Esai 40:26 - Maktub gə́ To gə Kəmee

²⁶ Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Esai 40:26 ပူးပေါင်းရင်းမြစ်များ

Gḭ-Néje 1:14

Ala pana: Maji kar néndogóje to pə̰ dara’g gə mba kai lookàr gə loondul gə lée-lée ya. Maji kar dee to nékwɔji kuru looje ləm, gə ndɔje ləma, gə ləbje ləm tɔ,

Gḭ-Néje 1:16

Ala unda néndogóje gə́ boi joo neelé. Yee gə́ boi gə́ ur dɔ maree lé to mba ko̰ɓee dɔ lookàr’g ləm, yee gə́ lam gə́ orè gée lé to mba ko̰ɓee dɔ loondul’g ləm tɔ. Tɔɓəi Yeḛ unda kéréméje tɔ.

Pakɔsje 102:25

Gelee gə́ nee ɓa ma m’pana: Ala ləm, Loo gə́ ndɔ kisi kəmba ləm nai bula ɓəi lé Maji kari unm el, I gə́ ləbi to saar-saar gə no̰ lé.

Pakɔsje 119:91

Gə goo godnduije lé ɓa néje lai to ne njaŋg saar teḛ ne ɓogənè ya, Mbata néje lai lé i ar dee d’oso geli’g

Pakɔsje 121:1

Pakɔs kḭ kaw tuga ne loo ɗao-ɗao gə́ tar. M’un kəm m’ila dɔ mbalje’g, See né gə́ a la səm a kḭ ra wa.

Pakɔsje 19:1

Pa lə Dabid gə́ ar bao-pa mba karee ɔs sə dee lé

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Esai 34:16

Saŋje mee maktub’g lə Njesigənea̰ Turaje ta nee gə́ pana: Yeḛ gə́ kára mbuna dee’d gə́ a lal ree lé godo ləm, Yeḛ gə́ rara kara gə́ a lal lé godo ləm tɔ, Mbata Njesigənea̰ nja ɓa pa mba̰ ləm, Ndilee-yeḛ nja ɓa a mbo̰ dee dɔ na̰’d keneŋ.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 45:12

Ma nja ɓa m’unda naŋg ləm, M’unda dəw m’aree si keneŋ ləm tɔ, Ma nja ɓa m’naji dara ləm, Ma nja ɓa m’unda boo-néje lai keneŋ gə lée-lée ləm tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 48:12

Ooje ta ləm, seḭ njé’g lə Jakob, Seḭ Israɛlje gə́ m’ɓar sí! Ma nja m’to yeḛ gə́ dɔtar ləm, Ma nja m’to yeḛ gə́ rudu ləm tɔ.

Esai 48:13

Jim-ma ɓa m’tum ne gin naŋg nee, Jikɔlm ɓa m’naji ne dara ləm tɔ, Ma m’ɓar dee ndá Léegəneeya deḛ teḛ d’aar.

Esai 51:6

Unje kəm sí gə́ dara ləm, Aaje loo gə́ dɔ naŋg nee ləm tɔ ooje! Mbata dara a sané kad to gə́ sa pər bèe ləm, Dɔ naŋg nee a tel ŋgisi to gə́ kubu bèe ləma, Dəwje gə́ keneŋ kara d’a kwəi mburug-mburug to gə́ kémje bèe ləm tɔ. Nɛ kaji ləm a to saar-saar gə no̰ ləm, Néra gə́ gə dɔ najee ləm kara rudee a kun el ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.