Esai 40:31 - Maktub gə́ To gə Kəmee

³¹ Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Esai 40:31 ပူးပေါင်းရင်းမြစ်များ

Maktub gə́ wɔji dɔ Jɔb 17:9

Lé bèe kara njera nédana aar njaŋg dɔ rəw-kabee’g ləm, Yeḛ gə́ njiá àr ŋgad-ŋgad lé siŋgá ḭ dɔ maree’d gə́ kédé-kédé ləm tɔ.

Pakɔsje 103:5

Loo gə́ i ɓuga mba̰ kara Yeḛ nja ɓa ar némajije ləa rusu loo rɔi’g ləm, Yeḛ ar rɔi tel idi ne gogo pug-pug Asəna gə rɔkwɔilɔ lə niŋgatə̰də bèe ləm tɔ.

Pakɔsje 123:2

Aa oo, to gə́ kəm kuraje lé wəi sḭ dɔ ji ɓée deeje’g ləm, To gə́ kəm kura gə́ dené wəi sḭ dɔ ji ɓéeje gə́ dené bèe ləm tɔ lé Jeḛ nja kara n’telje ne kəm sí par gə́ rɔ Njesigənea̰ Ala’g lə sí togə́bè to Saar gə mba karee oo ne kəmtondoo lə sí.

Pakɔsje 138:3

Mee ndɔ gə́ m’ɓar ne rii lé I ilam keneŋ am ne né gə́ m’aw ndée ya, I ula diŋgam məəm’g ləm, ar siŋgam ḭ dɔ maree’g ləm tɔ.

Pakɔsje 20:9

Deḛ lé guru d’oso naŋg, Nɛ jeḛ lé j’aar dɔ gɔl sí’g tar jigiri ya.

Pakɔsje 25:21

Maji kar néra gə́ gə dɔ najee ləm, gə néra gə́ danasur ləm tɔ lé D’aḭ bada dɔm’g Mbata ma m’unda məəm yel dɔi’g ya.

Pakɔsje 25:3

Deḛ lai gə́ d’unda meḛ dee yel dɔi’g lé Rɔ dee a kul el, Deḛ gə́ d’un dɔ mar deeje gə́ sḭ lé Deḛ nja rɔkul a dəb dɔ dee’g.

Pakɔsje 25:5

Maji kari ɔr nɔm dan kankəmta’g ləi, gə́ ndoom ne né, Mbata i nja to Ala gə́ njekajim, M’unda məəm yel dɔi’g ta-ta ya.

Pakɔsje 37:34

Maji kari unda məəi yel dɔ Njesigənea̰’g Aa ne dɔ rəw ləa ndá Yeḛ a kuni gə́ tar kari iŋga dɔ naŋg neelé gə́ kaḭ ləm, I a koo ne njémeeyèrje gə́ d’udu guduru ya ləm tɔ.

Pakɔsje 40:1

Pa lə Dabid gə́ ar bao-pa mba karee ɔs sə dee lé

Pakɔsje 84:7

Loo gə́ deḛ d’unda kəm wəl-loo gə́ Baka gaŋg lé D’aree tel to loo gə́ kəm-rəw-manje taa loo keneŋ pəl-pəl ləm, Ndi gə́ ər dɔ loo’g neelé ar néje gə́ maji kinja keneŋ ləm tɔ.

Pakɔsje 84:8

Loo gə́ d’aw njaa lé ndá Siŋga dee ḭ dɔ maree’d gə́ kédé-kédé Ar dee teḛ ne Sio̰’g d’aar ne no̰ Ala’g lé ya.

Pakɔsje 92:1

Pa gə́ d’ɔs mbata lə ndɔ-kwa-rɔ lé.

Pakɔsje 92:13

Njémeekarabasurje lé ra tɔg gə́ kédé-kédé to gə́ kag-tumbur bèe ya ləm, Deḛ teḛ mbi teḛ boo to gə́ kag-sɛdrə gə́ Liba̰ bèe ya ləm tɔ.

Teḛ-Raga 19:4

Seḭ ooje né gə́ m’ra gə njé gə́ Ejiptə ləm, gə goo rəw gə́ m’odo sí ne seḭ Israɛlje m’ree ne sə sí rɔm’g lé ləm tɔ.

Gosota-Kəmkàrje 30:19

Rəw-kaw lə niŋgatə̰də gə́ pə̰ dara’g ləm, Rəw-kaw lə li gə́ dɔ mbal’g ləm, Rəw-kaw lə bato gə́ dɔ baa-boo-kad’g ləma, Gə rəw néra lə ŋgon gə́ basa gə́ par gə́ rɔ ŋgoma̰də’g ləm tɔ.

Pa gə́ ur dɔ paje 8:5

See na̰ ɓa ḭ dɔdilaloo’g aw gə́ nee Gə́ gəd rəa rɔ dəw gə́ yeḛ undá dan kəmee’g lé wa. Ma m’ndelii gel kag-pɔmə’g, Loo gə́ nee’g kɔinje taa kèm ləi keneŋ ləm Loo gə́ neelé yeḛ ojii keneŋ ləm tɔ

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 30:15

Mbata Mbaidɔmbaije gə́ Njesigənea̰ gə́ to Njerɔkunda lə Israɛlje lé pa togə́bè pana: Gə goo tel gə́ seḭ telje reeje rɔ Ala’g lé ləm, Gə si gə́ seḭ síje régégé ləm tɔ lé ɓa Seḭ a kajije ne ləm, Si gə́ seḭ síje lɔm Gə kunda gə́ seḭ undaje meḛ sí yel ɓa A to siŋga sí ləm tɔ. Nɛ seḭ ɔsje ta nee rəw!

