Esai 40:28 - Maktub gə́ To gə Kəmee

²⁸ See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 40:28 ပူးပေါင်းရင်းမြစ်များ

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

Maktub gə́ wɔji dɔ Jɔb 38:18

See kəmi un tad lə naŋg nee lad wa. Ɓó lé i oo néje ne lai ya ndá ulam.

Pakɔsje 138:8

Njesigənea̰ a ra néje lai karee maji am, Njesigənea̰, meemaji ləi lé to saar gə no̰. Néje gə́ i ra gə jii lé maji kari uba dee ya̰ dee el.

Pakɔsje 139:6

Gosɔnégər gə́ maji dum gə́ togə́bè lé al dɔm sula, Dum dɔm ɓó m’askəm gər ginee el.

Pakɔsje 145:3

Njesigənea̰ lé to gə́ boo Gə́ kəm kiŋga pidi ləm, Boo ləa lé dum gər ya ləm tɔ.

Pakɔsje 147:5

Mbaidɔmbaije lə sí lé to gə́ boo gə goo bao-siŋgamoŋ ləa ləm, Gosɔnégər ləa kara rudee godo ləm tɔ.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Esai 37:26

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Esai 40:21

See seḭ gərje el wa, Esé see ooje taree el wa. See d’ar sí gərje un kudee ndɔ tum gelee’g el wa. See seḭ ə̰jije dɔ loo-kunda-gin-naŋg’g lé el ya saar wa.

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 59:1

Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Esai 66:9

See m’a kar dené aw saar teḛ kàr koji ŋgon’g ɓa M’a kɔgee koji ŋgon wa. Njesigənea̰ ɓa pa bèe. See ma gə́ m’ar dee d’oji ŋganje lé See m’a kɔg dee loo koji ŋganje wa. Ala ləi pa bèe.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Mark 16:14

Waga tɔɓəi ndá Jeju teḛ kəm deḛ gə́ dɔg-gir-dee-kára gə́ d’isi ta ka-nésɔ’g lé, yeḛ ndaŋg dee dɔ meendər’g lə dee ləm, gə dɔ kɔstarəw’g lə dee ləm tɔ, mbata d’ɔm meḛ dee dɔ ta’g lə deḛ gə́ d’ée loo gə́ yeḛ unda loo teḛ dan njé gə́ d’wəi’g lé el.

Mark 9:19

Yen ŋga Jeju tel ila dee keneŋ pana: Seḭ ginkoji dəwje gə́ njéndɔjitaje, see m’a nai sə sí ndɔm ka̰da tɔɓəi wa. See ndɔ gə́ ra ɓa m’a kəw rɔm kila məəm dɔ sí’g ɓəi wa. Waje ŋgon lé gə́ rɔm’g nee.

Lugu 24:25

Yen ŋga Jeju ula dee pana: Wah! seḭ dəwje gə́ kəmkàr na meḛ sí tas ləm, meḛ sí tɔ kujita dɔ ta’g lə njéteggintaje el ləm tɔ lé.

Tagə́maji gə́ Ja̰ ndang 14:9

Jeju ilá keneŋ pana: Ma m’isi sə sí ləw-ləw ba nee ya Pilibə, see i gərm el wa. Yeḛ gə́ oom-ma ndá oo Bɔm ya tɔ, nɛ see ban ɓa i ulam pana: M’tɔji sí Bɔ-dəwje lé ɓəi wa.

Tagə́maji gə́ Ja̰ ndang 5:17

Nɛ Jeju ila dee keneŋ pana: Bɔm si ra kula dəa gə́ kédé ɓəi, bèe ndá ma kara m’isi m’ra kula dɔm gə́ kédé ɓəi tɔ.

Néra Njékaḭkulaje 13:47

Mbata Mbaidɔmbaije un ndia ar sí togə́bè pana: Neḛ n’undai gə́ lookàr lə ginkoji dəwje gə raŋg Mba kari un ta kaji lé aw ne saar teḛ ne gwɔi naŋg’d.

Njé gə́ Rɔmə 16:26

nɛ ɓasinè ta gə́ njéteggintaje ndaŋg lé riba dəa təsərə gə goo ndukun lə Ala gə́ njesikəmba lé ləm, ar ginkoji dəwje gə raŋg lai-lai d’oo mba kar dee d’un ne meḛ dee d’ila ne ŋgonkoji dəa’g ləm tɔ lé

1 Njé gə́ Kɔrḭtə 2:16

Mbata See na̰ ɓa gər takə̰ji lə Mbaidɔmbaije Mba ndée ne né wa. Nɛ jeḛ lé takə̰ji lə Kristi ɓa nai meḛ sí’g.

1 Njé gə́ Kɔrḭtə 6:16

See seḭ gərje el wa, yeḛ gə́ unda rəa na̰’d mbo̰-mbo̰ gə kaiya-dené ndá yeḛ tel to gə́ darɔ gə́ kára ba səa na̰’d tɔ. See seḭ gərje bèe el wa. Mbata deḛ pa mee maktub’g pana: Deḛ joo bɔr d’a tel to darɔ gə́ kára ba.

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

Tel tura Godndu 33:27

Ala gə́ njesi gə ləbee-ləbee gə nea̰ lé To gə́ njo̰loo-kula-dɔ lə sí, Gel kag jia gə́ to gə no̰ lé To njo̰loo lə sí tɔ. Yeḛ tuba njéba̰je lé no̰ sí’g Pa ne pana: Maji kar dee tuji pugudu ya.

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

1 Samel 2:10

Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.