Esai 40:18 - Maktub gə́ To gə Kəmee

¹⁸ See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 40:18 ပူးပေါင်းရင်းမြစ်များ

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Pakɔsje 113:5

See na̰ ɓa tana gə Njesigənea̰, Ala lə sí lé wa. Yeḛ lé loo-siée to tar sab.

Pakɔsje 89:6

Ǝi Njesigənea̰, dara lé kila rɔ nédumkooje ləi gə́ raga, Deḛ kila rɔ meenda londoŋ ləi gə́ raga dan loo-kwa-dɔ-na̰’g lə deḛ gə́ to gə kəmee lé to!

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Pakɔsje 89:8

Ala to ɓəl kədm-kədm dan koso-dəwje’d gə́ to gə kəmee lé ləm, Yeḛ to ɓəl kədm-kədm mbata deḛ lai gə́ gugu dəa sub lé ya ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 20:4

I a tɔl né ndaji ne magə el, lé néje gə́ tar mee dara’g əsé néje gə́ dɔ naŋg nee əsé néje gə́ dan mán’d gə́ to gel naŋg kara i a ra né ndaji dee ne kára kara bèe el ya.

Teḛ-Raga 8:10

Deḛ daa yoo dee dɔ na̰’d ndil-ndil ar mee ɓee gə́ ə̰də mbo̰.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Esai 40:25

Njemeenda pana: See na̰ ɓa a kwamje kwɔjeje ne wa.

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Esai 46:5

See na̰ ɓa seḭ a kasje kəm kwáje kwɔjimje ne kaareeje as səm wa. See na̰ ɓa a kamje m’to tana səa kar síjeḛ səa n’taje gə na̰ pai-pai wa.

Esai 46:9

Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.

Jeremi 10:1

Seḭ gel-bɔje lə Israɛl, Ooje ta gə́ Njesigənea̰ ula sí!

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 10:6

Ǝi Njesigənea̰! Dəw kára bèe Gə́ to tana səi pai godo. I to gə́ boo ləm, riɓar ləi to gə́ boo Gə goo siŋgamoŋ ləi ləm tɔ.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Néra Njékaḭkulaje 17:29

Bèe ndá to gə́ jeḛ n’to ŋgan-Alaje lé ndá maji kar sí j’ə̰ji meḛ sí’g m’pana: Ala to asəna gə magə gə́ deḛ ra gə larlɔr əsé gə larnda gə́ deḛ léḛ əsé gə mbal gə́ deḛ tɔl ndaji ne né gə goo takə̰ji əsé goso lə dəwje lé maji kar sí j’ə̰ji bèe el.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.

Tel tura Godndu 4:15

To gə́ seḭ ooje kəm dəw kára kara mee ndɔ gə́ Njesigənea̰ ula sí ne ta dan pər’g dɔ mbal gə́ Orɛb el lé, maji kar sí undaje kəmkàr dɔ rɔ sí’g,

Njé gə́ Kolosə 1:15

Yeḛ ɔr rɔ Ala gə́ njedumkoo lé kəmba, yeḛ nja to gə́ doŋgɔr ɓa nékundaje lə Ala lai to keneŋ ɓəi.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.