Esai 30:25 - Maktub gə́ To gə Kəmee

²⁵ Dɔ mbalje lai gə́ ŋgal léŋgé-léŋgé ləm, Gə dɔdərlooje gə́ ḭtar gə́ rara kara ləm tɔ lé Man baaje gə kəm-rəw-manje d’a to keneŋ Ndɔ ndum dəwje mburug-mburug ləm, Loo gə́ kəi-kaar-kɔgərɔje gə́ duu dɔ loo d’a təd ləm tɔ.

Esai 30:25 ပူးပေါင်းရင်းမြစ်များ

Esai 32:14

Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 48:21

Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Ejekel 17:22

Mbaidɔmbaije gə́ Njesigənea̰ pata togə́bè pana: Neḛ lé n’a təd dɔ sém kag-sɛdrə gə́ ŋgal ndá n’a kaw kila lée’g. N’a təd barkəmee gə́ uba sigi dɔ barkəmeeje gə́ tar’g ndá n’a kaw ma̰a dɔ mbal gə́ ŋgal léŋgé-léŋgé’g.

Ejekel 34:13

N’a kar dee d’unda loo mbuna koso-dəwje’g teḛ ləm, n’a mbo̰ dee mee ɓeeje’g ɓəd-ɓəd ləma, n’a tel ree sə dee mee ɓee’g lə dee ləm tɔ, n’a kul dee dɔ mbalje’d gə́ Israɛl ləm, gə mbɔr manje’g ləma, gə mee looje lai gə́ dəwje d’isi keneŋ ləm tɔ.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Ejekel 47:1

Yeḛ tel ree səm par gə́ tarəw kəi gə́ to gə kəmee doi’g. Ndá aa oo, mán ḭ gin tarəwkəi gə́ naŋg teḛ ula gə́ bər mbata kəi lé təa to par gə́ bər. Man lé ula par gə́ dɔkɔl lə kəi gə́ to gə kəmee ləm, gə dɔkɔl lə loo-nékinjaməs ləm tɔ.

Nahum 3:12

Kəi-kaar-kɔgərɔje lə sí lai To d’asəna gə kag-kodéje gə́ kandə dee gə́ dɔtar kas bèe, Loo gə́ yə dee ndá Kandə dee gəḭ wududu ta dəw gə́ ndigi sɔ dee’g.

Bula lə Israɛlje 24:7

Man ḭ ku-goléje’g ləa ruba naŋg ləm, Manje gə́ to yaa̰ lé ar kó-dubu ləa unda ne kəm gəsəsə ləm tɔ. Mbai ləa ur dɔ Agag’d ləm, Ɓeeko̰ ləa kara dum dɔ loo ləm tɔ.

Tagə́maji gə́ Ja̰ ndang 7:38

Yeḛ gə́ ɔm mée dɔm’g ndá mán a teḛ mée’g kaḭ kuji-kuji kula kasəna gə mán baa bèe, to gə́ pa taree mee maktub’g gə́ to gə kəmee lé tɔ.

2 Njé gə́ Kɔrḭtə 10:4

Tɔgərɔ ya, nérɔje lə síjeḛ lé to gə́ ka̰ njé gə́ naŋg nee el nɛ nérɔje lə sí lé Ala nja ar dee to nérɔje gə́ gə siŋga dee mba kunda kəi-kaar-kɔgərɔje lə dee naŋg rə̰dəŋ-rə̰dəŋ.

Loo gə́ killa rea kəm Ja̰’g 22:1

Yeḛ am m’oo baa gə́ ḭ gin kalimbai’g lə Ala gə ka̰ Ŋgonbad’g lé tɔ. To mán kəmə gə́ ndul konono asəna gə mán gə́ ndil ku’g bèe.