Esai 40:22 - Maktub gə́ To gə Kəmee

²² Yeḛ nja ɓa si dɔ gwɔi naŋg’d gə́ tar Ndá deḛ gə́ d’isi dɔ naŋg’d lé To d’asəna gə beedéje bèe, Yeḛ naji dara To gə́ dəw naji ne kubu gə́ wɔilɔ bèe ləm, Yeḛ la dara To gə́ dəw la ne kəi-kubu mba si keneŋ bèe ləm tɔ.

Esai 40:22 ပူးပေါင်းရင်းမြစ်များ

Gḭ-Néje 1:6

Ala pana: Maji kar pən-loo to tag mbuna manje’g gə mba kai manje ɓəd-ɓəd.

Maktub gə́ wɔji dɔ Jɔb 22:14

I pana: Kil-lə-ndi ɔnee mbèd ndá yeḛ oo né kára kara el, Dɔ dara gə́ tar ɓa yeḛ gugu loo keneŋ.

Maktub gə́ wɔji dɔ Jɔb 26:7

Dara gə́ par gə́ dɔgel lé yeḛ najee mbuna loo gə́ kari ba’g ləm Yeḛ naa̰ naŋg mbuna loo gə́ kari ba’g rḭdoŋ ləm tɔ.

Maktub gə́ wɔji dɔ Jɔb 36:29

See na̰ ɓa a gər gin sané lə ndi ləm, Gə ndaŋg ləa gə́ ɓar paḭ-paḭ mee loo-siée’g ləm tɔ wa.

Maktub gə́ wɔji dɔ Jɔb 37:18

See i askəm naji dara karee ndər asəna gə nékoo-kəm Gə́ to lar gə́ léḛ to gə́ yeḛ ra bèe wa.

Maktub gə́ wɔji dɔ Jɔb 9:8

Yeḛ nja gə karee ba naji dara ləm, Yeḛ dum dɔ mán baa-boo-kadje’g ləm tɔ.

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pakɔsje 18:11

Yeḛ uba Nékunda gə́ dara si dəa’g nar ne tar, Tɔɓəi yeḛ nar dɔ bag lel’g ləm tɔ.

Pakɔsje 19:4

Taree neelé to gə́ takɔji dəwje əsé to tapa dee ɓa Ndia a lal koso mbi dee’g el.

Pakɔsje 2:4

Yeḛ gə́ loo-siée to dan dara’g lé kogo ŋgig-ŋgig, Mbaidɔmbaije ula sul dɔ dee’g ya.

Pakɔsje 29:10

Njesigənea̰ lé si dɔ kalimbai’g ləa Mee ndəa gə́ mán bélm taa ne loo lé ləm Njesigənea̰ si gə́ mbai dɔ kalimbai’g ləa O̰ ne ɓee saar-saar gə no̰ ya ləm tɔ.

Pakɔsje 68:33

Seḭ gə́ síje mee ɓeeko̰je gə́ dɔ naŋg neelé Ɔsje pa arje Ala ləm, Ilaje riɓar dɔ Mbaidɔmbaije’g lé ləm tɔ.

Gosota-Kəmkàrje 8:27

Loo gə́ yeḛ unda dara gə lée-lée lé M’isi keneŋ mba̰ ya, Loo gə́ yeḛ wɔji ŋgaŋ ɓul manje ləm,

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Esai 40:15

Aa ooje, ginkoji dəwje gə raŋg to d’asəna gə mán gə́ ku-golé’d Gə́ ndəi gɔl kára ba bèe ləm, Deḛ to d’asəna gə nduji naŋg Gə́ to mee nékwɔji-né’g bèe ləm tɔ, Aa ooje, dɔgoré-looje to d’asəna gə babur gə́ ḭ tul bèe!

Esai 40:17

Ginkoji dəwje gə raŋg lai lé to gə́ né gə́ kari ba nea̰’g ləm, Deḛ to gə́ néje gə́ gə mḭdé ba Gə́ to gə́ né el ləm tɔ.

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Bula lə Israɛlje 13:33

jeḛ j’oo dəwje gə́ ŋgal pur-pur gə́ to ŋgalə Anak, ginkoji’g lə njé gə́ ŋgal pur-pur keneŋ: kəm dee-deḛ’g ləm, gə kəm síjeḛ’g kara jeḛ n’to asəna gə beedéje bèe ya.