Esai 31:5 - Maktub gə́ To gə Kəmee

⁵ To gə́ yelje naji ne bag dee dɔ ŋgan deeje’g lé Njesigənea̰ gə́ njeboo-néje kara A kaḭ bada dɔ njé gə́ Jerusalem’g togə́bè tɔ, Yeḛ a kaḭ bada dɔ dee’g taa dee ne ləm, Yeḛ a kɔr dee kaji dee ne ləm tɔ.

Esai 31:5 ပူးပေါင်းရင်းမြစ်များ

Gḭ-Néje 1:2

Loo gə́ naŋg nee lé to kari ba ləm, né kára kara godo keneŋ ləm tɔ. Loondul dəb dɔ wəl gə́ uru’g ləm, Ndil Ala aar dɔ manje’g ləm tɔ.

2 Mbaije 19:34

M’a kaḭ bada dɔ ɓee-boo’g neelé gə mba kajee ne mbata lə rim ma ləm, gə mbata lə kura ləm gə́ Dabid lé ləm tɔ.

2 Sôrta Gḭka Israɛlje 32:22

Togə́bè ɓa Njesigənea̰ aji ne Ejekias gə njé gə́ Jerusalem ɔr dee ne ji Sa̰kɛrib, mbai gə́ Asiri’g gə ji dee gə́ raŋg’d lai ləm, yeḛ aḭ ne bada dɔ dee’g ɔr dee ne ji njéba̰je’g lə deḛ lai gə́ gugu gir dee sub lé ləm tɔ.

Pakɔsje 37:40

Njesigənea̰ nja to gə́ njela sə dee ləm, gə njetaa dɔ dee ləm tɔ, Yeḛ ɔr dee ji njémeeyèrje’g aji dee ne Mbata deḛ nja saŋg njo̰loo-kula-dɔ dee rəa’g.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Pakɔsje 46:6

Ala si mee ɓee’g neelé, né a yə ŋgirá el, Ala la səa un kudee taginloo’g.

Pakɔsje 91:4

Yeḛ a kɔm bèlee dɔi’g ndá I a kiŋga ne loo-kula-dɔi gin bagee’g. Meenda londoŋ ləa ɓa to dər ləi gə kubu-rɔ kula kaari’g ya.

Teḛ-Raga 12:27

Ndá seḭ a kila deeje keneŋ pajena: Yee neelé to gə́ nékinjaməs Pag mba kula ne rɔnduba dɔ Njesigənea̰’g mbata yeḛ dəs dɔ kəije’g lə Israɛlje mee ɓee gə́ Ejiptə, loo gə́ yeḛ tuji ɓee nee lé ndá ya̰ kəije lə síjeḛ gə́ majee. Dəwje d’unda barmba d’ula dɔ dee naŋg tɔ.

Teḛ-Raga 19:4

Seḭ ooje né gə́ m’ra gə njé gə́ Ejiptə ləm, gə goo rəw gə́ m’odo sí ne seḭ Israɛlje m’ree ne sə sí rɔm’g lé ləm tɔ.

Esai 10:14

Neḛ n’taa nébaoje lə koso-dəwje To gə́ dəw wa ne kəi-yel ɔr bèe ləm, To gə́ d’odo ne kaw gə́ yel uba ya̰ bèe ləm tɔ. Yee ɓa neḛ mbo̰ njé gə́ naŋg nee lai dɔ na̰’d, Ndá yel kára kara unda bagee el ləm, Teḛ təa el ləma, no̰ el ləm tɔ.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 27:3

Ma Njesigənea̰ m’to gə́ njeŋgəmee, Ma m’saga mán dɔ’g ta-ta Nà dəw a ree tujee, Ma m’ŋgəm loondul’g gə dan kàrá.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Esai 37:35

N’a kaḭ bada dɔ ɓee-boo’g neelé gə mba kajee mbata lə neḛ ləm, gə mbata lə kura lə neḛ Dabid ləm tɔ.

Esai 38:6

N’a kɔri-i ləm, gə ɓee-boo nee ləm tɔ ji mbai gə́ Asiri’g ləm, n’a kaḭ bada dɔ ɓee-boo’g neelé ya ləm tɔ.

Jakari 9:14

Njesigənea̰ a nduba rəa dɔ dee’g tar Ndá kandə ɓandaŋg ləa a teḛ to gə́ tel lə ndi bèe, Mbaidɔmbaije gə́ Njesigənea̰ a kar to̰to̰ ləa ɓar, Yeḛ a kaw kəmee gə́ kédé dan lel-boo gə́ dɔkɔl.

Jakari 9:8

N’a kaḭ dɔ kəi lə neḛ sub gə mba kɔs njérɔje rəw Koma̰ ne gə deḛ gə́ d’a gə dəs kaw əsé deḛ gə́ d’a gə tel, Bèe ɓa njekula kəm loo ndòo a dəs mbɔr dee’g dəb el, Mbata ɓasinè n’orè kəm neḛ dɔ dee’g sḭ.

Tel tura Godndu 32:11

To gə́ niŋgatə̰də aar ne dɔ ŋganeeje’g Tuga bagee kəb dee ne ləm, Naji bagee ndoo dee ne né ləma, Odo dee gə bèl bageeje ləm tɔ.