Esai 35:2 - Maktub gə́ To gə Kəmee

² Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 35:2 ပူးပေါင်းရင်းမြစ်များ

Esai 60:13

D’a ree gə nérɔnduba gə́ Liba̰ mee ɓee’g ləi, Yee ɓa to kag-siprɛs gə ɗəŋgərə gə warəm gə́ d’a ree ne na̰’d Gə mba ɗɔi ne loo ləm gə́ to gə kəmee, M’a kula ne rɔnduba dɔ loo-tura-gɔl-kɔm’g tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Njé gə́ Rɔmə 10:15

Ɓó lé d’a kɔr dəw gə mba karee ula dee taree el ndá see dəw a kula dee wa. To gə goo ta gə́ deḛ ndaŋg mee maktub gə́ to gə kəmee lé pana: Deḛ gə́ njékaw kula mar deeje ta gə́ maji lé gɔl dee to njam-njam.

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Esai 40:5

Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Pa gə́ ur dɔ paje 7:5

Gwɔbi ŋgal ɗéréŋ asəna gə kəi Gə́ duu dɔ loo gə́ ra gə ŋgaŋ kər ləm, Kəmi to asəna gə daŋg-mán gə́ Esbon Gə́ to mbɔr tarəw gə́ Bat-Rabim bèe ləma, Emi to asəna gə kəi gə́ duu dɔ loo gə́ Liba̰ Gə́ wɔji dɔ loo gə́ Damas njoroŋ bèe ləm tɔ.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 72:16

Ko a to gə́ naŋg rib-rib mee ɓee’g ləm, Gə dɔ sém mbalje’g ləm tɔ: Dɔ kó a kula tar yəgə-yəgə to gə́ dɔ kagje gə́ Liba̰ bèe ləm, Dəwje kara d’a kidi pug-pug mee ɓee-booje’g asəna gə muje gə́ to dɔ naŋg’d bèe ləm tɔ.

Pakɔsje 50:2

Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

Njé gə́ Rɔmə 15:10

Ta gə́ raŋg ɓəi pana: Seḭ ginkoji dəwje gə raŋg lé alje rɔ sí gə koso-dəwje ləa na̰’d.

Tagə́maji gə́ Ja̰ ndang 12:41

Esai pata néje neelé loo gə́ yeḛ oo rɔnduba ləa gə kəmee lé ɓa aree pa ne ta gə́ wɔji dəa ya.

Jakari 10:7

Eprayimje d’a to kasəna gə bao-rɔje, Meḛ dee a lel dee asəna gə dəw gə́ ai mán-nduú bèe, Ŋgan deeje d’a koo ndá d’a kal rɔ dee ləm, Meḛ dee a lel dee dɔ Njesigənea̰’g ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 41:19

M’a kar kag-sɛdrə, gə kag-akasia, Gə bəe, gə koiyo d’uba na̰’d dɔdilaloo’g ləm, M’a kar kag-siprɛs, gə ɗəŋgərə, gə warəm, D’uba na̰’d loo gə́ mán godo keneŋ ləm tɔ,

Esai 32:15

Saar loo gə́ ndil a kḭ tar ree kɔm dɔ sí’g ləm, Saar kar dɔdilaloo tel to loo-ndɔ gə́ maji kó ləma, Kar dee d’oo loo-ndɔ gə́ maji kó lé asəna gə mee kag-kɔr ləm tɔ.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Pakɔsje 97:6

Dara lé ila mber néreaje gə dɔ najee Ar koso-dəwje lai lé d’oo rɔnduba ləa ya.

Pakɔsje 89:12

Dara gə naŋg neelé to gə́ kaḭ-i nja bura, I nja ɓa tum gin naŋg nee Unda néje lai gə́ to keneŋ ləm tɔ.

1 Sôrta Gḭka-Israɛlje 16:33

Maji kar kagje gə́ mee kɔr’g D’al rɔ dee no̰ Njesigənea̰’g! Mbata yeḛ ree mba gaŋg rəwta dɔ naŋg nee ya.

Néra Njékaḭkulaje 9:35

Dəw-mee-ɓeeje gə́ Lidə gə deḛ gə́ Saron lai d’ée ndá d’un meḛ dee d’ar Mbaidɔmbaije lé tɔ.

Teḛ-Raga 16:7

Tɔɓəi bèlè gə ndɔ lé seḭ a kooje rɔnduba lə Njesigənea̰ mbata yeḛ oo ndu ta jémje lə sí gə́ seḭ imje ne rɔ sí dɔ Njesigənea̰’g mbata jeḛ lé see jeḛ n’to gə́ ɗije to ɓa mba kar sí jémje ta imje ne rɔ sí dɔ síjeḛ’g wa.

1 Sôrta Gḭka-Israɛlje 5:16

Deḛ d’isi mee ɓee gə́ Galaad dɔ naŋg gə́ Basan’g mee ɓee-booje gə́ gugu dɔ dee ləm, gə gir looje lai gə́ Saron saar teḛ ne ŋgaŋglooje’g lə dee ləm tɔ.

Pa gə́ ur dɔ paje 2:1

Ma m’to pudu gə́ uba ndag-loo gə́ Saron ləm, Gə pudu ndujaje gə́ wəl-looje’g ləm tɔ.

Esai 27:6

Mee ndəaje gə́ d’a gə ree lé Jakob a kula ŋgirá naŋg ləm, Israɛl a kidi kar pudeeje gə barkəmeeje to keneŋ ləm tɔ Ndá ka̰dee a taa naŋg nee pəl-pəl.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Ojee 14:5

Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Jujé 19:26

gə Alamelek, gə Amead, gə Misəal, yee aw par gə́ dɔ-gó njal teḛ mbal gə́ Karmel ləm, gə Sihor-Libnat ləm tɔ,

1 Sôrta Gḭka-Israɛlje 27:29

Sitrai, dəw gə́ Saron ɓa to njekaa dɔ koso-maŋgje gə́ d’ul dee loo-ko̰-mu’g Saron, Sapat, ŋgolə Adlai to njekaa dɔ koso-maŋgje gə́ mee wəl-looje’g tɔ,