Esai 32:1 - Maktub gə́ To gə Kəmee

¹ Togə́bè mbai a ko̰ɓee gə néra gə́ gə dɔ najee ləm, Mbaije kara d’a ko̰ɓee gə goo rəbee ləm tɔ.

Esai 32:1 ပူးပေါင်းရင်းမြစ်များ

2 Samel 23:3

Ala lə Israɛlje pata, Biri mbal lə Israɛlje ulam ta pana: Yeḛ gə́ o̰ ɓee dɔ dəwje’g gə goo rəbee ləm, Yeḛ gə́ ɓəl Ala loo ko̰ɓee’g ləa ləm tɔ lé

Pakɔsje 45:1

Pa lə Koréje gə́ d’ar bao-pa mba karee ɔs sə dee lé. To pa gə́ d’ɔs d’wɔji ne dɔ kunda na̰ dan kəm na̰’d.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 11:5

Néra gə́ gə dɔ najee gə ŋgonkoji lé A to gə́ ndar gə́ yeḛ wa ne ɓəree.

Esai 16:5

Meemaji ɓa a kar kalimbai to ne njaŋg, Yeḛ gə́ to ŋgonkoji gə́ a ree si dɔ’g lé A kḭ mbuna ŋgaka Dabidje’g lé ya. Yeḛ a to njegaŋ-rəwta Gə́ néra gə́ danasur wa mée ləm, Néra gə́ gə dɔ najee ɓa malee a rəa ŋgwɔd-ŋgwɔd ləm tɔ.

Esai 28:6

Yeḛ a kar takə̰ji néra gə́ gə dɔ najee Wa meḛ deḛ gə́ d’isi loo-gaŋg-rəwta’g ləma, Yeḛ a to siŋgamoŋ mbata lə deḛ Gə́ d’ɔs njéba̰je rəw saar d’unda dee tarəwɓee’g ləa ləm tɔ.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 4:6

Kəi-surum a to keneŋ mba kar ndilee ɔg loo nuŋga dan kàrá ləm, Gə mba to loo-kiya-rɔ keneŋ ləma, Gə mba karee to loo-kula-dɔ kar ko̰ ndi gə ndi undá el ləm tɔ.

Jeremi 33:14

Njesigənea̰ pana: Aa ooje, ndɔje gə́ d’a gə ree lé ta gə́ maji gə́ ma m’pa dɔ gel-bɔje’g lə Israɛl gə dɔ gel-bɔje’g lə Juda lé m’a karee aw lée’g béréré.

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Ejekel 37:24

Kura lə neḛ Dabid a to mbai lə dee ndá deḛ lai lé njekul dee a to gə́ kára ba. D’a ndolè goo ndukunje lə neḛ ləm, d’a kaa dɔ godnduje lə neḛ kər-kər ləma, d’a ra née ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Njé gə́ Rɔmə 5:21

mba kar loo gə́ kaiya o̰ ɓee dɔ dəwje’g lai ar dee d’wəi ne ndá noji gə́ ar dee d’isi ne gə́ njémeekarabasurje lé a taa ɓee rima-rima tɔ, kar dee d’isi ne gə kəmə gə́ gə no̰ lé gin Jeju Kristi, Mbaidɔmbaije’g lə sí lé tɔ.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.