Esai 30:31 - Maktub gə́ To gə Kəmee

³¹ Loo gə́ ndu Njesigənea̰ a ɓar lé ndá Asirije d’a kunda bala tigi-tigi, Njesigənea̰ a kunda dee gə kag-kɔbə ləa.

Esai 30:31 ပူးပေါင်းရင်းမြစ်များ

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 10:15

Tina lé see a ti rəa Dɔ njekunee ra ne kula’g wa. Esé see kuba a kəsta Dɔ njekunee tɔl ne né wa. A to kasəna gə ndəi Gə́ ar njekunee ra ne né ləm, A to kasəna gə kag-tɔs Gə́ ar njetɔsee gə́ to gə́ kag el lé Ra ne né ləm tɔ.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 10:26

Njesigənea̰ gə́ njeboo-néje a kunda dee gə ndəi to gə́ yeḛ unda ne Madianje dɔ mbal gə́ Oreb. Tɔɓəi yeḛ a kula kag-tɔs ləa ndiŋ dɔ baa-boo-kad’g lé ndá yeḛ a kula gə́ tar to gə́ yeḛ ra ne mee ɓee gə́ Ejiptə bèe lé ya ɓəi tɔ.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 14:25

M’a təd Asirije rém-rém mee ɓee’g ləm ləm, M’a tuba dee gə gɔlm dɔ mbalje’g ləm ləm tɔ, Néməməna lə dee a godo gwɔb dee’g ləm, D’a kɔr nékodo lə dee gə́ wɔi lé dɔ tam dee’g ləm tɔ.

Esai 27:7

See Njesigənea̰ unda njé’g ləa To gə́ yeḛ ra ne gə deḛ gə́ kunda dee lé wa. See yeḛ tɔl dee To gə́ yeḛ ra ne gə njé gə́ tɔl dee lé wa.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 31:8

Ndá Asirije d’a koso ndo̰ kiambas gə́ to ka̰ dəw el ləm, Kiambas gə́ to ka̰ dəw el lé a tuji dee pugudu-pugudu ləm tɔ. D’a kaḭ no̰ kiambas’g lé ləm, Kura-kaw-rɔje lə dee d’a ra kula ɓər ləm tɔ.

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.