Esai 32:19 - Maktub gə́ To gə Kəmee

¹⁹ Nɛ ndi-kwɔji gə́ ər bai-bai A təd kagje gə́ mee kag-kɔr’g ləm, A kar ɓee-boo oso naŋg pal ləm tɔ.

Esai 32:19 ပူးပေါင်းရင်းမြစ်များ

Esai 10:18

Maji lə kag-kɔr ləa gə ndɔje ləa lé Yeḛ a roo dee dula-dula. Karee to asəna gə njerɔko̰ gə́ oso rəb bèe.

Esai 10:19

Ges kagje gə́ nai mee kag-kɔr’g ləa lé D’a kaskəm tura dee Ndá ŋgon ya a k’as ndaŋg bula lə dee.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 24:10

Ɓee-boo gə́ tuji pugudu lé Tel to dɔ nduba ləm, Takəije lai to gə loo kudee Ɓó dəw andə keneŋ el ləm tɔ.

Esai 24:12

Tuji-boo nai mee ɓee-boo’g Ar tarəwkɔgje gə́ tɔs dee lé tuji pugudu-pugudu.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 26:5

Yeḛ tɔs dəwje gə́ d’isi dɔ mbalje’g tar lé tila dee ləm, Ɓee-boo gə́ to tar ur dɔ mareeje’g lé Yeḛ rəm səa ləm tɔ. Yeḛ aw səa aree oso naŋg ləm, Yeḛ aw səa saar ilá babur’g pal ləm tɔ.

Esai 27:10

Mbata ɓee-boo gə́ siŋgá ŋgəŋ lé Tel to dɔ nduba, Tel to gə́ loo-si gə́ d’uba d’ya̰ D’aree to gə́ dɔdilaloo bèe, Loo-kaar-nékulje lé ŋgon maŋg ɓa a to keneŋ Mba sɔ barkəm kagje.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 28:2

Aa ooje, dəw gə́ njesiŋgamoŋ gə tɔgmbaŋ Gə́ ḭ rɔ Njesigənea̰’g si ree Asəna gə ndi gə́ ər ləm, Gə ko̰ ndi gə́ to njetuji loo ləma, Asəna gə lel-boo gə́ ar kəm-rəw-manje d’ula kalaŋ ləm tɔ, Ndá yeḛ tɔsee tilá gə siŋgamoŋgee.

Esai 29:4

D’a tel səi gə́ naŋg ndá Ndui a ɓar gel naŋg’d bər, Babur a kɔg loo koo ndui, Ndui a kḭ naŋg ɓar Asəna gə ndu ndil bèe Dan babur’g lé ɓa i a jém ta ləi keneŋ.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 37:24

I ula sul dɔ Mbaidɔmbaije’g gə ndu kuraje ləa Ndá i pana: Mbɔl dɔ pusu-rɔje ləi gə́ dum tura ɓa I teḛ ne dɔ sém mbalje gə́ Liba̰, I tuga kag-sɛdrəje ləa gə́ ŋgal d’unda mar deeje ləm, Gə kag-siprɛsje ləa gə́ maji d’unda mar deeje ləma, I aw njal teḛ ne sém kagje’g ləa Gə́ to mee kag-kɔr’g ləa Gə́ to asəna gə loo-ma̰a-kagje bèe ləm tɔ.

Nahum 1:1

Maktub némḭdi gə́ to ndərta gə́ wɔji dɔ ɓee gə́ Ninibə gə́ Nahum, dəw gə́ Elkos oo lé.

Nahum 1:8

Nɛ paŋgəm mán gə́ turu tuma̰-tuma̰ lé ɓa Yeḛ a tuji ne loo neelé pugudu. Tɔɓəi yeḛ a tuba njéba̰je ləa Saar kɔm dee dan loo gə́ ndul njudu-njudu’g.

Jakari 11:2

Seḭ kag-siprɛsje, maji kar sí no̰je siije mbigi-mbigi Mbata kag-sɛdrəje lé toso ləm, Kagje gə́ ŋgal pur-pur lé tuji mba̰ ləm tɔ. Seḭ kag-sɛnəje gə́ Basan lé Maji kar sí no̰je siije mbigi-mbigi Mbata kag-kɔrje gə́ dəw askəm kandə keneŋ el lé Tuji mbad-mbad.

Matiyo 7:25

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ ar kəi yə ləm tɔ, nɛ yee oso el mbata ginee to gə́ mbal.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.

Loo gə́ killa rea kəm Ja̰’g 8:7

Kura gə́ dɔtar im to̰to̰ ləa ndá ndi ər gə kwɔji ləm, pər gə́ pələ na̰’d gə məs ɔm dɔ naŋg nee ləm tɔ. Pər o̰ dəb naŋg kára nɛ debee nai joo ɓəi ləm, kagje gə́ dɔ naŋg nee d’o̰ pər dəb kára nɛ dəb dee nai joo ɓəi ləma, muje gə́ təb lé pər o̰ dee kənənə-kənənə ləm tɔ.