Esai 40:29 - Maktub gə́ To gə Kəmee

²⁹ Yeḛ gə́ dao lé Yeḛ aree siŋga ləm, Yeḛ gə́ oso rəb lé Yeḛ ar siŋgá ḭ dɔ maree’g ləm tɔ.

Esai 40:29 ပူးပေါင်းရင်းမြစ်များ

Gḭ-Néje 49:24

Nɛ siŋgamoŋ kag ɓandaŋg ləa to kɔgərɔ ləm, Ji njesiŋgamoŋ gə́ ka̰ Jakob lé Ar siŋga jia-yeḛ lé to ne kɔgərɔ ləm tɔ. Yeḛ tel to ne njekulbadje ləm, Gə kɔr mbal lə Israɛl ləm tɔ.

Nehemi 6:9

Dəwje lai neelé ndigi kɔm ɓəl dɔ sí’g ndá deḛ d’ula na̰ pana: Meḛ sí a kila kas ləm, kula kara j’a raje el ləm tɔ. Ǝi Ala, ɓasinè am siŋgam!

Pakɔsje 29:11

Njesigənea̰ lé ar dəwje ləa siŋga dee ləm, Njesigənea̰ lé tɔr ndia dɔ dəwje’g ləa Ar dee d’isi ne dan rɔlel’g ləm tɔ.

Pakɔsje 68:10

Ǝi Ala, i lé ar ndi ər keneŋ yaa̰, Dɔ naŋg ləi gə́ ɔr ho̰d lé kara I nja telee aree to maji gogo ɓəi.

Pakɔsje 68:35

Ulaje rɔnduba dɔ Ala’g lé ya, Boo-ronduba ləa o̰ ɓee dɔ Israɛlje’g ləm, Siŋgamoŋ ləa ḭ sém loo gə́ tar ləm tɔ.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Jeremi 31:25

Mbata yeḛ gə́ ɔr kɔd-kɔd lé m’a karee siŋgá ləm, nana ɓa gə́ unda ndolè kara m’a karee né gə́ yeḛ aw ndée ləm tɔ.

Jakari 10:12

Mbɔl dɔ Njesigənea̰ lé N’a kar siŋga dee ḭ ne dɔ maree’g ləm, D’a kaw ne kəm dee gə́ kédé-kédé gə ria-yeḛ ləm tɔ, Njesigənea̰ ɓa pa bèe.

2 Njé gə́ Kɔrḭtə 4:16

Gelee gə́ nee ɓa meḛ sí ila ne kas el. Ɓó lé dakasrɔ sí gə́ raga ya̰ maree yag-yag ndá kara rɔ sí gə́ kəi lé ɔs udu kəm rɔ sí’g red-red gə ndəa-ndəa.

Tel tura Godndu 33:25

Maji kar pəgərəje lə sí To dee gə́ ra dee gə larndul gə larkas ləm, Maji kar siŋga sí To yaa̰ as gə ndɔ si kəmba lə sí béréré ya ləm tɔ!

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

Njé gə́ Kolosə 1:11

Togə́bè ɓa, mbɔl dɔ boo-siŋgamoŋ ləa gə́ maji dum gə́ yeḛ ula meḛ sí’g lé seḭ a ŋgəŋje ne dɔ néje’g lai ndá seḭ a sije gə meendakaḭ, a kilaje meḛ sí po̰ kaije meḛ sí sam-sam dɔ néje gə́ lai gə́ ra sí lé tɔ.

Ǝbrəje 11:34

Deḛ neelé tɔl pər gə́ o̰ bilim-bilim misi ləm, deḛ teḛ ta kiambas gə́ adə làm-làm’g ləm, lé d’oso gə rɔko̰ pid-pid kara d’aji ne kədərə ləma, d’wa rɔ dee kɔgərɔ loo-rɔ’g ləma, tuba ne njéboo-rɔje gə́ dɔ ɓeeje gə́ raŋg lé ləm tɔ.

Njéga̰g-Rəwtaje 15:19

Ala ta̰ mbal gə́ Léi lé ar mán teḛ keneŋ. Samso̰ ai ndá ndilee ree rəa’g ar kəmee tuga sib. Gelee gə́ nee ɓa d’unda ne ri kəm-rəw-mán neelé lə En-Akɔr, kəm-rəw-mán neelé to Léi saar teḛ ne mee ndəa gən ɓəi.

1 Samel 2:4

Ɓandaŋ lə njésiŋgamoŋje təd tula-tula ləm, Deḛ gə́ d’unda ndolè kara Siŋgamoŋ ɓa to ndar gə́ ɓər dee’g ləm tɔ.