Esai 33:4 - Maktub gə́ To gə Kəmee

⁴ Deḛ mbo̰ nébanrɔje lə sí To gə́ beedéje tuji ne né bèe ləm, Deḛ d’al d’ur dɔ’g To gə́ beedéje d’ḭ d’ɔm ne dɔ né’g bèe ləm tɔ.

Esai 33:4 ပူးပေါင်းရင်းမြစ်များ

2 Sôrta Gḭka Israɛlje 14:13

Deḛ tɔl dee mee ɓee-booje’d lai gə́ gugu dɔ Gerar mbata néɓəl-boo lə Njesigənea̰ dəb dɔ dee’g ndá deḛ taa ɓee-booje lai, d’unda ɓee-booje lai banrɔ mbata nébanrɔje gə́ keneŋ to yaa̰.

2 Sôrta Gḭka Israɛlje 20:25

Josapat gə njé’g ləa ree jagla rɔ nin dəwje neelé ndá deḛ d’iŋga nébaoje gə́ ur kugu ləm, gə néje gə́ gad dee to yaa̰ ləm tɔ ndá deḛ tɔr saar d’aree al dɔ dee ɓó d’askəm kodo lai kaw ne el. Deḛ ra ndɔ dee munda loo kodo nébanrɔje’g neelé mbata to yaa̰ ya.

Esai 33:23

D’ya̰ goo kúla tɔ kag-batoje lə sí lé yɔgɔ, Deḛ tɔ gel kag-bato lé el ləm, D’ar kubu lelee kara tudu rəa el ləm tɔ. Yen ŋga deḛ kai na̰ nébanrɔje lé, Njémədje ya kara d’aw d’odo né ka̰ dee-deḛ ya tɔ.

Esai 33:3

Loo gə́ ndui ɓar ndá Koso-dəwje d’aḭ, Loo gə́ i uba naŋg ḭ ndá Ginkoji dəwje gə raŋg sanéna̰.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Ejekel 25:7

aa ooje, n’a kula ji neḛ ndiŋ gə́ dɔ sí’g ləm, n’a kar sí tel toje nékwaje lə ginkoji dəwje gə raŋg ləm, n’a kar sí uduje bo̰ mbuna koso-dəwje’g ləm, n’a kar ri sí godo mbuna ɓeeje’g ləma, n’a tuji sí pugudu-pugudu ləm tɔ. Bèe ɓa seḭ a gərje ne to gə́ neḛ n’to Njesigənea̰.

Joɛl 1:4

Né gə́ beedé-ma̰daŋje d’ya̰ ndá Beedé-booje d’o̰ lai, Né gə́ beedé-booje d’ya̰ ndá Baigo̰je d’o̰ lai, Né gə́ baigo̰je d’ya̰ ndá Lámje to̰ lém-lém tɔ.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Joɛl 2:3

Loo gə́ to no̰ dee’g lé To asəna gə pər gə́ roo loo dula-dula bèe ləm, Loo gə́ goo dee’g lé To asəna gə ndo̰ pər gə́ o̰ loo rug-rug bèe ləm tɔ, Dɔ naŋg gə́ no̰ dee’g kédé lé To asəna gə loo-ndɔ gə́ Edḛ bèe, Nɛ goo dee’g gogo ndá Loo tel to dɔdilaloo gə́ majel, Né kára kara nai keneŋ el.

Joɛl 2:9

Deḛ yal na̰ pə mee ɓee-boo’g ləm, D’aiŋgwɔd dɔ ndògo-bɔrɔje’g ləm, Tuba dɔ kəije ləma, Ta̰d kəmbolèje’g to gə́ njéɓogoje bèe ləm tɔ.