Esai 30:7 - Maktub gə́ To gə Kəmee

⁷ Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 30:7 ပူးပေါင်းရင်းမြစ်များ

Maktub gə́ wɔji dɔ Jɔb 9:13

Ala ar goo oŋg ləa yɔr el, Négəd rɔ lə njébeeleje lé yeḛ tuji pugudu nea̰’g.

Pakɔsje 87:4

Ma m’ɓar ri njé gə́ Ejiptə Gə njé gə́ Babilɔn lé mbuna deḛ gə́ gərm’g. Aa oo, ɓee lə Pilistije, gə Tirje, gə Etiopije lé to: Dəwje neelé d’oji dee mee ɓee’g neelé ya.

Pakɔsje 89:10

Man baa-boo-kad gə́ ḭ ububu-ububu lé I dum dəa ləm, Loo gə́ paŋgəm manje tuga ndá I ar dee tel to ndiŋ ləm tɔ.

Teḛ-Raga 14:13

Moyis ila koso-dəwje keneŋ pana: Ɓəlje el, aarje loo kaar sí’g mba kooje ne kaji lə Njesigənea̰ gə́ yeḛ a gə kaji sí kɔm sí ne tar mee ndɔ gə́ ɓogənè lé, mbata njé gə́ Ejiptə gə́ seḭ oo deeje ɓogənè neelé seḭ a koo deeje gogo el ŋga.

Gosota-Kəmkàrje 25:19

Kɔm məəi dɔ njendɔji pɔdɔdɔ’g ndɔ néurti’g lé To asəna gə ŋgaŋ dəw gə́ təd ləm, Gə gɔlee gə́ unda ndolè bèe ləm tɔ.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 2:22

Ǝwje rɔ sí kɔmje meḛ sí dɔ dəw’g, Ndu kəmə gə́ kára ba to rəw əmee’g Mbata yeḛ lé to gə́ ɗi ɓa i a kɔm məəi dəa’g wa.

Esai 20:6

Mee ndəa’g neelé deḛ gə́ d’isi kelee gə́ neelé d’a pa pana: Aa ooje né gə́ teḛ dɔ né gə́ j’unda meḛ sí yel dəa’g ləm, j’ɔm meḛ sí dəa’g mba karee aji sí taa sí ji mbai gə́ Asiri’g ləm tɔ lé ɓa nee. Ŋga see j’a kaḭ kaw ra ɓa mba kaji rɔ sí wa.

Esai 28:12

Yeḛ ula dee kédé pana: Aa ooje, loo-kwa-rɔ to nee Ndá ya̰je loo arje yeḛ gə́ dao wa rəa keneŋ, Aa ooje, loo-kwa-rɔ to nee! Nɛ deḛ ndigi koo ta el.

Esai 30:15

Mbata Mbaidɔmbaije gə́ Njesigənea̰ gə́ to Njerɔkunda lə Israɛlje lé pa togə́bè pana: Gə goo tel gə́ seḭ telje reeje rɔ Ala’g lé ləm, Gə si gə́ seḭ síje régégé ləm tɔ lé ɓa Seḭ a kajije ne ləm, Si gə́ seḭ síje lɔm Gə kunda gə́ seḭ undaje meḛ sí yel ɓa A to siŋga sí ləm tɔ. Nɛ seḭ ɔsje ta nee rəw!

Esai 30:5

Deḛ lai rɔ dee a gaḭ gəs mbata lə ginkoji dəwje Gə́ d’askəm ra né kára kara mbata lə dee el ləm, D’askəm taa dɔ dee el ləma, D’askəm la sə dee el ləm tɔ, Nɛ d’a to gin rɔkul gə kəm sɔḭ mbata lə dee ɓa.

Esai 36:9

See i a ra to gə́ ban ɓa mba kɔs ne ɓé-njérɔje gə́ kára mbuna kuraje’g lə ɓémje gə́ lam ba nee wa. I lé ɔm məəi dɔ Ejiptə’g gə mba kiŋga ne pusu-rɔje gə njérɔ gə kundaje ɓa.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Jeremi 37:7

Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo.

Nɔ̰-ndôo gə́ wɔji dɔ Jerusalem 3:26

Maji kar dəw si lɔm ya ŋgina Kaji gə́ ḭ rɔ Njesigənea̰’g lé.

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.