Esai 31:4 - Maktub gə́ To gə Kəmee

⁴ Mbata Njesigənea̰ ulam ta togə́bè pana: To gə́ toboḭ əsé ŋgon toboḭ inja miḭ dɔ nékwa’g ləa lé Lé njékulbadje bula mbo̰ dɔ na̰ d’oma̰ səa kara Yee ɓəl dee gə goo ndu dee gə́ ɓar u-u-u el ləm, Ar rəa wəi njururu gə goo bula lə dee el ləm tɔ, Togə́bè Njesigənea̰ gə́ njeboo-néje kara a kḭ ree Mba rɔ dɔ mbal gə́ Sio̰ ləm, gə dɔdərloo gə́ wɔji dəa ləm tɔ.

Esai 31:4 ပူးပေါင်းရင်းမြစ်များ

2 Sôrta Gḭka Israɛlje 20:15

Ndá Jahajiel lé pana: Maji kar sí tugaje mbi sí, seḭ lai gə́ Juda gə njé gə́ Jerusalem, gə i mbai Josapat tɔ. Njesigənea̰ pata togə́bè ar sí pana: Ɓəlje el ləm, ndəbje no̰ njérɔje gə́ bula digi-digi’g lé el ləm tɔ mbata to seḭ ɓa a rɔje el nɛ Ala ɓa a rɔ sə dee ya.

Teḛ-Raga 14:14

Njesigənea̰ a rɔ mbata lə sí, nɛ seḭje lé aarje dɔ mundu.

Teḛ-Raga 14:25

Yeḛ tɔr gɔl pusu-rɔje lə dee ar loo kaw gə́ kédé lə dee kədərə ya. Togə́bè njé gə́ Ejiptə pana: Ar sí j’aḭje no̰ Israɛlje’g mbata Njesigənea̰ ɓa aw rɔ sə sí gə mbata lə dee.

Esai 10:16

Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 30:32

Ta ndəi kɔb ləa kára kára gə́ wɔji dɔ deḛ gə́ Njesigənea̰ a kunda dee neelé d’a koo ndu dalè bajḭgje gə kṵdu-kagje gə́ ɓar, Njesigənea̰ a rɔ ne sə dee gə jia gə́ un ula ndiŋ gə́ tar lé.

Esai 42:13

Njesigənea̰ unda loo teḛ To gə́ bao-rɔ bèe ləm, Yeḛ ar ŋguree rəa ŋgwɔd-ŋgwɔd To gə́ njerɔ bèe ya ləm tɔ. Yeḛ ɔr ndia gə́ tar ləm, Yeḛ ndaŋg rəa ləma, Yeḛ riba dɔ siŋgamoŋ ləa koma̰ ne njéba̰je ləa ləm tɔ.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Ojee 11:10

D’a njaa goo Njesigənea̰’d Gə́ ndia ɓar to gə́ ndu no̰ lə toboḭ bèe lé, Mbata ndia a ɓar wəl ndá Ŋganeeje d’a kḭ kel tura-baa-boo’d gə́ nu kaḭ ree ne.

Amɔs 3:8

Toboḭ no̰ ndá see na̰ ɓa a ɓəl el wa. Mbaidɔmbaije gə́ Njesigənea̰ ɓa pata Ndá see na̰ ɓa a lal tegginee wa.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 14:3

Njesigənea̰ a teḛ ndá A rɔ gə ginkoji dəwje gə raŋg neelé To gə́ yeḛ rɔ ne ndɔ rɔ gə́ kédé lé tɔ.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 9:15

Njesigənea̰ gə́ njeboo-néje a kaa dɔ dee, D’a tuji loo pugudu ləm, D’a dum dɔ kɔri-ər yɔroŋ-dooje lə njéba̰je lə dee ləm tɔ, D’a kai né ləm, D’a kunda bula to gə́ njékai mán-nduú gə́ mḭje bèe ləm tɔ, Nékai a rusu meḛ dee to gə́ mán gə́ rusu ŋgo-dɔ-mán bèe ləm, To gə́ məs gə́ aḭ dɔkum loo-nékinjaməs’g bèe ləm tɔ.

Jakari 9:8

N’a kaḭ dɔ kəi lə neḛ sub gə mba kɔs njérɔje rəw Koma̰ ne gə deḛ gə́ d’a gə dəs kaw əsé deḛ gə́ d’a gə tel, Bèe ɓa njekula kəm loo ndòo a dəs mbɔr dee’g dəb el, Mbata ɓasinè n’orè kəm neḛ dɔ dee’g sḭ.

Loo gə́ killa rea kəm Ja̰’g 10:3

ndá yeḛ pata gə ndia gə́ boi wəl asəna gə ndu no̰ lə toboḭ bèe. Loo gə́ yeḛ pata mba̰ ndá ndi ndaŋg asəna gə gɔl siri.

Loo gə́ killa rea kəm Ja̰’g 5:5

Dəw kára gə́ si mbuna ŋgatɔgje’g ulam pana: Ǝw rɔi no̰. Aa oo, toboḭ gə́ ḭ ginka Juda, gə́ to barkəm Dabid lé yeḛ ɓa dum dɔ loo as kɔr nérḛdə ta maktub gə́ siri neelé ya.