Esai 37:7 - Maktub gə́ To gə Kəmee

⁷ N’a gə kɔsee ɓɔḭ-ɓɔḭ mba kar loo gə́ yeḛ oo sorta kára ndá yeḛ a tel mee ɓee’g ləa. Tɔɓəi n’a kar dee tɔlee gə kiambas dan mee ɓee’g ləa tɔ.

Esai 37:7 ပူးပေါင်းရင်းမြစ်များ

2 Mbaije 7:6

Mbaidɔmbaije ar kaa pusu-rɔje gə kaa kundaje, gə ndu boo-njérɔje ɓar mee loo-si njérɔje gə́ Siri’g ndá deḛ d’ula na̰ ta yo gə́ nee pana: Aa ooje, mbai gə́ Israɛl uga mbaije gə́ Het, gə mbaije gə́ Ejiptə gə mba kar dee ree rɔ sə sí.

2 Sôrta Gḭka Israɛlje 32:21

Yen ŋga Njesigənea̰ ula kura ləa gə́ dara aree tuji bao-rɔje lai, gə ɓé-njérɔje, gə ŋgan-mbaije lai gə́ d’isi loo-si mbai gə́ Asiri’g. Togə́bè ɓa mbai lé tel gə rɔkul aw ne mee ɓee’g ləa. Yeḛ aw mee kəi-magə’d ləa ndá lé neelé ŋganeeje gə́ d’ḭ mée’g ya tɔlee gə kiambas tɔ.

Maktub gə́ wɔji dɔ Jɔb 15:21

Kaa néɓəl ɓar oso mbia’g ləm, Loo gə́ yeḛ si dan meelɔm’g kara njetujiloo ree ur dəa’g ya ləm tɔ.

Maktub gə́ wɔji dɔ Jɔb 4:9

Kəmə gə́ Ala ila pugudu dɔ dee’g lé deḛ tuji ne ləm, Lel oŋg ləa roo dee dula-dula ləm tɔ.

Pakɔsje 58:9

Maji kar dee léḛ to gə́ toro gə́ ŋgwɔiee godo bèe ləm, Maji kar dee to d’asəna gə ŋgon gə́ dené ɔr gə́ oo kəm kàr el bèe ləm tɔ.

Esai 37:29

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

Esai 37:9

Yen ŋga mbai gə́ Asiri oo sorta gə́ wɔji dɔ Tiraka, mbai gə́ Etiopi gə́ pana: Aa oo, yeḛ lé ɔr rɔ aw gə mba rɔ səi. Loo gə́ yeḛ oo ta neelé ndá yeḛ ula njékaḭkulaje ləa rɔ Ejekias’g gogo pana: