Esai 34:5 - Maktub gə́ To gə Kəmee

⁵ Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Esai 34:5 ပူးပေါင်းရင်းမြစ်များ

Pakɔsje 137:7

Njesigənea̰, maji kari ar məəi olé teḛ dɔ néra Edɔmje’g Mee ndəa gə́ deḛ taa ne Jerusalem lé deḛ pana: Kərje, kərje kər-kər waje rəw-rəw Saar teḛje ne ginee gə́ bər ya.

Pakɔsje 17:13

Njesigənea̰, maji kari ḭta tila kəmee Mba kɔsee kilá ya! Un kiambas ləi ɔrm ne ji njemeeyèr’g lé!

Esai 21:11

Ndərta gə́ wɔji dɔ Duma. Dəw kára gə́ si Seir no̰ ɓarm dəjim pana: Njeŋgəmloo, see ta gə́ wɔji dɔ loondul to ban wa. Njeŋgəmloo, see ta gə́ wɔji dɔ loondul to ban wa.

Esai 24:6

Gelee gə́ nee ɓa ndɔl wa ne dɔ ɓee ləm, Dəwje gə́ d’isi keneŋ kara bo̰ néra kori-korije lə dee ɔs ne ta dee’g ləm tɔ, Gelee gə́ nee ɓa dəwje gə́ d’isi mee ɓee’g neelé d’udu ne Ar deḛ gə́ nai keneŋ lé nai ne jebəre ba bèe.

Esai 43:28

Gelee gə́ nee ɓa deḛ gə́ to mbaije dɔ loo gə́ to gə kəmee’g lé Ma m’ra sə dee asəna gə dəwje gə́ mḭdé ba bèe ləm, M’ila njé’g lə Jakob loo-tuji’g ləma, M’ila rɔkul-boo dɔ Israɛlje’g ləm tɔ.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Esai 65:12

Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Jeremi 46:10

Ndɔ gə́ ɓogənè to ndɔ lə Mbaidɔmbaije, Njesigənea̰ gə́ njeboo-néje, Ndɔ neelé to ndɔ dalba̰, Areeje dal ne ba̰ gə njéba̰je ləa. Kiambas sɔ né aree asee nag-nag ləm, Yee ai məs dee ndan tub-tub ləm tɔ. Mbata deḛ to nékinjanéməsje Le Mbaidɔmbaije gə́ Njesigənea̰ gə́ njeboo-néje Mee ɓee gə́ dɔgel ləm, Gə dɔ koŋgo baa-boo gə́ Epratə ləm tɔ.

Jeremi 47:6

Ǝi! kiambas lə Njesigənea̰, See ndɔ gə́ ra ɓa i a kwa rɔi wa. Maji kari andə sɔli’g, Ǝw rɔi ndá to lɔm!

Ejekel 32:29

Lée gə́ neelé ɓa Edɔmje gə mbaije lə dee gə ŋgan-mbaije lai gə́ njékaa dɔ dəb ɓeeko̰je lə dee to keneŋ, deḛ neelé lé to njésiŋgamoŋje kara d’ar dee to gə deḛ gə́ d’wəi yoo-kiambas na̰’d ya, deḛ to gə njépole-magəje ləm, gə deḛ gə́ dubu dee bwa-dɔɓar’g ləm tɔ.

Ejekel 35:1

Njesigənea̰ ulam ta gə rɔtaje nee pana:

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 35:8

N’a kar nin dəwje taa dɔ mbalje ləi pəl-pəl, dɔdərlooje ləi, gə wəl-looje ləi, gə kəm-kila-manəje ləi lai lé deḛ gə́ d’wəi yoo-kiambas lé d’a to keneŋ.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Soponi 1:7

Maji kar sí sije gə ta sí gə́ mundu no̰ Mbaidɔmbaije gə́ Njesigənea̰’g! Mbata ndɔ lə Njesigənea̰ nai dəb ba ŋga ləm, Mbata Njesigənea̰ wa dɔ gɔl nékinjaməs ləma, Yeḛ mbər njé gə́ yeḛ a gə ɓar dee lé ləm tɔ.

Soponi 2:12

Seḭ Etiopije kara N’a kar sí wəije yoo-kiambas tɔ.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

1 Njé gə́ Kɔrḭtə 16:22

Nana ɓa gə́ ndigi Mbaidɔmbaije gə meekɔr jol-jol el ndá maji kar ndɔl nai dəa’g ya. Mbaidɔmbaije si ree!

Njé gə́ Galati 3:10

Deḛ lai gə́ d’ula rɔ dee loo néra godndu’g lé ndɔl yoo nai dɔ dee’g ya, mbata deḛ ndaŋg taree pana: Nana ɓa gə́ aa dɔ néje lai gə́ deḛ ndaŋg mee maktub godndu’g lé kər-kər el ləm, lal ra née ləm tɔ ndá ndɔl yoo nai dəa’g ya.

Tel tura Godndu 32:14

Gə ubu mbà-maŋgje gə mbà-badje Na̰’d gə ubu ŋgan badje, Gə ka̰ bàl badje gə́ Basan Gə bàl bya̰je ləm tɔ, Yeḛ ar dee gum kó gə́ maji dum lé tɔ. Tɔɓəi seḭ aije mán-nduú gə́ mḭ Gə́ to asəna gə məs bèe.

2 Piɛrə 2:14

Mɔdkaiya ula pər meḛ dee’g biriri-biriri, ŋgur kaiya gə́ ra dee lé ɔr meḛ dee’g el, dəwje gə́ gɔl dee wa naŋg el lé deḛ su kəm dee ndɔr dee ne goo dee’g, deḛ to njékwəiyoolarje, deḛ to ŋgan njékilandɔl dɔ loo’gje tɔ.

Loo gə́ killa rea kəm Ja̰’g 1:16

Kéréméje siri to jikɔlee’g. Kiambas gə́ ŋgaŋgee joo gə́ adə làm-làm teḛ təa’g. Kwɔjee ndɔḭ wər-wər asəna gə kàr gə́ ɔs kəḭ-kəḭ bèe.