Esai 40:20 - Maktub gə́ To gə Kəmee

²⁰ Dəw gə́ njendoo gə́ askəm kun né lam ba kar lé Yeḛ mbər kag gə́ a gə ndusu el, Yeḛ saŋg njerea gə́ to njegosokula Mba karee ndaji magə gə́ a koso naŋg el.

Esai 40:20 ပူးပေါင်းရင်းမြစ်များ

Esai 41:7

Njetɔl néndaji ula diŋgam mee njelḛ̀ né’g, Yeḛ gə́ njekoo-né gə mo̰ ula diŋgam mee yeḛ gə́ njekunda né dɔ ɗaŋg’d, Yeḛ pa wɔji dɔ né gə́ léer né keneŋ pana: Wa maji ya. Ndá yeḛ ɓər néndaji magə neelé Gə ŋgawlarje gə mba karee oso el.

Esai 44:12

Njekɔr ra tina, Kúl ɓa yeḛ ra ne kula, Yeḛ kunda gə mo̰ mba karee asəna, Yeḛ ra gə kag jia gə́ to kɔgərɔ-kɔgərɔ. Nɛ loo gə́ ɓó tɔlee ndá Léegəneeya siŋgá godo, Yeḛ ai mán el ndá Léegəneeya yeḛ gur naŋg rug tɔ.

Esai 46:7

Deḛ d’unee d’unda dɔ tam dee’g ləm, D’aw d’uree loo-kaaree’g d’aree to keneŋ ləm tɔ. Yee ɔd aw raŋg el, Deḛ ra né wəl gə́ rəa’g Nɛ yee ila dee keneŋ el ləm, Yee aji dəw dan néurti’g ləa el ləm tɔ.

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Loo gə́ killa rea kəm Daniel’g 5:4

Deḛ d’ai mán-nduú gə́ mḭ ləm, deḛ pidi ne magəje gə́ ra dee gə larlɔr gə larnda gə larkas gə larndul gə kag gə mbal ləm tɔ.