Esai 30:3 - Maktub gə́ To gə Kəmee

³ Siŋgamoŋ lə Parao̰ lé A to rɔkul mbata lə sí ləm, Kula dɔ gel Ejiptəje’g lé kara A to rɔkul-boo ləm tɔ!

Esai 30:3 ပူးပေါင်းရင်းမြစ်များ

2 Mbaije 18:21

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

Pakɔsje 108:12

Ǝi Ala, see to i nja ɓa ɔs sí ŋgərəŋ ləm, I teḛ aw gə bao-rɔje lə sí na̰’d el ləm tɔ lé el wa.

Gosota-Kəmkàrje 25:19

Kɔm məəi dɔ njendɔji pɔdɔdɔ’g ndɔ néurti’g lé To asəna gə ŋgaŋ dəw gə́ təd ləm, Gə gɔlee gə́ unda ndolè bèe ləm tɔ.

Esai 20:5

Bèe ɓa deḛ gə́ d’ɔm meḛ dee dɔ Etiopi’g ləm gə d’ɔs gaji rɔ dee mba Ejiptə ləm tɔ lé, ɓəl a kunda dee ne badə gaŋg dee ləm, rɔ dee a kul ne ləm tɔ.

Esai 20:6

Mee ndəa’g neelé deḛ gə́ d’isi kelee gə́ neelé d’a pa pana: Aa ooje né gə́ teḛ dɔ né gə́ j’unda meḛ sí yel dəa’g ləm, j’ɔm meḛ sí dəa’g mba karee aji sí taa sí ji mbai gə́ Asiri’g ləm tɔ lé ɓa nee. Ŋga see j’a kaḭ kaw ra ɓa mba kaji rɔ sí wa.

Esai 36:6

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Jeremi 42:18

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: To gə́ oŋg gə meekḭ jugugu ləm ɔm dɔ dəwje gə́ Jerusalem’g lé ɓó lé seḭ awje Ejiptə ndá meekḭ jugugu ləm a kɔm dɔ sí’g togə́bè tɔ, seḭ a toje né kun kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ. Ndá seḭ a kooje loo neelé gogo el.

Jeremi 42:22

Ɓasinè maji kar sí gərje gao to gə́ seḭ a kwəije yoo-kiambas ləm, gə yoo ɓoo-boo ləma, gə yoo-koso ləm tɔ loo gə́ seḭ ndigije kaw síje keneŋ lé.

Jeremi 46:25

Njesigənea̰ gə́ njeboo-néje gə́ to Ala lə Israɛlje lé pana: Aa ooje, m’a ra né gə́ kədərə gə Amo̰, magə gə́ No ləm, gə Parao̰, gə Ejiptə, gə magəje ləa, gə mbaije ləa ləma, gə Parao̰ gə deḛ lai gə́ d’ɔm meḛ dee dəa’g lé ləm tɔ.

Ejekel 29:7

Loo gə́ d’uni ji dee’g ndá i təd ɔs dɔ tam dee riba ɓədədə-ɓədədə, loo gə́ deḛ gəd rɔ dee rɔi’g ndá i təd kəs-kəs ar ɓəd dee unda ndolé.

Ojee 10:6

Ala neelé d’a kunee kaw səa Asiri Gə mba kar mbai Jareb gə́ nénoji. Kəm sɔḭ a kwa kəm Eprayimje ləm, Israɛlje kara d’a si dan rɔkul’g Mbata né gə́ deḛ d’wɔji-kwɔji ra lé ləm tɔ.

Njé gə́ Rɔmə 10:11

Nana ɓa gə́ ɔm mée dəa’g ndá a ra kəmkul el.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.