Esai 4:5 - Maktub gə́ To gə Kəmee

⁵ Ndá mee looje lai gə́ dɔ mbal gə́ Sio̰ ləm, Gə loo-mbo̰-dɔ-na̰je lə koso-dəwje ləm tɔ lé Njesigənea̰ a kar mum gə́ to asəna gə sa pər bèe oso dan kàrá ləm, A kar pər gə́ ndəa̰ teḛ bilim-bilim Ndogó ɔr jol-jol loondul’g ləm tɔ, Mbata nérɔnduba gə́ rara kara né a ko̰ dəa mbèd ya.

Esai 4:5 ပူးပေါင်းရင်းမြစ်များ

Nehemi 9:12

I ɔr no̰ dee dan kàrá gə mum gə́ mbo̰ na̰ sururu ləm, Loondul’g ndá i ɔr no̰ dee gə pər gə́ mbo̰ na̰ sururu Gə́ ndogó rəw-kaw dee’g ar dee d’aw gée’g ləm tɔ.

Pakɔsje 105:39

Yeḛ ila mum o̰ ne dɔ dee ləm, Yeḛ ar pər ndogó dɔ dee’g loondul’g ləm tɔ.

Pakɔsje 111:1

Pidije Njesigənea̰. M’a kɔs gaji Njesigənea̰ gə ŋgaw məəm bura Loo-kwa-dɔ-na̰’g lə dəwje gə́ njéra nédanaje ləm, Gə loo-mbo̰-dɔ-na̰’g lə koso-dəwje ləm tɔ.

Pakɔsje 78:14

Yeḛ ɔr no̰ dee dan kàrá gə mum ləm, Loondul’g kara pər gə́ ndogó jol-jol Ɓa yeḛ ɔr ne no̰ dee ləm tɔ.

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Teḛ-Raga 14:24

Ta lookàr’g dəb ndá, Njesigənea̰ gə́ si dan pər’g gə dan mum’g lé aa loo oo loo-si njé gə́ Ejiptə ndá, yeḛ ra né ar njé gə́ Ejiptə lé d’aw dɔ na̰’d bèe pum-pum loo-si dee’g.

Teḛ-Raga 24:16

Rɔnduba lə Njesigənea̰ nai dɔ mbal gə́ Sinai’g ndá Njesigənea̰ ɓar Moyis dan mum’g.

Teḛ-Raga 26:1

Kəi-kubu-si-Ala d’a ra gə pal-kubuje dɔg gə́ d’ṵji gə kúla palégal gə́ sorè ləm, gə kubu gə́ ndiri ndul piro-piro gə kas gəḭ gə kas njir-njir ləm tɔ, d’a ndaji Nékundaje gə́ dara gə́ tɔs dee gə ŋgaŋgee béréré-béréré keneŋ tɔ.

Teḛ-Raga 26:7

D’a ra pal-kubuje gə́ d’ṵji dee gə bḭ-bya̰ mba dəb dɔ kəi-kubu-si-Ala’g, d’a ra pal-kubuje gə́ togə́bè as dɔg-giree-kára.

Esai 32:18

Koso-dəwje ləm d’a si gə́ majee dan meelɔm’g Mee kəije gə́ ŋgəŋ’d Dan loo-kwa-rɔ gə́ néjɔg godo keneŋ.

Esai 33:20

Aaje loo ooje Sio̰ gərərə, Yee gə́ to ɓee-boo gə́ to loo-ra-naḭje lə sí lé Kəm sí a koo Jerusalem Gə́ to ɓee si lɔm ləm, Gə kəi-kubu gə́ d’a kɔr kaw ne raŋg el ləm, D’a tɔr kag-ɓərəje el saar ləma, D’a tudu kulaje ləa gogo el ləm tɔ.

Esai 37:35

N’a kaḭ bada dɔ ɓee-boo’g neelé gə mba kajee mbata lə neḛ ləm, gə mbata lə kura lə neḛ Dabid ləm tɔ.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 60:2

Aa ooje, loondul dəb rigim dɔ naŋg nee ləm, Loo gə́ ndul njudu-njudu dəb dɔ koso-dəwje’g ləm tɔ, Nɛ i lé lookàr lə Njesigənea̰ nduba dɔi’g ləm, Rɔnduba ləa ndogó dɔi’g ləm tɔ.

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.