Esai 30:32 - Maktub gə́ To gə Kəmee

³² Ta ndəi kɔb ləa kára kára gə́ wɔji dɔ deḛ gə́ Njesigənea̰ a kunda dee neelé d’a koo ndu dalè bajḭgje gə kṵdu-kagje gə́ ɓar, Njesigənea̰ a rɔ ne sə dee gə jia gə́ un ula ndiŋ gə́ tar lé.

Esai 30:32 ပူးပေါင်းရင်းမြစ်များ

Gḭ-Néje 31:27

See gelee ban ɓa i aḭ gə goo ŋgəḭ ləm, ərm ləma, lal kulam taree ləm tɔ wa. Ɓó lé m’oo ndá m’a kari aw dan rɔlel’g gə dan pa’g gə ndu dalè gə ndu kṵdu tɔ.

2 Sôrta Gḭka Israɛlje 32:8

Kea̰-yeḛ to kag ji dəw ba, ka̰ síjeḛ lé to Ala lə sí gə́ Njesigənea̰ gə́ a la sə sí ləm, a rɔ mbata lə sí ləm tɔ. Koso-dəwje lé d’ɔm meḛ dee dɔ taje gə́ Ejekias, mbai gə́ Juda pa lé ya.

Maktub gə́ wɔji dɔ Jɔb 16:12

M’a m’isi lɔm nɛ yeḛ yəm, Yeḛ wa gina gwɔbm kus təd, Yeḛ wɔji dɔm ɗig-ɗig to gə́ dəw wɔji ne nékur bèe.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 10:26

Njesigənea̰ gə́ njeboo-néje a kunda dee gə ndəi to gə́ yeḛ unda ne Madianje dɔ mbal gə́ Oreb. Tɔɓəi yeḛ a kula kag-tɔs ləa ndiŋ dɔ baa-boo-kad’g lé ndá yeḛ a kula gə́ tar to gə́ yeḛ ra ne mee ɓee gə́ Ejiptə bèe lé ya ɓəi tɔ.

Esai 11:15

Njesigənea̰ a kar duu-mán lə baa-boo-kad gə́ Ejiptə yi tə ləm, Yeḛ a kula jia ndiŋ dɔ baa’g tó lel dɔ’g gə siŋgamoŋ ləm tɔ, Ndá yeḛ a kai kəm rəbeeje loo siri Kar dəwje dəs keneŋ gə né gɔl dee’g.

Esai 19:16

Mee ndəa’g neelé Ejiptəje d’a to kasəna gə denéje, d’a kunda bala ləm, d’a ɓəl ləm tɔ loo gə́ d’oo ji Njesigənea̰ gə́ njeboo-néje gə́ ula gə́ dɔ dee’g ləm, loo gə́ yeḛ un jia gə́ tar rɔ ne sə dee ləm tɔ.

Esai 2:19

Dəwje d’a kiya rɔ dee mee bolè mbalje’g Gə mee bwaje gə́ naŋg Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl dɔ njé gə́ naŋg nee.

Esai 24:1

Aa ooje, Njesigənea̰ a gə tuji ɓee karee tel to dɔ nduba ləm, Yeḛ a kar dɔ naŋg tel wagəsa ləma, A sané dəwje gə́ d’isi keneŋ kad-kad ləm tɔ.

Esai 24:8

Gel kalrɔ gə dalè bajiŋ gaŋg ŋgəji ləm, Ndu ndam gə rɔlel godo ləma, Gel kalrɔ gə kṵdu-kag gaŋg ŋgəji ləm tɔ.

Esai 30:29

Seḭ a kɔsje pa to gə́ d’ɔs ne pa loo-ra-naḭ’g loondul’g bèe ləm, seḭ a raje rɔlel gə meḛ sí to gə́ dəw gə́ njaa gə ndu buula gə́ ɓar ləm tɔ gə mba kaw ne dɔ mbal’g lə Njesigənea̰, yeḛ gə́ to biri mbal lə Israɛlje tɔ.

Esai 31:4

Mbata Njesigənea̰ ulam ta togə́bè pana: To gə́ toboḭ əsé ŋgon toboḭ inja miḭ dɔ nékwa’g ləa lé Lé njékulbadje bula mbo̰ dɔ na̰ d’oma̰ səa kara Yee ɓəl dee gə goo ndu dee gə́ ɓar u-u-u el ləm, Ar rəa wəi njururu gə goo bula lə dee el ləm tɔ, Togə́bè Njesigənea̰ gə́ njeboo-néje kara a kḭ ree Mba rɔ dɔ mbal gə́ Sio̰ ləm, gə dɔdərloo gə́ wɔji dəa ləm tɔ.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Ejekel 28:13

Kédé i to asəna gə loo-ndɔ lə Ala mee loo gə́ Edḛ, jərje gə́ gad dee ur kugu gə́ ri dee lə sarduanə, gə topajə, gə diama̰, gə krijolitə, gə onikis, gə jaspə, gə sapir, gə eskarbuklə, gə emerodə, gə larlɔr taa rɔi pəl-pəl, dalèje gə buulaje to gə́ néra kulaje ləi gə́ deḛ gɔl dee d’unda dee pèrèrè d’wɔji ne ndɔ tum gini’g.

Ejekel 32:10

N’a kar koso-dəwje bula d’wa dɔ dee jiim mbata ləi ləm, ɓəl-boo a kunda mbaije lə dee badə gaŋg dee mbata ləi ləm tɔ loo gə́ n’a tɔji dee kiambas lə neḛ, gə kàrje lai lé deḛ d’a kunda bala tigi-tigi keneŋ mbata kəmə lə dee, nana kara a kunda bala mbata kəmə ləa-ləa ndɔ tuji’g ləi.

Ǝbrəje 12:26

Ndəa neelé ndia ɓar ar naŋg yə ne ɓugu-ɓugu, nɛ ɓasinè yeḛ un ndia ar sí pana: Gɔl kára tɔɓəi m’a yə dara ɓugu-ɓugu ŋga ɓó m’a yə naŋg ɓa gə karee el.

1 Samel 10:5

Gée gə́ gogo ndá i a teḛ Gibea-Elohim, loo gə́ kudu njérɔje lə Pilistije d’isi keneŋ lé. Loo gə́ i a gə kandə mee ɓee-boo’g lé ndá i a kiŋga kudu-njéteggintaje gə́ d’ḭ dɔdərloo’g ləm, d’ɔr no̰ dee gə kṵdu ləm, gə dalè ləm, gə tébé ləma, gə kṵdu-ko̰dè ləm tɔ, tɔɓəi deḛ kara d’isi tegginta ləm tɔ.

1 Samel 18:6

Ndɔ gə́ d’ḭ loo-rɔ’g tel loo gə́ Dabid tɔl dəw gə́ Pilisti lé ndá denéje d’unda loo mee ɓee-booje gə́ Israɛl bura teḛ d’aw tila kəm mbai Sawul lé. D’ɔs pa ləm, là ləm tɔ gə dalèje gə nékimje ra ne né wəl-wəl gə rɔlel tɔ.