Esai 38:3 - Maktub gə́ To gə Kəmee

³ Ǝi Njesigənea̰, ar məəi olé dɔm’g to gə́ ma m’njaa nɔḭ’g gə ŋgonkoji gə meekarabasur ləm, m’ra néje gə́ maji kəmi’g ya ləm tɔ! Ndá Ejekias no̰ gə mán-no̰ kəmee’g ɓugudu-ɓugudu.

Esai 38:3 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 6:9

Aa ooje, ŋgaka Noe ɓa to nee. Noe lé to nje néra gə́ danasur ləm, gə njegelgodo ləm tɔ mee ndɔje gə́ yeḛ si ne kəmba lé ya, Noe lé aa dɔ ta lə Ala kər-kər tɔ.

1 Mbaije 15:14

Nɛ lé mée to kára ba sur dɔ Njesigənea̰’g loo gə́ yeḛ si ne kəmba ɓəi kara yeḛ ar dɔ looje gə́ ndəw lé godo el.

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

2 Mbaije 18:3

Yeḛ ra né gə́ danasur kəm Njesigənea̰’g aree aw na̰’d béréré gə keaje Dabid ya.

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

1 Sôrta Gḭka-Israɛlje 29:19

Maji kari ar mee ŋgonəm Salomo̰ to kára ba sur gə mba karee aa ne dɔ tornduije gə ndukunje ləi gə godnduije gə mba karee ra née ləm, mba karee ra ne kəi-mbai gə́ m’wa dɔ gɔl néje gə mbəa lé ləm tɔ.

1 Sôrta Gḭka-Israɛlje 29:9

Koso-dəwje d’al rɔ dee gə mbata nékarje gə́ d’ḭ gə meḛ dee d’ar lé mbata meḛ dee tɔ kujita gə mba ra togə́bè kar Njesigənea̰ ndá, mbai Dabid kara rəa lelee yaa̰ gə mbəa tɔ.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

2 Sôrta Gḭka Israɛlje 25:2

Yeḛ ra né gə́ danasur kəm Njesigənea̰’g nɛ lé togə́bè kara yeḛ ra gə mée gə́ kára ba sur el.

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Nehemi 1:4

Loo gə́ m’oo ta néje neelé ndá m’wa naŋg rəb, m’no̰ ləm, m’wa ndòo as ndɔje bula ləm tɔ. M’ɔg məəm ɓó ləm, m’ra tamaji ta Ala gə́ to mbai dɔ dara ləm tɔ,

Nehemi 13:14

Ǝi Ala ləm, maji kari ar məəi olé dɔm’g mbata né neelé ndá ar məəi wəi dɔ néramje gə́ m’ra gə ŋgonkoji wɔji dɔ kəi-Ala ləm ləm, gə néje gə́ kəm kaa dɔ dee kər-kər lé ləm tɔ.

Nehemi 13:22

Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 13:31

M’tel m’gɔl dɔ ta gə́ wɔji dɔ nékarje gə́ to kir gə́ d’a kar mee ndəa gə́ d’wɔji ləm, gə dɔ dɔmaḭ-koje gə́ doŋgɔr kara bèe ləm tɔ. Ǝi Ala ləm, maji kari ar məəi olé dɔm’d gə́ majee ya kari.

Nehemi 5:19

Ǝi Ala ləm, maji kari ar məəi olé dɔm’d gə́ majee ya mbata néje lai gə́ m’ra mbata lə koso-dəwje neelé.

Pakɔsje 101:2

M’a kunda kəmkàr dɔ rɔm’g dɔ rəw gə́ danasur’g. See ndɔ gə́ ra ɓa i a ree pər gə́ rɔm’g ɓəi wa. Ma lé m’a njaa mbuna njémeekəije’g ləm lé gə meendakaḭ.

Pakɔsje 102:9

Njéba̰je ləm lé d’ila ndɔl dɔm’g gə ndɔje kára-kára lai, Njékoma̰ səmje lé kara d’un rim d’ubu ne rɔ dee gə boo-oŋg.

Pakɔsje 119:80

Maji kar məəm to goo kára ba bərəŋ gə́ dɔ godnduije’g Gə mba kar rɔkul tɔm ne jo̰dɔrɔ el.

Pakɔsje 16:8

Njesigənea̰ lé m’undá nɔm’g ta-ta, Mbata yeḛ aar dɔ jikɔlm’g Mba kam m’unda ne ndolè nda̰ el.

Pakɔsje 26:3

Mbata meenoji ləi to raga ndəgəsə kəm’g ləm, Ma m’njaa dan kankəmta’g ləi ləm tɔ.

Pakɔsje 32:2

Dəw gə́ Njesigənea̰ tura goo kaiya ləa ɔm dəa’g el ləm, Taŋgɔm kára kara wa mée el ləm tɔ ndá si dan rɔlel’g ya.

Pakɔsje 6:6

Dəw gə́ wəi mba̰ lé mée olé dɔi’g el. See na̰ ɓa a kɔs gajii ɓee lə njé gə́ d’wəi’g lé wa.

Pakɔsje 6:8

Kəm wa kor kor-kor Mbata nékəmndoo gə́ ram lé, Deḛ lai gə́ d’ula kəm ndòo lé D’ar kəm ɔm ne kúla mbao-mbao ya.

Esai 38:2

Yen ŋga Ejekias tel kəmee bir-bir gə́ gir tira’g ndá ra tamaji ta Njesigənea̰’g pana:

Esai 38:4

Togə́bè ɓa Njesigənea̰ ula Esai taje nee pana:

Ojee 12:4

Loo gə́ Jakob nai mee kea̰je’g ɓəi lé Yeḛ wa gel gɔl ŋgokea̰ ləm, Loo gə́ yeḛ tel to diŋgam ndá Yeḛ uba mula gə Ala ləm tɔ .

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Tel tura Godndu 6:18

Seḭ a raje né gə́ danasur ləm, gə né gə́ maji kəm Njesigənea̰’g ləm tɔ mba si ne dan rɔlel’g ləm, mba kandə ne mee ɓee gə́ maji gə́ Njesigənea̰ man ne rəa ar bɔ síje-je gə mba kar dee lé,

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.