Esai 32:15 - Maktub gə́ To gə Kəmee

¹⁵ Saar loo gə́ ndil a kḭ tar ree kɔm dɔ sí’g ləm, Saar kar dɔdilaloo tel to loo-ndɔ gə́ maji kó ləma, Kar dee d’oo loo-ndɔ gə́ maji kó lé asəna gə mee kag-kɔr ləm tɔ.

Esai 32:15 ပူးပေါင်းရင်းမြစ်များ

Pakɔsje 104:30

Kṵji tai gə́ i tó pu lé i unda dee ne ləm, Néje gə́ dɔ naŋg nee tel to ne sigi gə́ kédé-kédé ləm tɔ.

Pakɔsje 107:33

Man baaje lé yeḛ nja tel dee gə́ dɔdilaloo ləm, Kəm-rəw-manje lé kara yeḛ tel dee gə́ dɔ naŋg gə́ tudu kurum-kurum ya ləma,

Pakɔsje 107:35

Dɔdilaloo lé yeḛ telee gə́ duu-mán ləm, Dɔ naŋg gə́ tudu kurum-kurum lé kara yeḛ telee gə́ kəm-rəw-manje ləm tɔ.

Gosota-Kəmkàrje 1:23

Telje gə́ goo tandəjije ləm gə́ nee! Amje, m’ar ndiləm ɔm dɔ sí’g ləm, M’a kar sí gərje tapamje ləm tɔ.

Esai 28:6

Yeḛ a kar takə̰ji néra gə́ gə dɔ najee Wa meḛ deḛ gə́ d’isi loo-gaŋg-rəwta’g ləma, Yeḛ a to siŋgamoŋ mbata lə deḛ Gə́ d’ɔs njéba̰je rəw saar d’unda dee tarəwɓee’g ləa ləm tɔ.

Esai 29:17

Lam gə́ kédé ɓəi ndá Ɓee gə́ Liba̰ a tel to dɔ naŋg gə́ maji kó, Tɔɓəi d’a koo dɔ naŋg gə́ maji kó lé Asəna gə mee kag-kɔr bèe.

Esai 35:7

Naŋgəra gə́ nuŋga kəd-kəd a tel to duu-mán Kar naŋg gə́ tudu kurum-kurum tel to ŋgira manje tɔ, Mee loo-si-kiya-rɔ lə tàlje lé Ko-ab gə ŋgawlal d’a kuba keneŋ.

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Esai 45:8

Maji kar néra gə́ gə dɔ najee lé Ḭ mee dara’g ər to gə́ ndi bèe ləm, Kar pélé lə ndi yəm dɔ naŋg nee ləm tɔ! Maji kar dɔ naŋg ta̰ ar kaji ra tɔg keneŋ ləm, Ar néra gə́ gə goo rəbee uba keneŋ səa na̰’d ləm tɔ! Ma Njesigənea̰ m’to gə́ njekunda néje neelé lai.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Esai 59:21

Njesigənea̰ pana: Aa ooje, manrɔ gə́ ma man ne rɔm m’ar dee ɓa nee: Ndiləm gə́ ɔm dɔ sí’g lé ləm, gə taje ləm gə́ m’ɔm ta sí’g ləm tɔ lé d’a lal ta sí el ləm, d’a lal ta ŋgan síje el ləma, d’a lal ta ŋgan meḛ ŋgan síje el ləm tɔ, un kudee ɓasinè saar gə no̰. Njesigənea̰ ɓa pa bèe.

Esai 63:11

Yen ŋga koso-dəwje ləa d’ar meḛ dee olé dɔ ndɔje gə́ ləw’d Gə́ to ka̰ Moyis ndá Deḛ dəji pana: See yeḛ gə́ ar koso-dəwje gə́ to nékulje gə njékul deeje D’unda loo dan baa-boo-kad’g teḛ lé əd ra wa. See yeḛ gə́ ar ndilee aw mbuna dee’g lé əd ra wa.

Ejekel 37:14

N’a kula kəmə lə neḛ meḛ sí’g ndá seḭ a síje kəmba. N’a tel kunda sí mee ɓee’g lə sí gogo ndá seḭ a gərje to gə́ neḛ Njesigənea̰ m’pata ndá n’ra née tɔ, Njesigənea̰ ɓa pa bèe.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Lugu 24:49

Aa ooje, né gə́ Bɔm un ndia gə mba kar sí lé m’a kula ne kar sí ya, nɛ seḭje lé sije dan mee ɓee-boo’g lé saar kar siŋgamoŋ gə́ a kḭ sém loo gə́ tar lé ree dəb dɔ sí’g ɓa.

Tagə́maji gə́ Ja̰ ndang 7:39

Yeḛ pa togə́bè wɔji ne dɔ Ndil gə́ a taa meḛ deḛ gə́ d’a kɔm meḛ dee dəa’g lé tɔ. Mbata Ndil lé ree el ɓəi mbata d’ula rɔnduba dɔ Jeju’g el ɓəi tɔ.

Néra Njékaḭkulaje 2:33

Ala unee gə jikɔlee aree iŋga Ndilmeenda gə goo ndukun gə́ Bɔ-dəwje un ne ndia aree ləm, yeḛ ar Ndilmeenda lé ree taa meḛ dəwje pəl-pəl to gə́ seḭ ooje ne gə kəm sí gə mbi sí ləm tɔ.

2 Njé gə́ Kɔrḭtə 3:8

bèe ŋga see yeḛ gə́ ka̰ Ndil lé see rɔnduba gə́ wɔji dəa lé a kur dɔ yeḛ gə́ kédé’g el wa.