Esai 40:11 - Maktub gə́ To gə Kəmee

¹¹ Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 40:11 ပူးပေါင်းရင်းမြစ်များ

Gḭ-Néje 33:13

Jakob ilá keneŋ pana: Mbai ləm gər gao to gə́ siŋga ŋganje to lam ba ləm, badje gə maŋgje gə́ ŋgan deeje d’aw d’il mbà dee kara d’aar keneŋ ləm tɔ. Ɓó lé jeḛ j’ɔs dee gə mba kar dee njaa rəbə ndɔ kára doŋgɔ ndá koso-nékulje lé d’a kwəi lai.

Gḭ-Néje 49:24

Nɛ siŋgamoŋ kag ɓandaŋg ləa to kɔgərɔ ləm, Ji njesiŋgamoŋ gə́ ka̰ Jakob lé Ar siŋga jia-yeḛ lé to ne kɔgərɔ ləm tɔ. Yeḛ tel to ne njekulbadje ləm, Gə kɔr mbal lə Israɛl ləm tɔ.

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 27:10

Ɓó lé bɔmje gə kɔmje d’ubam d’ya̰’m ndá Njesigənea̰ a kwam gə́ rəa’g.

Pakɔsje 28:9

Maji kari aji koso-dəwje ləi ləm, Gə tɔr ndui dɔ nédɔji’g ləi ləm tɔ! Maji kari to gə́ njekul dee ləm, Gə njegəd dee ləm tɔ saar gə no̰ ya!

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Esai 42:3

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara Yeḛ a kunda tɔl el ləm tɔ, Yeḛ a kila mber ta gə́ to gə dɔ najee gə goo kankəmta.

Esai 63:11

Yen ŋga koso-dəwje ləa d’ar meḛ dee olé dɔ ndɔje gə́ ləw’d Gə́ to ka̰ Moyis ndá Deḛ dəji pana: See yeḛ gə́ ar koso-dəwje gə́ to nékulje gə njékul deeje D’unda loo dan baa-boo-kad’g teḛ lé əd ra wa. See yeḛ gə́ ar ndilee aw mbuna dee’g lé əd ra wa.

Jeremi 31:10

Seḭ ginkoji dəwje gə raŋg, Ooje ta lə Njesigənea̰, Ndá ilaje mberee dɔgoré-looje Gə́ əw lé pajena: Yeḛ gə́ sané Israɛlje kédé lé A tel mbo̰ dee dɔ na̰’d Ndá yeḛ a kaa dɔ dee to gə́ njekulbadje Aa ne dɔ koso-badje ləa bèe.

Jeremi 31:8

A ooje, ma m’ar dee D’ḭ ɓee gə́ dɔgel tel ree ləm, Deḛ gə́ d’isi gwɔi naŋg lé kara M’a mbo̰ dee dɔ na̰’d ləm tɔ, Njékəmtɔje, gə njémədje, gə denéje Gə́ d’aw gə kèm Gə njé gə́ d’isi gə ndóo to mbuna dee’g, To dəwje gə́ bula digi-digi Ɓa tel ree lée’g neelé.

Ejekel 34:15

Neḛ nja n’a kul dəwje lə neḛ ləm, neḛ nja n’a kar dee d’wa rɔ dee ləm tɔ, Mbaidɔmbaije gə́ Njesigənea̰ ɓa pa bèe.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Ejekel 34:2

I ŋgon-dəw lé tegginta wɔji ne dɔ njékul Israɛlje! Maji kari tegginta ula njékul deeje lé pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ njékul Israɛlje gə́ d’ul rɔ dee-deḛ nja ba. See njékulbadje lé lé riri kara kəm kar dee d’ul badje el wa.

Ejekel 34:23

N’a kunda njekul dee kára ba dɔ dee’g karee ul dee, yee ɓa to kura lə neḛ Dabid, yeḛ a kar dee d’o̰ mu ləm, yeḛ a to njekul dee ləm tɔ.

Ejekel 34:31

Seḭ gə́ toje badje lə neḛ gə́ aarje loo-ko̰-mu’g lə neḛ lé seḭ toje dəwje, neḛ n’to Ala lə sí, Mbaidɔmbaije gə́ Njesigənea̰ ɓa pa bèe.

Ejekel 37:24

Kura lə neḛ Dabid a to mbai lə dee ndá deḛ lai lé njekul dee a to gə́ kára ba. D’a ndolè goo ndukunje lə neḛ ləm, d’a kaa dɔ godnduje lə neḛ kər-kər ləma, d’a ra née ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Jakari 11:7

Yen ŋga ma m’un ne kudu kul badje gə́ twa dee d’aw sə dee gə́ loo-tḭja-gwɔs dee’g lé, to deḛ gə́ to majel d’unda mar deeje tɔgərɔ ya. Ma m’wa kag gə́ ɗugu joo jim’g. M’unda ri yee gə́ kára lə Noji ləm, m’unda ri yeḛ gə́ raŋg lə Kɔm-na̰’d ləm tɔ. Yee ɓa m’ul ne badje lé ya.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

1 Piɛrə 2:25

Kédé lé seḭ toje asəna gə badje gə́ d’aw kori-kori bèe, nɛ ɓasinè seḭ telje gə́ rɔ njekul sí’g ləm, gə rɔ njekaa dɔ sí’g ləm tɔ.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.