Esai 30:24 - Maktub gə́ To gə Kəmee

²⁴ Bɔ maŋgje gə mulayḛ̀je-je gə́ ndɔ-ndɔ lé D’a sɔ mu gə́ dusu kad dɔ’g Gə́ telee gə kag-tel-gel-né ləm, gə nétohko ləm tɔ.

Esai 30:24 ပူးပေါင်းရင်းမြစ်များ

Gḭ-Néje 24:25

Yeḛ ulá ya tɔɓəi pana: Mu gə nésɔ lə nékulje to kəi lə sí rib-rib ləm, loo kar sí toje keneŋ loondul’g nee kara to keneŋ ya ləm tɔ.

Gḭ-Néje 45:6

Aa ooje, as ləb joo gə́ ɓoo-boo o̰ dɔ naŋg ɓee gə́ neelé mba̰. Nɛ nai as ləb mi ya ɓəi gə́ d’a ndɔ-ndɔ el ləm, d’a kinja dɔ kó mbèd el ləm tɔ.

Teḛ-Raga 34:21

Seḭ a raje kula ndɔ sí misa̰ ndá ndɔ gə́ njekɔm’g siri lé seḭ a kwaje rɔ sí, lé to naḭ ndɔ əsé naḭ kinja kó kara seḭ a kwaje rɔ sí keneŋ ya.

Esai 32:20

Rɔlel a nai sə sí-seḭ gə́ dubuje né mbɔr mán’g Ya̰je maŋg gə mulayḛ̀je ar deeje d’aw to gə́ meḛ dee ndigi lé.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Lugu 3:17

Nékwayiŋga dɔ kó ləa to jia’g, yeḛ a kwa ne yiŋga dɔ kó loo-kunda-kó’g ləa ndá yeḛ a mbo̰ kandə kó ləa kɔm dàmá nɛ yeḛ a roo yiŋga dəa dan pər gə́ a kwəi nda̰ el.

Tel tura Godndu 21:4

D’a kaw gə́ ma̰də maŋg lé kəm-rəw-mán’d gə́ mán yi keneŋ el saar ləm, lé neelé ndɔ el ləma, dubu né keneŋ el ləm tɔ ndá lé neelé ɓa d’a təd gina gwɔb ma̰də maŋg neelé keneŋ mee kəm-rəw-mán’g lé.

Tel tura Godndu 25:4

Bɔ maŋg gə́ i ilá dɔ kó’g mba karee njaa dɔ’g kar ka̰dee tal lé i a tɔ təa el.

1 Samel 8:12

Yeḛ a kunda dee gə́ mbai dɔ dəwje gə́ tɔl-dɔg-dɔg (1.000) ləm, gə mbai dɔ dəwje gə́ rɔ-mi rɔ-mi ləm, yeḛ a kar dee to kura-kwɔsje ləa ləm, a kar dee to njékinjakoje ləa ləma, gə njékoo nérɔje ləa gə njéra néje gə́ mee pusu-rɔje’g ləa ləm tɔ.