Esai 32:2 - Maktub gə́ To gə Kəmee

² Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 32:2 ပူးပေါင်းရင်းမြစ်များ

Pakɔsje 143:9

Ǝi Njesigənea̰, maji kari ɔrm ji njéba̰je’g ləm ya, Mbata ma lé loo gə́ mbɔri’g ɓa M’saŋg njo̰loo-kula-dɔ ləm keneŋ ya.

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 63:1

Pakɔs lə Dabid. Taree wɔji dɔ loo gə́ yeḛ si ne dɔdilaloo gə́ Juda lé.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 16:3

Maji kar sí wɔji síje ta kəmkàr ləm, Raje sə sí né gə́ to gə dɔ najee ləm, Loo gə́ kàr aar daŋdɔ lé Ɔmje ndil sí dɔ sí’g areeje to asəna gə loondul bèe ləm, Iyaje dɔ deḛ gə́ jeḛ n’korə deeje ləma, Maji kar sí unje dɔ njeteḛ ta-rɔ’g el ləm tɔ

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 41:18

M’a kar mán baa ula yal-yal dɔdərlooje’g ləm, Ŋgira manje d’a tuba tir-tir kəm wəlje’g ləm tɔ, M’a kar dɔdilaloo tel to gə́ duu-mán ləm, Naŋg gə́ tudu kurum-kurum lé M’a karee tel to gə́ kəm-rəw-mán ləm tɔ.

Esai 43:19

Aa ooje, m’a gə tum gin né gə́ sigi gə́ aw ree: See seḭ a gəreeje el wa. M’a ra rəw dɔdilaloo’g ləm, M’a kar mán baa to ndag-mbo’g ləm tɔ.

Esai 43:20

Daje gə́ mee wala’g ləm, Gə tàlje ləma, gə miruje ləm tɔ lé D’a kula rɔnduba dɔm’g Mbata m’ar manje to dɔdilaloo’g ləm, M’ar baa to ndag-mbo’g ləm tɔ Gə mba kar dəwje ləm gə́ m’ɔr dee m’unda dee gə kəmee lé d’ai.

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Jeremi 33:14

Njesigənea̰ pana: Aa ooje, ndɔje gə́ d’a gə ree lé ta gə́ maji gə́ ma m’pa dɔ gel-bɔje’g lə Israɛl gə dɔ gel-bɔje’g lə Juda lé m’a karee aw lée’g béréré.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Tagə́maji gə́ Ja̰ ndang 7:37

Ndɔ gə́ rudu naḭ a gə kun ɗiao gə́ to ndɔ gə́ boo lé Jeju ḭ aar tar dan dee’g ila boo-ndia naŋg ɓəgəgə pana: Lé nana ɓa kṵdaman tɔlee ndá maji karee ree rɔm’g gə mba kai.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Loo gə́ killa rea kəm Ja̰’g 22:1

Yeḛ am m’oo baa gə́ ḭ gin kalimbai’g lə Ala gə ka̰ Ŋgonbad’g lé tɔ. To mán kəmə gə́ ndul konono asəna gə mán gə́ ndil ku’g bèe.