Esai 34:4 - Maktub gə́ To gə Kəmee

⁴ Boo-néje lai gə́ pə̰ dara’g lèḛ ləm, Dara kara kə́ na̰’d mber-mber to gə́ maktub bèe, Ndá boo-néje lai gə́ keneŋ toso To gə́ kam nduúje Gə kam kodéje ndòlé gəḭ ne bèe tɔ.

Esai 34:4 ပူးပေါင်းရင်းမြစ်များ

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 13:13

Gelee gə́ nee ɓa n’a yə dara ɓugu-ɓugu ləm, Gel naŋg kara a yə ləm tɔ Gə goo oŋg lə Njesigənea̰ gə́ njeboo-néje Mee ndɔ boo-oŋg’d ləa gə́ a kḭ səa jugugu lé tɔ.

Esai 14:12

Ǝi, i lé ya ḭ dara oso wa I gə́ to kérèmé gə́ ndɔḭ wər-wər ləm, Gə ŋgolə duji-lookàr ləm tɔ! I lé d’undai d’ilai naŋg, I gə́ kédé to njedum dɔ ginkoji dəwje gə raŋg’g lé ya wa!

Esai 51:6

Unje kəm sí gə́ dara ləm, Aaje loo gə́ dɔ naŋg nee ləm tɔ ooje! Mbata dara a sané kad to gə́ sa pər bèe ləm, Dɔ naŋg nee a tel ŋgisi to gə́ kubu bèe ləma, Dəwje gə́ keneŋ kara d’a kwəi mburug-mburug to gə́ kémje bèe ləm tɔ. Nɛ kaji ləm a to saar-saar gə no̰ ləm, Néra gə́ gə dɔ najee ləm kara rudee a kun el ləm tɔ.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Ǝbrəje 12:27

Ta gə́ yeḛ pa pana: Gɔl kára tɔɓəi lé wɔji dɔ ndɔ gə́ yeḛ a kɔr néje gə́ unda deḛ gə́ yə lé ndá a kar néje lai gə́ lal yə lé nai keneŋ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.

Loo gə́ killa rea kəm Ja̰’g 8:12

Kura lə Ala gə́ dara gə́ njekɔm dee’g sɔ im to̰to̰ ləa ndá kàr ləm, gə naḭ ləma, gə kéréméje ləm tɔ lé né unda dee, tuji ne dəb ndɔḭ lə dee kára-kára nɛ debeeje nai joo-joo ɓəi mba kar dəb loo kára-kára dan kàrá gə loondul’g lé loo dəb rigim nɛ dəb loo nai joo-joo ɓəi.