Esai 40:21 - Maktub gə́ To gə Kəmee

²¹ See seḭ gərje el wa, Esé see ooje taree el wa. See d’ar sí gərje un kudee ndɔ tum gelee’g el wa. See seḭ ə̰jije dɔ loo-kunda-gin-naŋg’g lé el ya saar wa.

Esai 40:21 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Maktub gə́ wɔji dɔ Jɔb 26:7

Dara gə́ par gə́ dɔgel lé yeḛ najee mbuna loo gə́ kari ba’g ləm Yeḛ naa̰ naŋg mbuna loo gə́ kari ba’g rḭdoŋ ləm tɔ.

Pakɔsje 115:8

Deḛ gə́ njéra deeje lé Gə deḛ lai gə d’ɔm meḛ dee dɔ magəje’g neelé To tana sə dee pai-pai ya.

Pakɔsje 50:6

Dara a kila mber meekarabasur ləa, Mbata Ala to njegaŋ-rəwta.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 37:26

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 46:8

Arje meḛ sí olé dɔ néje’g neelé ndá Waje rɔ sí gə́ diŋgam! Seḭ kaiya-dəwje lé La̰jije tor ta neelé meḛ sí’g.

Esai 48:13

Jim-ma ɓa m’tum ne gin naŋg nee, Jikɔlm ɓa m’naji ne dara ləm tɔ, Ma m’ɓar dee ndá Léegəneeya deḛ teḛ d’aar.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.