Esai 32:14 - Maktub gə́ To gə Kəmee

¹⁴ Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Esai 32:14 ပူးပေါင်းရင်းမြစ်များ

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 33:14

Goo néje’g neelé ndá yeḛ unda ndògo-bɔrɔ gir ɓee-boo’g lə Dabid par gə́ kel dɔ-gó lə Giho̰ mee wəl-loo’g aw saar teḛ ne takəi gə́ ria lə Takəi-lə-Ka̰jije ndá yeḛ gugu ne dɔ dɔdərloo, tɔɓəi yeḛ unda aree ŋgal yaa̰: yeḛ unda ɓé-njérɔje mee ɓee-booje gə́ Juda lai gə́ d’ila ndògo-bɔrɔ gugu ne dɔ dee lé tɔ.

Nehemi 3:26

Deḛ gə́ to njéra kula kəi-Ala’d gə́ raje gə́ d’isi dɔdərloo’g lé ɓa ra kula lé saar teḛ ne loo gə́ wɔji dɔ tarəwɓee gə́ ria lə Manje njoroŋ par gə́ bər ləm, gə teḛ ne kəi-kaar-kɔgərɔ gə́ duu dɔ loo gə́ teḛ gə́ raga lé ləm tɔ.

Pakɔsje 104:11

Manje lé tɔl kunda lə daje lai gə́ mee wala’g ləm, Mulayḛ̀je gə́ wala ya kara d’ai d’aree tɔl kunda lə dee ya ləm tɔ.

Esai 22:2

Ɓee-boo kunda bula ləm, Dəwje d’aw dɔ na̰’d gə́ wur-wur ləma, To loo-rɔlel ləm tɔ! Dəwje ləi gə́ d’wəi lé D’a kwəi yoo-kiambas el ləm, D’a kwəi yoo-rɔ el ləm tɔ.

Esai 24:10

Ɓee-boo gə́ tuji pugudu lé Tel to dɔ nduba ləm, Takəije lai to gə loo kudee Ɓó dəw andə keneŋ el ləm tɔ.

Esai 24:12

Tuji-boo nai mee ɓee-boo’g Ar tarəwkɔgje gə́ tɔs dee lé tuji pugudu-pugudu.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 27:10

Mbata ɓee-boo gə́ siŋgá ŋgəŋ lé Tel to dɔ nduba, Tel to gə́ loo-si gə́ d’uba d’ya̰ D’aree to gə́ dɔdilaloo bèe, Loo-kaar-nékulje lé ŋgon maŋg ɓa a to keneŋ Mba sɔ barkəm kagje.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 5:9

Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Esai 7:23

Mee ndəa’g neelé Looje lai gə́ kag-nduú a to keneŋ tɔl-dɔg (1.000) Gə́ gad dee as larnda tɔl-dɔg (1.000) lé D’a kya̰ kar kunje gə ŋgarje tur dɔ dee.

Jeremi 14:6

Mulayḛ̀je gə́ mee wala’g d’aar dɔ looje gə́ ndəw’g, Deḛ taa baḭ loo to gə́ tàlje bèe, Kəm dee toso kəgjə-kəgjə Mbata mu sɔ dee godo.

Jeremi 33:4

Mbata Njesigənea̰, Ala lə Israɛlje pata togə́bè dɔ kəije gə́ mee ɓee-boo’g neelé ləm, gə dɔ kəije’g lə mbaije gə́ Juda gə́ təd dee ləm, gə dɔndalje’g ləm, gə kiambas’g ləm tɔ,

Jeremi 52:27

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ. Bèe ɓa d’aw ne gə Judaje ɓee-ɓər gə́ əw gə ɓee lə dee.

Jeremi 6:5

Ar sí j’ḭje loondul’g j’awje! J’aw n’tujije kəi-mbaije ləa.

Ojee 2:3

Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm) Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Soponi 2:7

Ta baa-boo-kadje neelé d’a to mbata ges gel-bɔje lə Juda gə́ nai, Lée neelé ɓa d’a kul rɔ dee keneŋ: Loondul ndá d’a kwa rɔ dee mee kəije’g lə Askalo̰: Mbata Njesigənea̰, Ala lə dee lé Mée a kwəi dɔ dee’g el Ndá yeḛ a kɔr dee ɓee-ɓər’g lə dee tel ree sə dee.

Lugu 21:20

Loo gə́ seḭ a kooje boo-njérɔje d’a taa Jerusalem pəl-pəl ndá seḭ a gərje gao to gə́ ta tuji lə Jerusalem nai dəb ba ŋga.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.