Esai 30:20 - Maktub gə́ To gə Kəmee

²⁰ Mbaidɔmbaije a kar sí muru dan néɓəŋgərəti’g ləm, Gə mán dan néurti’g ləm tɔ, Deḛ gə́ njéndoo sí néje lé D’a kiya rɔ dee kəm sí’g el ŋga Nɛ seḭ a kooje njéndoo sí néje neelé gə kəm sí ya.

Esai 30:20 ပူးပေါင်းရင်းမြစ်များ

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

2 Sôrta Gḭka Israɛlje 18:26

Seḭ a paje togə́bè pajena: Mbai pana: Ilaje dəw neelé daŋgai’g ndá areeje muru gə mán lam-lam ba bèe saar kam m’tel gə meekulɔm ɓa.

Pakɔsje 102:9

Njéba̰je ləm lé d’ila ndɔl dɔm’g gə ndɔje kára-kára lai, Njékoma̰ səmje lé kara d’un rim d’ubu ne rɔ dee gə boo-oŋg.

Pakɔsje 127:2

Seḭ lé seḭ ḭje tar gə ndɔ rad gə mḭdé ba ya ləm, Seḭ toje naŋg kalaŋ el gə mḭdé ba ləma, Seḭ o̰je muru gə́ wɔji dɔ kula rɔ ndubu lə sí ləm tɔ. Nɛ yeḛ lé ar deḛ gə́ yeḛ unda dee dan kəmee’g né togə́bè Loo gə́ deḛ toɓi lé.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Pakɔsje 74:9

Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Pakɔsje 80:5

Njesigənea̰, Ala gə́ njeboo-néje See ndɔ gə́ ra ɓa i a kunda ŋgaŋ kar məəi ḭ səi pu Kari ɔs ne tamaji lə koso-dəwje ləi rəw lé ɓəi wa.

Esai 28:9

Deḛ dəji pana: See na̰je ɓa yeḛ ndigi ndoo dee ta kəmkàr wa. See na̰je ɓa yeḛ ndigi ndoo dee ta ndooje wa. See to ŋganje gə́ d’ɔg dee mbà Gə́ d’ya̰ mbà ko̰ deeje ɓa Yeḛ a gə ndigi ndoo dee ne wa.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Esai 51:14

Waga ndá yeḛ gə́ rugu koŋgoŋ gel kúla lar’g lé A kɔr dəa kúla’g, Yeḛ a kwəi duu-loo’g el ləm, Nésɔ a lalee el ləm tɔ.

Matiyo 9:38

Bèe ndá raje tamaji mba kar njeko lé ula njékḭjaje loo-kó’g ləa ya.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Tel tura Godndu 16:3

Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya.