Esai 32:11 - Maktub gə́ To gə Kəmee

¹¹ Seḭ denéje gə́ njérɔkwɔije lé Sije dan ɓəl’g! Seḭ denéje gə́ síje lɔm lal kḛji ta lé Undaje bala to! Tɔrje kubu rɔ sí’g síje rɔ sí kari ba Ndá tɔje kubu-kwa-ndòo ɓər sí’g.

Esai 32:11 ပူးပေါင်းရင်းမြစ်များ

Pakɔsje 123:4

Lul-kogo lə njébeeleje ləm, Gə kḛji bəḭ-bəḭ lə njékəstaje ləm tɔ lé As sí nag-nag ya tɔ.

Teḛ-Raga 33:4

Loo gə́ dəwje d’oo ta né ndəji kɔr neelé ndá ɓəŋgərə dee a gə ti dus, ar dəw kára kara ula néra basa əsé néra ma̰də rəa’g el.

Esai 15:3

Kila-rəwje ləa lai lé d’ula kubu-kwa-ndòo rɔ dee’g ɓa d’aw ne keneŋ, Nana kara no̰ tuma̰ ŋgururu-ŋgururu Gə mán-no̰ kəmee’g Dɔ kəije’g ləm, gə ndaa-looje’g ləm tɔ.

Esai 2:19

Dəwje d’a kiya rɔ dee mee bolè mbalje’g Gə mee bwaje gə́ naŋg Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl dɔ njé gə́ naŋg nee.

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 20:4

Togə́bè ɓa mbai gə́ Asiri a kwa basaje gə ɓugaje gə́ Ejiptə kaw sə dee ɓee-ɓər’g, kubu a godo rɔ dee’g ləm, gɔl dee a to kari ba ləma, d’a kaw kudu dee dum ləm tɔ gə mba kila ne rɔkul dɔ Ejiptə’g ya.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Esai 47:8

Seḭ njékərkəmlooje lé Ɓasinè maji kar sí reeje ooje, Seḭ síje lɔm, Seḭ paje meḛ sí’g pajena: Seḭ nja gə kar sí Ɓó dəw gə́ raŋg kára kara godo, Seḭ nja gə́ kar sí ba ləm, Seḭ a síje gə́ njékəisiŋgaje nda̰ el ləma, A lalje ŋganje nda̰ el ləm tɔ.

Jeremi 4:8

Gelee gə́ nee ɓa maji kar sí ulaje kubu-kwa-ndòo rɔ sí’g No̰je ne ləm, gə tuma̰je ne ŋgururu-ŋgururu ləm tɔ, Mbata oŋg lə Njesigənea̰ gə́ to asəna gə pər bèe lé a lal sí el.

Jeremi 49:3

Seḭ njéɓeeje gə́ Esbon, Maji kar sí tuma̰je ŋgururu-ŋgururu, Mbata Ai tuji pugudu! Ŋganje gə́ dené gə́ Raba, Maji kar sí raje né wəl-wəl ləm, Tɔje kubu-kwa-ndòo ɓər sí’g ləma, No̰je gə mán-no̰ kəm sí’g Ilaje ne rima-rima kaar ndògo-bɔrɔje’g ləm tɔ Mbata d’aw gə magə-Malkɔm gə́ ɓee-ɓər’g Gə njékinjanéməsje ləa gə mbaije ləa na̰’d.

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Ojee 2:3

Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm) Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)

Joɛl 1:8

Maji kar sí no̰je to gə́ ŋgoma̰də gə́ ula kubu-kwa-ndòo rəa’g No̰ ne mbata lə ŋgawkasee gə́ wəi kalaŋ ba!

Amɔs 4:12

Gelee gə́ nee ɓa, seḭ Israɛlje lé, N’a gə ra sə sí né gə́ bèe ya, Bèe ndá ɓó lé n’a gə ra sə sí né gə́ bèe Ndá əi Israɛlje, maji kar sí waje dɔ gɔl rɔ sí, Gə mba teḛje kaarje no̰ Ala’g lə sí ya.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Tel tura Godndu 28:48

ndá seḭ a raje né karje njéba̰je lə sí gə́ Njesigənea̰ a gə kula dee kar dee d’ḭ rɔ sə sí lé dan ɓó’g ləm, gə dan kṵdaman’g ləm, gə dan kaw kudu dum’g ləma, gə dan ɓoo-boo’g ləm tɔ, yeḛ a kila néməməna̰ gə́ ra gə larndul gwɔb sí’g saar kar sí uduje ne bo̰.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.