gə́ i ula dɔ Ŋgoni’g aree to ne dəw dɔ dəwje lai-lai lé togə́bè ɓa deḛ lai gə́ i ɔm dee jia’g lé yeḛ a kar dee d’isi gə kəməgə́ gə no̰ lé tɔ.

Néra Njékaḭkulaje 2:17

Ala pana: ndɔ gə́ rudu ndəa a gə kun ɗiao lé M’a kɔm Ndilm dɔ dəwje’g lai gə loo-loo. Ndá ŋgan síje gə́ diŋgam gə njé gə́ dené d’a tegginta ləm, Basaje lə sí d’a koo né gə némḭdije lé ləma, Ɓugaje lə sí d’a koo né gə nije ləm tɔ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.