Esai 38:10 - Maktub gə́ To gə Kəmee

¹⁰ Ma m’pana: Loo gə́ m’isi lɔm dan mee ndɔje’g ləm ndá See kəm karm m’ḭ m’aw Tarəwɓeeje’g lə njé gə́ d’wəi Lal ne ges ləbje gə́ nai lé wa!

Esai 38:10 ပူးပေါင်းရင်းမြစ်များ

Maktub gə́ wɔji dɔ Jɔb 6:11

Loo gə́ siŋgam godo lé see m’a kunda məəm yel gə mba ɗi ɓəi wa. Loo gə́ d’wɔji rudu ndɔ ləm njaŋg mba̰ lé see m’a ŋgina gə mba ɗi ɓəi wa.

Maktub gə́ wɔji dɔ Jɔb 7:7

Ǝi Ala, ar məəi olé dɔ’g to gə́ kəmə ləm tɔ asəna gə lel bèe, Kəm a tel koso dɔ si dan maji’g el ŋga.

Pakɔsje 102:24

Yeḛ ar siŋgam rəm loo gə́ m’nai rəbə ya ɓəi ləm, Yeḛ rəm gə ndɔje ləm gogo ya ləm tɔ.

Pakɔsje 102:25

Gelee gə́ nee ɓa ma m’pana: Ala ləm, Loo gə́ ndɔ kisi kəmba ləm nai bula ɓəi lé Maji kari unm el, I gə́ ləbi to saar-saar gə no̰ lé.

Pakɔsje 107:18

Nésɔ gə́ rara kara to kḛji kəm dee’g ləm, D’isi ne ta yoo’g dəb ləm tɔ.

Pakɔsje 31:23

Ta teḛ tam’g pe’d am m’pana: I nja tubam ɔsm rɔi’g rəw gə́ raŋg! Nɛ loo gə́ m’ila ndum naŋg m’ra ne ndòo rɔi’g ndá I ilam keneŋ ya.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Esai 38:1

Mee ndəa’g neelé Ejekias oso gə rɔko̰ gə́ as yoo. Njetegginta Esai, ŋgolə Amots aw rəa’g ulá pana: Njesigənea̰ pa togə́bè pana: Un ndui ar njémeekəije ləi mbata i a gə kwəi ɓó a gə si kəmba el ŋga.

Esai 38:9

Pakɔs lə Ejekias, mbai gə́ Juda gə́ wɔji dɔ rɔko̰ ləa ləm, gə tel gə́ yeḛ tel si gə́ majee ləm tɔ.

Junas 2:6

Manje neelé tur dɔm pubug Gə mba kar kəmə ləm godo, Ŋguru mán neelé tula dɔm yal ləm, Mu manje kara ɓindi na̰ dɔm’g ləm tɔ.

2 Njé gə́ Kɔrḭtə 1:9

Meḛ síjeḛ’g lé j’oo rɔ sí gə́ ka̰ yoo ya doŋgɔ. Nɛ j’ɔm meḛ sí dɔ Ala’g yeḛ gə́ njekar dəwje d’unda loo teḛ loo-yoo’g lé ɓó j’ɔm meḛ sí dɔ rɔ sí’g el.