Esai 31:2 - Maktub gə́ To gə Kəmee

² Lé bèe kara yeḛ lé to njekəmkàr: Yeḛ askəm kar némeeko̰ teḛ ya ləm, Yeḛ ya̰ goo tapeaje el ləm tɔ, Yeḛ ḭ gə gel-bɔje lə njémeeyèrje ləm, Njéra né kori-korije gə́ la sə dee kara Yeḛ ɔs dee rəw ləm tɔ.

Esai 31:2 ပူးပေါင်းရင်းမြစ်များ

Maktub gə́ wɔji dɔ Jɔb 12:13

Mee Ala to loo-si kəmkàr gə siŋgamoŋ, Kwɔjita kəmkàr gə gosonégər to kea̰.

Maktub gə́ wɔji dɔ Jɔb 12:16

Siŋgamoŋ gə kunda kəmkàr dɔ rɔ’g to kea̰, Yeḛ gə́ ndəm rəw əsé ar mareeje ndəm rəw kara yeḛ dum dɔ dee joo bɔr.

Maktub gə́ wɔji dɔ Jɔb 5:13

Yeḛ wa ta njékəmkàrje dɔ goso’g lə dee ləm, Dəwje gə́ njégosoje lé yeḛ tuji négosɔje lə dee ləm tɔ,

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 14:20

I orè sə dee na̰ dɔɓar’g el Mbata i tuji ɓee ləi ləm, I ar koso-dəwje ləi tuji pugudu-pugudu ləm tɔ. D’a ɓar ri ginka njémeeyèrje neelé gogo el ŋga.

Esai 21:17

Ges njérɔ gə ɓandaŋgje gə́ to njésiŋgamoŋje mbuna ŋgalə Kedar’g lé d’a nai jebəre ba mbata Njesigənea̰, Ala lə Israɛlje lé ɓa pa bèe.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 28:21

Mbata Njesigənea̰ a kḭ tar To gə́ yeḛ ḭ ne dɔ mbal gə́ Perasim ləm, Oŋg a kḭ səa pu To gə́ ḭ ne səa wəl-loo gə́ Gabao̰ ləm tɔ Gə mba ra kula ləa gə́ to kula gə́ ɓəd ləm, Gə mba tɔl kula ləa gə́ to kula gə́ dəw oo kédé el ləm tɔ.

Esai 28:29

Né neelé ḭ rɔ Njesigənea̰ gə́ njeboo-néje’g, Ta né gə́ yeḛ wɔji-kwɔji ra lé maji dum ləm, Kəmkàr ləa boo al dɔ loo sula ləm tɔ.

Esai 30:3

Siŋgamoŋ lə Parao̰ lé A to rɔkul mbata lə sí ləm, Kula dɔ gel Ejiptəje’g lé kara A to rɔkul-boo ləm tɔ!

Esai 30:7

Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 31:3

Ejiptəje lé to dəwje ɓó to Ala el, Kundaje lə dee to gə́ kundaje ba ɓó to néje gə́ raŋg el. Loo gə́ Njesigənea̰ a kun jia kula ndiŋ ndá Njékaḭ bada dɔ dee’gje lé d’a kunda ndolé ləm, Deḛ gə́ yeḛ aa dɔ dee lé d’a koso ləm tɔ Kar dee d’a kudu lai guduru.

Esai 32:6

Mbata mbə-dəw lé ta mbə ɓa teḛ təa’g ləm, Takə̰ji né gə́ majel ɓa wa mée ləm tɔ Gə mba karee ila ndɔl dɔ loo’g ləm, Gə mba karee pa ne taŋgɔmje dɔ Njesigənea̰’g ləm, Mba kar mee dəw gə́ ɓó rəa lé to wəl ləma, Mba kɔg dəw gə́ kṵdaman tɔlee loo-kai-ma̰ ləm tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 10:7

I gə́ to mbai dɔ ginkoji dəwje gə raŋg lé See na̰ ɓa a ɓəli el wa. I nja ɓa kəm kar dee ɓəli ya, Mbata mbuna njékəmkàrje’g Le ginkoji dəwje gə raŋg ləm, Gə mee ɓeeko̰je’g lə deḛ lai ləm tɔ lé Njetana səi godo.

Jeremi 36:32

Jeremi un maktub gə́ kə́ na̰’d gə́ raŋg lé ar Baruk, ŋgolə Nerija gə́ to njendaji-maktub lé. Ndá Baruk ndaŋg taje lai gə́ to mee maktub gə́ Jojakim, mbai gə́ Juda roo lé gə goo ndaji gə́ Jeremi ndaji taree aree lé. Yeḛ ɔm taje gə́ raŋg bula gə́ to asəna gə njé gə́ kédé bèe keneŋ tɔ.

Ejekel 29:6

Yen ɓa dəwje gə́ Ejiptə lai d’a gər ne to gə́ neḛ n’to Njesigənea̰. Mbata deḛ to kaar kó-ab gəd rɔ lə gel-bɔje lə Israɛl.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Bula lə Israɛlje 10:35

Loo gə́ d’ḭ gə sa̰duk-manrɔ mba kaw ne ndá Moyis pana: Ḭta, Njesigənea̰! Maji kar njéba̰je ləi sané na̰ kad-kad ləm, maji kar deḛ gə́ d’wai gə meḛ dee kara d’aḭ nɔḭ’g ləm tɔ.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Njé gə́ Rɔmə 16:27

yeḛ nja ɓa gə́ Ala lé gə́ njekəmkàr kára ba kiao ndá maji kula rɔnduba dəa’g gə ri Jeju Kristi gə ləbee-ləbee saar-saar gə no̰. Amen!

Jujé 23:15

To gə́ taje gə́ maji lai gə́ Njesigənea̰, Ala lə sí pa ar sí aw ne lée’g béréré-béréré mbata lə sí lé togə́bè Njesigənea̰ a kar taje gə́ majel lai kara aw lée’g béréré-béréré mbata lə sí bèe to saar yeḛ a tuji sí ne mee ɓee gə́ maji gə́ Njesigənea̰, Ala lə sí ar sí lé tɔ.

Jude 1:25

yeḛ nja ɓa gə́ Ala kára ba kiao, gə́ j’aji ne gin Jeju Kristi Mbaidɔmbaije lə sí lé maji kula rɔnduba dəa’g ləm, gə maji karee ur dɔ dəwje’g lai ləm, maji karee dum dɔ loo gə siŋgamoŋ ləa kédé par-par gə ɓasinè ləma, gə saar-saar gə no̰ ləm tɔ. Amen!

1 Samel 2:3

Paje ta beelé bèe el ləm, Maji kar ta kəsta teḛ ta sí’g el ləm tɔ Mbata Njesigənea̰ to Ala Gə́ njegər néje lai ləm, Yeḛ nja wɔji kwɔi lə néra dəwje lai ləm tɔ.