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 41:1

Seḭ gə́ síje dɔgoré-looje’g lé Maji kar sí síje mundu ooje ta ləm! Maji kar koso-dəwje d’ar siŋga dee ḭ dɔ maree’g ləm, Maji kar dee rəm pər gə mba pata ləm tɔ! Ar sí n’rəmje pər gə mba kɔr kəm ta lə na̰.

Esai 64:4

I ɔr no̰ yeḛ gə́ ra né gə́ gə dɔ najee gə rɔlel ləm, Gə no̰ deḛ gə́ njaa gə kila-rəwje ləi, D’ar meḛ dee olé ne dɔi’g ləm tɔ. Nɛ məəi ḭ səi jugugu mbata jeḛ n’raje kaiya. Yee ɓa jeḛ j’isije ne dan némeeko̰’g kur sí əw Saar ɓa i ɔr sí danee’g ɓəi.

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Jeremi 48:15

Moab tuji pugudu, Sa uba dɔ ɓee-booje’g ləa ŋgɔg-ŋgɔg ləm, Basaje ləa gə́ maji d’unda mar deeje lé Tḭja gwɔs dee ləm tɔ. Mbai gə́ ria lə Njesigənea̰ lə bao-roje ɓa pa bèe.

Jakari 10:12

Mbɔl dɔ Njesigənea̰ lé N’a kar siŋga dee ḭ ne dɔ maree’g ləm, D’a kaw ne kəm dee gə́ kédé-kédé gə ria-yeḛ ləm tɔ, Njesigənea̰ ɓa pa bèe.

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Njé gə́ Rɔmə 8:25

Nɛ ɓó lé jeḛ j’unda meḛ sí yel gə́ dɔ né gə́ jeḛ j’oo el ɓəi ndá j’ila ne meḛ sí po̰-po̰ ŋgina ne ya.

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

2 Njé gə́ Kɔrḭtə 4:16

Gelee gə́ nee ɓa meḛ sí ila ne kas el. Ɓó lé dakasrɔ sí gə́ raga ya̰ maree yag-yag ndá kara rɔ sí gə́ kəi lé ɔs udu kəm rɔ sí’g red-red gə ndəa-ndəa.

Njé gə́ Galati 6:9

Ar sí j’arje rɔ sí wɔi sí ndiŋ-ndiŋ dɔ néra gə́ maji’g lé el mbata ɓó lé meḛ sí a kila kas dɔ’g el ndá naḭyee ndá j’a kiŋga née ya.

Tel tura Godndu 32:11

To gə́ niŋgatə̰də aar ne dɔ ŋganeeje’g Tuga bagee kəb dee ne ləm, Naji bagee ndoo dee ne né ləma, Odo dee gə bèl bageeje ləm tɔ.

Tel tura Godndu 33:25

Maji kar pəgərəje lə sí To dee gə́ ra dee gə larndul gə larkas ləm, Maji kar siŋga sí To yaa̰ as gə ndɔ si kəmba lə sí béréré ya ləm tɔ!

1 Njé gə́ Tesalonikə 1:10

Yee ɓa, seḭ ŋginaje ne Ŋgonee gə́ a gə kḭ dara lé yee ɓa to Jeju gə́ Ala aree unda loo teḛ dan njé gə́ d’wəi’g ləm, yeḛ gə́ ɔr sí dan oŋg gə́ a gə ree lé ləm tɔ.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Ǝbrəje 12:3

La̰jije dɔ Jeju’g, yeḛ gə́ si dan njékaiyaje’g gə́ d’ɔsee ɓɔḭ-ɓɔḭ, togə́bè ɓa seḭ a daoje ne el ləm, meḛ sí a kila ne kas el ləm tɔ.

Jujé 14:11

Siŋgam to kɔgərɔ-kɔgərɔ ya ɓəi to gə́ mee ndəa gə́ Moyis ulam ne lé ya, siŋgam to to gə́ kédé ya ɓəi gə mba kɔr rɔ kaw rɔ ləm, əsé gə mba kunda loo teḛ raga əsé mba tel ree kəi gogo ləm tɔ.

Loo gə́ killa rea kəm Ja̰’g 12:14

Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el.

Loo gə́ killa rea kəm Ja̰’g 2:3

Meekai sam-sam ləi lé i ya̰ gée el. I wa rɔi kɔgərɔ mbata rim ɓó ar məəi ila kas el.

Loo gə́ killa rea kəm Ja̰’g 4:7

Nékunda lə Ala gə́ dɔtar lé to tana gə toboḭ ləm, yeḛ gə́ njekɔm’g joo to tana gə ŋgon maŋg ləm, yeḛ gə́ njekɔm’g munda lé to tana gə kəm dəw, yeḛ gə́ njekɔm’g sɔ lé to tana gə yel magəra gə́ nar bibibi ləm tɔ.

Njéga̰g-Rəwtaje 16:28

Togə́bè ɓa Samso̰ no̰ ɓar Njesigənea̰ ndá yeḛ pana: Mbaidɔmbaije gə́ Njesigənea̰, m’ra ndòo rɔi’g ya, ar məəi olé dɔm’g ya kari. Ǝi Ala, am siŋgamoŋ gɔl kára ya ɓəi mba kam m’ra né gɔl kára ba ya m’dal ne ba̰ ləm dɔ Pilistije’g mbata lə guburu kəmje gə́ deḛ tɔr joo bɔr lé.