Esai 31:1 - Maktub gə́ To gə Kəmee

¹ Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 31:1 ပူးပေါင်းရင်းမြစ်များ

Gḭ-Néje 47:17

Deḛ ree gə nékulje lə dee rɔ Jisəb’g ndá Jisəb ar dee nésɔje tor kundaje’g ləm, gə koso-badje gə koso-maŋgje’g ləma, gə tor mulayḛ̀je-je’g ləm tɔ. Mee ləbee gə́ neelé yeḛ aji dee gə nésɔ tor nékulje’g lə dee ya.

2 Sôrta Gḭka Israɛlje 16:7

Mee ndəa’g neelé Hanani, njekoota-mee-Ala’g aw rɔ Asa, mbai gə́ Juda’g ulá pana: Mbata i nam kaar mbai gə́ Siri’g ɓa ɓó i nam kaar Njesigənea̰, Ala’g lé ləi el ndá gelee gə́ nee ɓa njérɔje lə mbai gə́ Siri teḛ ne jii’g d’aḭ ne gə mbəa.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Maktub gə́ wɔji dɔ Jɔb 39:11

See i a kɔm məəi dəa’g mbata siŋgá gə́ to yaa̰ wa. See i a kyá̰ karee ra kula ləi gə dɔrea wa.

Pakɔsje 20:7

Ɓasinè ma m’gər gao, Njesigənea̰ aji yeḛ gə́ yeḛ wa dəa gə ubu, Yeḛ a koo ndia mee dara gə́ to loo-siée gə́ to gə kəmee doi ləm, Yeḛ a la səa gə jikɔl siŋgamoŋ ləa ləm tɔ.

Esai 10:17

Njesigənea̰ gə́ to lookàr lə Israɛlje lé A tel to pər, Njemeenda lə dee a tel to ndo̰ pər to Ndá yeḛ a roo kunje gə kun-pɔrɔrɔje ləa Mee ndɔ gə́ kára ba ya.

Esai 2:7

Larnda gə larlɔr taa mee ɓee lə dee pəl-pəl Ar nébaoje gə́ dum tura to keneŋ ləm, Kundaje taa mee ɓee lə dee lé pəl-pəl ləma, Pusu-rɔje gə́ keneŋ kara dum tura ləm tɔ.

Esai 20:5

Bèe ɓa deḛ gə́ d’ɔm meḛ dee dɔ Etiopi’g ləm gə d’ɔs gaji rɔ dee mba Ejiptə ləm tɔ lé, ɓəl a kunda dee ne badə gaŋg dee ləm, rɔ dee a kul ne ləm tɔ.

Esai 22:11

Seḭ uruje bwa kəm-rəw-mán kára Mbuna ndògo-bɔrɔje gə́ joo neelé Gə mba kar mán gə́ to mee bwa gə́ kédé lé Aḭ keneŋ.

Esai 30:16

Seḭ pajena: Wah! j’a kaḭ gə kundaje ɓa! Gelee gə́ nee ɓa seḭ a kaḭje ne ya Nɛ a kaḭje ne gə́ kaḭ ɓa. Seḭ pajena: J’a kaḭ gə kunda ŋgwɔdje! Nɛ deḛ gə́ njékɔrə síje kara Rɔ dee a kwɔilɔ pélé-pélé kunda sí!

Esai 36:6

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

Esai 36:9

See i a ra to gə́ ban ɓa mba kɔs ne ɓé-njérɔje gə́ kára mbuna kuraje’g lə ɓémje gə́ lam ba nee wa. I lé ɔm məəi dɔ Ejiptə’g gə mba kiŋga ne pusu-rɔje gə njérɔ gə kundaje ɓa.

Esai 43:15

Ma m’to Njesigənea̰, Njerɔkunda lə sí, M’to njekunda Israɛlje gə́ m’to mbai lə sí.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Esai 57:9

Seḭ awje gə ubu rɔ mbai’g ləm, Seḭ arje néje lə sí gə́ ə̰də sululu Ḭ dɔ maree’d gə́ kédé-kédé ləm, Seḭ ulaje njékaḭkulaje lə sí loo gə́ əw’g ləma, Seḭ osoje saar teḛje ne ɓee lə njé gə́ d’wəi ləm tɔ.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Jeremi 17:5

Njesigənea̰ pa togə́bè pana: Ndɔl wa dɔ dəw gə́ ɔm mée dɔ dəw maree’g ləm, Gə oo dəw ɓa gə́ négəd-rɔ ləa ləma, Gə ar mée tel ne gir gə Njesigənea̰ ləm tɔ.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 37:7

Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo.

Jeremi 42:14

ɓa seḭ pajena: Wah, j’a si mee ɓee’g nee el nɛ j’a kaw mee ɓee gə́ Ejiptə, loo gə́ j’a koo rɔ keneŋ el ləm, j’a koo ndu to̰to̰ keneŋ el ləma, muru a lal sí keneŋ el ləm tɔ, lé neelé ɓa j’a si keneŋ,

Ejekel 17:15

Nɛ yeḛ lé ḭ ɔsee rəw, ula njékaḭkulaje ləa Ejiptə mba kar dee d’aree kundaje ləm, gə boo-njérɔje ləm tɔ. See yeḛ gə́ njera né togə́bè lé a teḛkɔr ya wa. See yeḛ a taa ne rəa ya wa. Yeḛ gaŋg kúla manrɔ ndá see yeḛ a taa rəa ya wa.

Ejekel 29:16

Ɓeeko̰ neelé a to nékunda-mee-yel lə gel-bɔje lə Israɛl el ŋga, yee a kar meḛ dee olé dɔ néra kori-korije’g lə dee loo gə́ deḛ tel kəm dee gə́ rɔ Ejiptəje’g. Bèe ɓa d’a gər to gə́ neḛ n’to Mbaidɔmbaije gə́ Njesigənea̰ ya.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Ojee 11:5

D’a tel kaw mee ɓee gə́ Ejiptə el, Nɛ dəw gə́ Asiri ɓa a to mbai lə dee Mbata deḛ mbad kɔs badm tel ree rɔ neḛ’g.

Ojee 11:9

M’a ra né gə goo oŋg ləm gə ḭ səm pu lé el, M’a kya̰ goo tuji gə́ m’wɔji mba tuji ne Eprayimje lé. Mbata ma m’to Ala ɓó m’to dəw el, Ma m’to Njerɔkunda gə́ m’si mbuna sí’g, M’a tel ree ra né gə goo oŋg ləm el.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Ojee 7:7

Deḛ lai meḛ dee taa pər to gə́ bwa-bṵda bèe, Deḛ rum njégaŋ-rəwtaje lə dee rum-rum, Mbaije lə deḛ lai d’wəi gə goo na̰ goo na̰: Dəw kára kara mbuna dee’g ɓarm gə mba karm m’la səa el.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Habakuk 3:3

Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Tel tura Godndu 20:1

Loo gə́ seḭ a gə kawje loo-rɔ’g gə mba rɔ gə njéba̰je lə sí ɓa, a kooje kundaje lə dee gə pusu-rɔje lə dee gə koso-dəwje lə dee gə́ bula d’unda sí ndá seḭ a ɓəl deeje el, mbata Ala lə sí gə́ Njesigənea̰ gə́ ar sí undaje loo mee ɓee gə́ Ejiptə teḛje lé nai sə sí ya.