Esai 37:31 - Maktub gə́ To gə Kəmee

³¹ Ges gel-bɔje lə Juda gə́ d’a gə nai lé d’a tel kula ŋgira dee gə́ sigi naŋg mag-mag gogo gə d’a kandə gə Kandə dee njim-njim gə́ tar tɔ.

Esai 37:31 ပူးပေါင်းရင်းမြစ်များ

Pakɔsje 80:9

I ɔr kag-nduú mee ɓee gə́ Ejiptə ləm, I tuba ginkoji dəwje gə raŋg lé ləm tɔ Ndá ya̰ tor dee ma̰a nduú lé keneŋ.

Pakɔsje 92:14

Maa̰ gə́ ma̰a dee mee kəi’g lə Njesigənea̰ lé Ar dee teḛkɔr mee gadlooje’g lə Ala lə sí.

Esai 1:9

Ɓó lé Ala gə́ njeboo-néje Ya̰ kó ginka sí gə́ nai jəbərə ba el ndá Kàr bèe nḛ jeḛ n’telje J’asəna gə njé gə́ Sɔdɔm ləm, Jeḛ n’telje n’tana gə njé gə́ Gɔmɔr bèe ləm tɔ.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 27:6

Mee ndəaje gə́ d’a gə ree lé Jakob a kula ŋgirá naŋg ləm, Israɛl a kidi kar pudeeje gə barkəmeeje to keneŋ ləm tɔ Ndá ka̰dee a taa naŋg nee pəl-pəl.

Esai 37:4

Banelə Njesigənea̰, Ala ləi oo taje gə́ Rabsake pa, yeḛ gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya. Banelə Njesigənea̰, Ala ləi a kar bo̰ nérea ɔs təa’g gə goo taje lai gə́ yeḛ oo lé. Bèe ndá maji kari ra tamaji mbata koso-dəwje ləa gə́ nai ya ɓəi.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 6:13

Ɓó lé ges njéɓeeje gə́ kudu dɔg nai loo kára Ndá d’a tel tuji pugudu. Nɛ to gə́ tuga ne kag-terebḭtə gə kag-sɛnə D’ar dɔ jigi dee nai lé Ginka gə́ to gə kəmee kara A kḭ gin koso-dəwje’g neelé tɔ.

Esai 65:9

M’a kar ŋgaka Jakob d’ḭ mée’g teḛ ləm, M’a kar deḛ gə́ d’ḭ ginkoji Judaje’g lé D’a kwa mbalje ləm gə́ nénduba lə dee ləm tɔ, Koso-dəwje ləm gə́ m’ɔr dee m’unda dee gə kəmee lé D’a kiŋga ɓee gə́ né ka̰ dee ləm, Kuraje ləm d’a si keneŋ ləm tɔ.

Jeremi 30:19

Ndu ra oiyo gə ndu kalrɔ A ɓar wəl dan dee’g, M’a kar bula lə dee Ḭ dɔ maree’d gə́ kédé-kédé Ɓó bula lə dee a rəm el. M’a kila riɓar dɔ dee’g Ndá d’a kḛji dee bəḭ-bəḭ el.

Jeremi 31:7

Mbata Njesigənea̰ pa togə́bè pana: Raje né wəl gə ndu rɔlel dɔ Jakob’g ləm, Arje boo-rɔkal lə sí nduba rəa gə́ raga Dɔ yeḛ gə́ to doŋgɔr Le ginkoji dəwje gə raŋg ləm tɔ. Ɔrje ndu sí gə́ tar ɔsje ne pa Pideeje paje ne pana: Njesigənea̰, maji kari taa Dɔ koso-dəwje ləi, Ges Israɛlje gə́ nai lé!

Jeremi 44:28

Deḛ gə́ jebəre ba bèe gə́ d’a teḛ ta kiambas’g lé d’a kḭ mee ɓee gə́ Ejiptə tel kaw mee ɓee gə́ Juda gogo. Nɛ ges Judaje lai gə́ d’aw d’isi mee ɓee gə́ Ejiptə lé d’a koo see ta ləm əsé ka̰ dee-deḛ ɓa a kaw lée’g béréré wa.

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Njé gə́ Rɔmə 11:5

Ɓasinè kara kawal dee nai ɓəi tɔ gə goo nojikwa ləa gə́ yeḛ ɔr dee ne lé.

Njé gə́ Rɔmə 9:27

Esai kara loo gə́ yeḛ pata wɔji ne dɔ Israɛl lé yeḛ pata gə ndia gə́ tɔg pir ya pana: Lé Israɛlje d’a bula kasəna gə nagəra gə́ ta baa’g kara kawal dee ɓa a kaji ya.

Njé gə́ Galati 3:29

Ɓó lé seḭ toje gə́ ka̰ Kristi ndá seḭ toje ŋgaka Abrakam ləm, seḭ a toje njékiŋga nédɔjije gə goo ndukun gə́ un aree lé ləm tɔ.