Esai 39:3 - Maktub gə́ To gə Kəmee

³ Gée’g gogo Esai, njetegginta ree rɔ mbai Ejekias’g dəjee pana: See ta ɗi ɓa dəwje nee ree d’ulai wa. See deḛ d’ḭ ra ɓa ree rɔi’g wa. Ejekias tel ilá keneŋ pana: Deḛ d’ḭ ɓee gə́ əw gə́ Babilɔn.

Esai 39:3 ပူးပေါင်းရင်းမြစ်များ

2 Samel 12:1

Bèe ɓa Njesigənea̰ ula Natan rɔ Dabid’g. Ndá Natan aw rəa’g aw ulá pana: Bèe ɓa mee ɓee gə́ kára bèe lé dəwje joo d’isi keneŋ. Yeḛ gə́ kára to bao nɛ yeḛ gə́ kára to njendoo tɔ.

2 Sôrta Gḭka Israɛlje 16:7

Mee ndəa’g neelé Hanani, njekoota-mee-Ala’g aw rɔ Asa, mbai gə́ Juda’g ulá pana: Mbata i nam kaar mbai gə́ Siri’g ɓa ɓó i nam kaar Njesigənea̰, Ala’g lé ləi el ndá gelee gə́ nee ɓa njérɔje lə mbai gə́ Siri teḛ ne jii’g d’aḭ ne gə mbəa.

2 Sôrta Gḭka Israɛlje 19:2

Jehu, ŋgolə Hanani, njetegginta aw aar nea̰’g ndá yeḛ ula mbai Josapat lé pana: Dəw gə́ njemeeyèr lé see kəm la səa əsé deḛ gə́ d’ə̰ji Njesigənea̰ bəḭ-bəḭ lé see kəm kunda dee dan kəmi’g wa. Gelee gə́ nee ɓa oŋg lə Njesigənea̰ ḭ ne səa pu dɔi’g gə mbəa.

2 Sôrta Gḭka Israɛlje 25:15

Togə́bè ɓa oŋg ḭ gə Njesigənea̰ pu dɔ Amasia’g aree ula njetegginta kára rəa’g aree dəjee pana: See gelee ban ɓa i saŋg goo magəje lə koso-dəwje neelé gə́ d’askəm kɔr koso-dəwje lə dee jii’g el lé bèe wa.

Esai 38:1

Mee ndəa’g neelé Ejekias oso gə rɔko̰ gə́ as yoo. Njetegginta Esai, ŋgolə Amots aw rəa’g ulá pana: Njesigənea̰ pa togə́bè pana: Un ndui ar njémeekəije ləi mbata i a gə kwəi ɓó a gə si kəmba el ŋga.

Esai 38:5

Aw ula Ejekias pana: Njesigənea̰, Ala lə bɔbije Dabid pa togə́bè pana: Neḛ n’oo tamaji ləi ya ləm, n’oo mán-no̰ gə́ to kəmi’g ya ləm tɔ. Aa oo, n’a gə kila ləbi dɔ maree’g as ləb dɔg-giree-mi ɓəi.

Esai 39:4

Esai dəjee tɔɓəi pana: See ɗije ɓa d’oo mee kəi’g ləi wa. Ejekias tel ilá keneŋ pana: Néje lai gə́ to mee kəi’g ləm lé deḛ d’oo ya: né kára kara gə́ mee kəi-nébaoje’g ləm gə́ lal kam m’tɔji dee lé godo.

Jeremi 4:16

Paje taree arje ginkoji dəwje gə raŋg ləm, Arje njé gə́ Jerusalem d’oo ləm tɔ: Deḛ gə́ d’aḭ dɔ dee sub gə rɔ lé D’ḭ dɔ ɓee gə́ əw’g, Deḛ d’uru kò-rɔ dɔ ɓee-booje gə́ Juda.

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

Jujé 9:6

Deḛ d’aw rɔ Juje’g loo-siée’g Gilgal, tɔɓəi d’ulá yeḛ gə Israɛlje lai pana: Jeḛ lé j’ḭ ɓee gə́ əw’g. Ɓasinè maji kar sí ɔmje sə sí na̰’d.

Jujé 9:9

Deḛ d’ilá keneŋ pana: Kuraje ləi d’ḭ ɓee gə́ əw yaa̰ mbata no̰ ri Njesigənea̰, Ala ləi gə́ oso lé, mbata j’ooje ta gə́ wɔji dəa ləm, gə néje lai gə́ yeḛ ra Ejiptə ləm,