Esai 32:17 - Maktub gə́ To gə Kəmee

¹⁷ Néra gə́ gə dɔ najee lé a koji meelɔm Tɔɓəi kandə néra gə́ gə dɔ najee lé a to loo-kwa-rɔ gə loo-si gə́ majee ləm tɔ saar gə no̰.

Esai 32:17 ပူးပေါင်းရင်းမြစ်များ

Este 9:30

Deḛ d’ula gə maktub lé d’ar Jibje gə́ d’isi dəb ɓeko̰je’g lə Asuerus gə́ tɔl dəa rɔ-joo giree-siri (127) lé. Taje gə́ to keneŋ wɔji dɔ meelɔm ləm, gə ginkoji ləm tɔ

Pakɔsje 119:165

Deḛ gə́ d’unda torndui dan kəm dee’g lé D’isi dan meelɔm’g dana bab, Né kára kara a kila dee kag rəw-kaw dee’g el.

Pakɔsje 85:10

Oiyo, deḛ gə́ ɓəlee lé ndá Kaji ləa to mbɔr dee’g dəb ya Gə mba kar rɔnduba ləa to ne mee ɓee’g lə sí lé.

Pakɔsje 85:8

Njesigənea̰, maji kari ar sí j’oo meemaji ləi ləm, Kaji ləi lé kara maji kari ar sí j’aji ne ya ləm tɔ.

Gosota-Kəmkàrje 1:33

Nɛ yeḛ gə́ oo ta ləm ndá A kwa rəa gə meendakaḭ ləm, Yeḛ a si lɔm ɓó A ɓəl né majel kára kara el ləm tɔ.

Gosota-Kəmkàrje 14:26

Yeḛ gə́ ɓəl Njesigənea̰ lé Iŋga né gəd rəa gə́ to njaŋg, Ŋganeeje d’iŋga njo̰loo-kula-dɔ dee keneŋ tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 11:13

Kəmkəḭ lə Eprayimje a godo ləm, Njéba̰je lə dee gə́ d’isi Juda lé D’a tuji pugudu-pugudu ləm tɔ, Eprayimje d’a ra kəmkəḭ dɔ Judaje’g el ŋga ləm, Judaje kara d’a to njéba̰je lə Eprayimje el ŋga ləm tɔ.

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 28:12

Yeḛ ula dee kédé pana: Aa ooje, loo-kwa-rɔ to nee Ndá ya̰je loo arje yeḛ gə́ dao wa rəa keneŋ, Aa ooje, loo-kwa-rɔ to nee! Nɛ deḛ ndigi koo ta el.

Esai 30:15

Mbata Mbaidɔmbaije gə́ Njesigənea̰ gə́ to Njerɔkunda lə Israɛlje lé pa togə́bè pana: Gə goo tel gə́ seḭ telje reeje rɔ Ala’g lé ləm, Gə si gə́ seḭ síje régégé ləm tɔ lé ɓa Seḭ a kajije ne ləm, Si gə́ seḭ síje lɔm Gə kunda gə́ seḭ undaje meḛ sí yel ɓa A to siŋga sí ləm tɔ. Nɛ seḭ ɔsje ta nee rəw!

Esai 33:6

Ndɔje lə sí lai lé Seḭ a síje ne gə́ majee, Kəmkàr gə gosonégər lé To gin si dan maji’g, Ɓəl Njesigənea̰ lé To nébao lə Sio̰.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Esai 57:19

M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Esai 66:12

Mbata Njesigənea̰ pa togə́bè pana: Aa ooje, m’a kar meekulɔm aw par gə́ rɔ Jerusalem’g Asəna gə mán baa bèe ləm, M’a kar rɔnduba lə ginkoji dəwje gə raŋg aw par gə́ rəa’g Asəna gə kəm-rəw-mán Gə́ mán rusu ruba pɔ-pɔ bèe ləm tɔ Ndá seḭ a kaije mbà lé, D’a kodo sí kag ji dee’g ləm, D’a tur sí dɔ biŋ dee’g ndam ne ləm tɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Ǝbrəje 12:11

Tɔgərɔ ya, né gə́ rara gə́ deḛ ra mba kwɔji sí ne kəmkàr lé kédé to kəmndoo ya ɓó rɔlel el, nɛ gée gə́ gogo ndá deḛ gə́ deḛ ra sə dee né togə́bè lé d’a si ne gə meekarabasur gə́ meḛ dee a kul ne tɔ.

Ǝbrəje 6:11

Jeḛ ndigi kar sí-seḭ kára-kára lai lé ulaje rɔ sí ndubu togə́bè saar mba kar ndəa gə́ rudu lé a kiŋgaje ne né gə́ seḭ undaje meḛ sí yel dɔ’g.

1 Ja̰ 4:17

To gə́ yeḛ to dəw gə́ bèe lé ndá maji kar síjeḛ kara n’toje gə́ dəwje gə́ bèe dɔ naŋg neelé tɔ, yee ɓa meenoji lé a kɔr ne dɔ meḛ sí’g mba kar sí j’aar ne nea̰’g ndɔ gaŋg-rəwta’g lé gə meendakaḭ ɓó gə kaar gəd el.