Esai 38:13 - Maktub gə́ To gə Kəmee

¹³ Ma m’ila məəm po̰ saar loo àr, Nɛ yeḛ təd siŋgamje lai to gə́ toboḭ bèe. Un kudee gə ndɔ saar loondul lé I a tɔl səm ŋgaŋ ndɔ ləm bém ya!

Esai 38:13 ပူးပေါင်းရင်းမြစ်များ

1 Mbaije 20:36

Tɔɓəi yeḛ ulá pana: Mbata i mbad kila koji dɔ tapa Njesigənea̰’g ndá aa oo, loo gə́ i a gə kubam kya̰’m lé toboḭ a kwai. Yen ŋga loo gə́ yeḛ yá̰ ndá toboḭ lé teḛ iŋgá wá ya tɔ.

Maktub gə́ wɔji dɔ Jɔb 7:6

Ndɔje ləm dəs kalaŋ to gə́ nékunji-kubu lə njekunji-kubu bèe, Deḛ sané pa: Loo kunda meeyel dɔ dee’g godo!

Pakɔsje 32:4

Mbata dan kàrá gə loondul’g lé Jii wɔi dɔm’g ndiŋ-ndiŋ ləm, Siŋgam tudu kurum-kurum Asəna gə loo tudu gə́ naḭ palboo’g bèe ləm tɔ.

Pakɔsje 39:10

Ma lé m’isi dɔ mundu m’teḛ tam el Mbata to i nja ɓa ra née ya.

Pakɔsje 50:22

Seḭ gə́ meḛ sí wəi dɔ Ala’g lé Maji kar sí undaje kəmkàr dɔ rɔ sí’g Nà n’a kḭ ti sí ne mbidi-mbidi Lal kar dəw kára kara ɔr sí ila sí tar.

Pakɔsje 51:8

Nɛ i lé ndigi kar kankəmta ur kəi mee dəw’g njɔd, Bèe ndá maji kari ar kəmkàr to məəm’g!

Pakɔsje 7:2

Njesigənea̰, Ala ləm, m’saŋg loo-kula-dɔm rɔi’g, Maji kari ɔrm ji deḛ gə́ d’ula kəm ndòo’g lé ajim.

Pakɔsje 90:5

I ar dee dəs asəna gə néni gə́ igi dəw sel loo gə́ teḛ gə ndɔ bèe ləm, To gə́ gum-mu gə́ sané kad bèe ləm tɔ.

Nɔ̰-ndôo gə́ wɔji dɔ Jerusalem 3:4

Yeḛ ar dakasrɔm gə ndar rɔm lé Ndòlé mbao-mbao ləm, Yeḛ guru siŋgarɔmje lé kara Rug-rug ləm tɔ.

Loo gə́ killa rea kəm Daniel’g 6:24

Yen ŋga, rɔ mbai lé lelee yaa̰ aree un ndia mba kar dee d’ɔr Daniel mee bwa’d lé teḛ səa raga. Daniel lé d’ɔree mee bwa’g teḛ səa raga ya ndá d’iŋga doo kára kara rəa’g el mbata yeḛ ɔm mée dɔ Ala’g lé ləa jəb-jəb.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.