Esai 34:3 - Maktub gə́ To gə Kəmee

³ D’odo yoo dee d’ɔm dɔ na̰’d rib-rib ləm, Nin dee ə̰də mbo̰ ləma, Məs dee kara ula dɔ mbal’g ləm tɔ.

Esai 34:3 ပူးပေါင်းရင်းမြစ်များ

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 34:7

Dadɔgje toso na̰’d Gə maŋgje gə bɔ maŋgje tɔ, Dɔ naŋg ai məs dee ləm, Nduji naŋg o̰ ubu dee ləm tɔ.

Esai 66:24

Loo gə́ d’a kunda loo teḛ raga ndá D’a koo nin dəwje gə́ to njékalta kɔs ne ta ləm rəwje, Mbata kuruje gə́ njésɔ deeje lé D’a kwəi nda̰ el ləm, Pər gə́ njeko̰ dee lé kara A kwəi nda̰ el ləm tɔ. Dəwje lai d’a koo dee gə́ né gə́ to ɓəl Gə́ to kḛji kəm dee’g ya.

Jeremi 22:19

Dɔɓaree a kasəna gə ka̰ mulayḛ̀je bèe, D’a ndɔree naŋg kaw kilá gir tarəwkɔgje gə́ Jerusalem.

Jeremi 25:33

Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Ejekel 14:19

Esé ɓó lé n’ula gə yoo-koso dɔ ɓee’g neelé ləm, n’ɔm yoo ɓa dɔ dee’g gə goo boo-oŋg lə neḛ mba tuji ne dəwje gə daje pugudu-pugudu keneŋ ləm tɔ

Ejekel 32:4

N’a rɔgi kilai naŋg ləm, n’a kari to mee wala’g ləm tɔ, ndá n’a kar yelje lai gə́ pə̰ dara’g ree mbo̰ na̰ dɔi’g ləm, n’a kar daje lai gə́ dɔ naŋg nee d’usai d’ari as dee nag-nag ləm tɔ.

Ejekel 35:6

Neḛ n’to njesikəmba! Mbaidɔmbaije gə́ Njesigənea̰ ɓa pa bèe. N’a kɔm sí dan məs’g ndá məs lé a ndolè goo sí, mbata seḭ ə̰jije məs bəḭ-bəḭ el, bèe ɓa məs a ndolè goo sí ya.

Ejekel 38:22

N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Ejekel 39:11

Mee ndəa’g neelé n’a kar Gɔg loo gə́ a to dɔɓaree mee ɓee gə́ Israɛl, mee wəl-loo lə njékaw mbáje gə́ to par gə́ bər lə baa-boo-kad lé, dɔɓar neelé a kudu rəw dɔ njékaw mbáje’g. Lée neelé ɓa d’a dubu Gɔg gə dəw-bulaje ləa lai keneŋ ndá wəl-loo neelé d’a ɓaree wəl-loo lə koso-dəwje lə Gɔg.

Ejekel 39:4

I a kwəi dɔ mbalje gə́ Israɛl, i gə kudu-njérɔje ləi lai ləm, gə koso-dəwje gə́ d’a kaw səi lé ləm tɔ, n’a kari to nésɔ lə yelje gə́ njésɔ mar deeje ləm, gə néje lai gə́ gə bag dee ləma, gə daje gə́ wala ləm tɔ.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Amɔs 4:10

Neḛ n’ula gə yoo-ndag, Karee yee gə́ tuji ɓee gə́ Ejiptə kédé dɔ ɓee’g lə sí, Neḛ n’tɔl ŋgan síje gə́ basa gə kiambas ləm N’ar dee t’wa kundaje lə sí ləm tɔ. Neḛ n’ar baḭ néje gə́ ndum loo-si sí’g lé Uru rəw əm sí’g ya. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Nahum 3:3

Njérɔ gə kundaje d’aw kalaŋ ləm, Kiambasje lə dee kel pəji-pəji ləma, Niŋga-ndəije lə dee ndɔḭ pəl-pəl ləm tɔ. Koso-njérɔje gə́ bula digi-digi d’iŋga doo ləm, Nin dee to naŋg rib-rib ləm, D’wəi gə́ kédé-kédé ləma, Deḛ toso dɔ yoo na̰’g ləm tɔ.

Loo gə́ killa rea kəm Ja̰’g 14:20

Deḛ mbula kandə nduú neelé gaŋg ɓee-boo’g raga ndá məs ɓa ula yaa̰, wa ta kundaje loo-tɔ-kḛgəlé’g mbiriri saar ar kuruloo tɔl-dɔg gə dəa tɔl-misa̰.