Esai 40:25 - Maktub gə́ To gə Kəmee

²⁵ Njemeenda pana: See na̰ ɓa a kwamje kwɔjeje ne wa.

Esai 40:25 ပူးပေါင်းရင်းမြစ်များ

Pakɔsje 86:8

Mbaidɔmbaije, mbuna magəje’g lé Yee gə́ kára kara gə́ to tana səi bèe godo ləm, Kula gə́ raŋg gə́ to asəna gə kula raije kara Godo ya ləm tɔ.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 40:18

See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 46:5

See na̰ ɓa seḭ a kasje kəm kwáje kwɔjimje ne kaareeje as səm wa. See na̰ ɓa a kamje m’to tana səa kar síjeḛ səa n’taje gə na̰ pai-pai wa.

Tel tura Godndu 4:33

See ndɔ kára dəw oo ndu Ala gə́ wɔji səa ta dan pər’g to gə́ i oo ne bèe ya nɛ njea tel si kəmba ya wa.

Tel tura Godndu 5:8

I a tɔl néndaji mbata ləi pai el ləm, əsé néndaji gə́ tana gə néje gə́ rara gə́ to mee dara’g əsé gin naŋg’d, əsé deḛ gə́ to dan manje gə́ to gel naŋg’d lé el ləm tɔ.