Esai 30:22 - Maktub gə́ To gə Kəmee

²² Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 30:22 ပူးပေါင်းရင်းမြစ်များ

2 Sôrta Gḭka Israɛlje 31:1

Loo gə́ deḛ ra naḭ lé tɔl bém mba̰ ndá deḛ lai gə́ to Israɛlje gə́ d’aar keneŋ lé d’ɔd d’aw mee ɓee-booje gə́ Juda d’aw təd néndajije, gə tuji magəje, gə tuji dɔ looje gə́ ndəw gə loo-nékinjanéməsje mee ɓee’g lə Judaje gə Bḛjamije lai ləm, gə mee ɓee’g lə Eprayimje gə Manasəje ləm tɔ pugudu-pugudu. Tɔɓəi Israɛlje tel d’aw mee ɓee-booje’g lə dee, ar nana kara tel aw mee kəi’g ləa-ləa.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Esai 31:7

Mee ndəa gən lé nana kara a kuba goo magəje ləa gə́ ra dee gə larnda əsé larlɔr gə́ to né gə́ seḭ raje gə ji sí gə́ to néra némajelje lé kya̰ dee.

Esai 40:19

Njelḛ̀ né ɓa léḛ né ndaji ne magə Tɔɓəi njekɔr ɔr giree gə larlɔr ləm, Ra yeŋgəre-larndaje lèr keneŋ ləm tɔ.

Esai 46:6

Deḛ tɔr larlɔr gə́ mee ɓɔlje’g lə dee, Deḛ d’wɔji larnda gə nékwɔjee tɔ. Deḛ d’uga ne dɔ ji njelḛ̀ né Gə mba karee rəa gə́ magə. Deḛ d’unda barmba nea̰’g d’wa meḛ dee’g.

Nɔ̰-ndôo gə́ wɔji dɔ Jerusalem 1:17

Sio̰ lé ula jia nɛ dəw kára kara Gə́ njegɔl mée godo, Njesigənea̰ ar njéba̰je lə Jakob Gə́ gugu dəa sub lé d’ḭ rɔ səa, Jerusalem tel to ɓirɓisi mbuna dee’g ya.

Ejekel 14:6

Gelee gə́ nee ɓa maji kam m’ula gel-bɔje lə Israɛl lai m’pana: Mbaidɔmbaije gə́ Njesigənea̰ pa togə́bè pana: Gə́ telje, ya̰je goo magəje lə sí ləm, unje kəm sí rəw dɔ néje’g lə sí gə́ mina̰ lai lé ləm tɔ.

Ejekel 18:6

yeḛ sɔ né dɔ mbalje’g el ləm, yeḛ un kəmee aa ne magəje lə gel-bɔje lə Israɛl gərərə el ləm, yeḛ ula sul dɔ dené’g lə maree el ləm, yeḛ tibi mbɔr dené ndɔ kwɔməs’g ləa el ləm,

Ejekel 36:31

Yen ɓa meḛ sí a kolé ne dɔ panjaa sí’g gə néra síje gə́ majel’g. Seḭ a kooje rɔ sí gə́ né gə́ to kḛji kəm sí’g gə mbata néra síje gə́ kori-kori ləm, gə néra síje gə́ mina̰ jɔmri-jɔmri lé ləm tɔ.

Ejekel 7:19

D’a sané larndaje lə dee mba̰-rəwje’g ləm, Larlɔr lə dee a tel to né gə́ to kḛji kəm dee’g ləm tɔ. Larnda gə larlɔrje lə dee d’a kaskəm kaji dee Ndɔ boo-oŋg’d lə Njesigənea̰ lé el, D’a kaskəm kiŋga né karee as dee nag el ləm, D’a kas sɔ né kar meḛ dee ndan tub-tub el ləm tɔ, Mbata yee nee ɓa to né gə́ ar dee d’oso ne dan néraje gə́ kori-kori’g lə dee.

Ejekel 7:20

Deḛ d’əsta dɔ nérab rɔje’g lə dee Gə́ mbərḛ mbə̰-mbə̰ ləm, Deḛ ndaji néje lə dee gə́ mina̰ jɔmri-jɔmri gə magə-poleje lə dee ləm tɔ. Gelee gə́ nee ɓa n’a karee tel to né gə́ to kḛji kəm dee’g,

Ojee 14:8

Dəwje gə́ d’isi ndilee’g lé D’a tel ree ləm, D’a ndɔ kó yaa̰ ləm, D’a kidi pug-pug to gə́ nduú bèe ləma, Riɓar lə dee a to kasəna gə riɓar lə mán-nduú gə́ Liba̰ bèe ləm tɔ.

Ləbije 13:52

Togə́bè kubu neelé gə kúla kubuje gə́ tḭja yao-yao əsé yee gə́ tula mbuna’d gə́ ra gə bḭ badə əsé gə kúla palégal gə́ bḭ maji, gə néje gə́ rara gə́ ra gə ndar gə́ moro neelé wa keneŋ ndá yeḛ a roo dee mbata to moro gə́ ləw ba: ndá yeḛ a roo dee ya.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

Tel tura Godndu 7:25

Seḭ a rooje néndajije lə dee gə́ deḛ tɔl dee gə́ magəje lə dee lé gə pər. Larnda əsé larlɔr gə́ keneŋ lé seḭ a raje kəmkəḭ dɔ’g el ləm, seḭ a kodo deeje el ləm tɔ, nà banelə néje neelé d’a tel to gə́ gum kwa sí, Njesigənea̰ Ala lə sí oo dee gə́ néje gə́ mina̰ kəmee’g ya.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.