Esai 30:19 - Maktub gə́ To gə Kəmee

¹⁹ Oiyo, seḭ koso-dəwje gə́ Sio̰ gə́ síje Jerusalem lé Seḭ a no̰je gə mán-no̰ kəm sí’g el ŋga! Yeḛ a koo ndu no̰ lə sí ndá Yeḛ a ra sə sí meemaji ləm, Léegəneeya gə́ yeḛ oo ndu sí ndá Yeḛ a tel kila sí keneŋ ləm tɔ.

Esai 30:19 ပူးပေါင်းရင်းမြစ်များ

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 33:2

Njesigənea̰, maji kari oo kəmtondoo lə sí ya kari! Jeḛ j’undaje meḛ sí yel gə́ dɔi’g. Maji kari la sə sí teḛ gə ndɔ gə ndɔje kára-kára lai ləm, Gə taa dɔ sí ndɔ néurti’g ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 41:17

Njénékəmndooje gə njéndooje lé Saŋg mán ndá d’iŋga el, Ta dee tudu kurum-kurum Mbata kṵdaman gə́ tɔl dee Ndá ma Njesigənea̰ m’a koo ndu no̰ lə dee, Ma Ala lə Israɛlje m’a kuba dee kya̰ dee nda̰ el.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 58:9

Togə́bè ɓa i a ɓar-ɓar ndá Njesigənea̰ a kilai keneŋ, I a ra né wəl ndá Yeḛ a pana: Yḛ̀ m’aar nee! Ɓó lé i ɔr néməməna̰ rɔi’g ila əw ləm, Gə ŋgaw jii gə́ kula ləma, Gə ta gə́ hərm gə́ pa ləm tɔ,

Esai 60:20

Kàr ləi a kur naŋg el ŋga ləm, Naḭ ləi kara a kwa til el ŋga ləm tɔ. Mbata Njesigənea̰ ɓa a to lookàr ləi saar-saar gə no̰ ləm, Ndɔ-kwa-ndòo-yoo ləi a dəs ŋga ləm tɔ.

Esai 65:18

Nɛ maji kar sí raje rɔlel ləm, Sije dan kalrɔ’g ta-ta ləm tɔ Gə mbata lə né gə́ m’a gə kunda, Mbata m’a gə kunda Jerusalem gə́ nékalrɔ ləm, M’a gə kunda koso-dəwje ləa gə́ nérɔlel ləm tɔ.

Esai 65:19

M’a kar Jerusalem to gə́ nékalrɔ ləm ləm, M’a kar koso-dəwje ləm tɔ gə́ nérɔlel ləm ləm tɔ, D’a koo ndu no̰ gə ndu kii keneŋ gogo el.

Esai 65:24

Kédé ɓa kar dee ɓar rim ɓəi ndá M’a kila dee ta’g ləm, Kédé ɓa kar dɔ ta nai meḛ dee’g ɓəi ndá M’a koo ndu dee ləm tɔ.

Esai 65:9

M’a kar ŋgaka Jakob d’ḭ mée’g teḛ ləm, M’a kar deḛ gə́ d’ḭ ginkoji Judaje’g lé D’a kwa mbalje ləm gə́ nénduba lə dee ləm tɔ, Koso-dəwje ləm gə́ m’ɔr dee m’unda dee gə kəmee lé D’a kiŋga ɓee gə́ né ka̰ dee ləm, Kuraje ləm d’a si keneŋ ləm tɔ.

Jeremi 30:12

Njesigənea̰ pa togə́bè pana: Doo gə́ i iŋga lé to ɓəl ləm, Doo ləi a kər el ləm tɔ.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 31:16

Njesigənea̰ pa togə́bè pana: Ǝwje rɔ sí no̰je, Arje kəm sí tudu kurum, Mbata seḭ a kiŋgaje nékoga-dɔ-ji sí Dɔ kula ra síje’g. Njesigənea̰ ɓa pa bèe D’a kḭ ɓee lə njéba̰je lə dee tel ree ya.

Jeremi 31:6

Mbata ndɔ gə́ a gə ree lé Njéŋgəmlooje d’a ra né wəl Dɔ mbal gə́ Eprayim pana: Ḭje tar ar sí j’awje Sio̰ Rɔ Njesigənea̰ Ala’g lə sí!

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Jeremi 50:28

Ooje ndu kii lə njékaḭje, Deḛ gə́ d’ḭ Babilɔn d’aḭ lé D’aw d’ila mber dalba̰ Le Ala lə sí gə́ Njesigənea̰ Mee ɓee gə́ Sio̰, Dalba̰ gə́ wɔji dɔ kəi ləa gə́ to gə kəmee lé,

Jeremi 51:10

Njesigənea̰ riba dɔ ta lə sí pərəg To gə́ to ta gə́ gə dɔ najee, Gə́ reeje Sio̰ Ar sí j’ɔrje sor néra Ala lə sí gə́ Njesigənea̰.

Ejekel 20:40

Mbata dɔ mbal lə neḛ gə́ to gə kəmee gə́ to mbal lə Israɛlje gə́ ŋgal lé lée neelé ɓa gel-bɔje lə Israɛl lai gə́ to deḛ lai gə́ d’isi mee ɓee’g neelé d’a kwa neḛ meḛ dee’g keneŋ, Mbaidɔmbaije gə́ Njesigənea̰ ɓa pa bèe, lé neelé ɓa n’a kwa dee gə́ rɔ neḛ’d gə́ majee keneŋ ləm, n’a ndigi nékarje lə sí gə́ to kandə nénojije lə sí gə́ doŋgɔr ləm, gə néje lai gə́ seḭ a kundaje gə kəmee kar neḛje lé ləm tɔ.

Ejekel 36:37

Mbaidɔmbaije gə́ Njesigənea̰ pa togə́bè pana: Aa ooje, né gə́ raŋg ya tɔɓəi gə́ gel-bɔje lə Israɛl d’a saŋg ne neḛ mba kar neḛ n’ra n’ar dee ɓa to nee: N’a kar bula lə dəwje ḭ dɔ maree’d gə́ kédé-kédé to gə́ koso-nékulje bèe.

Misee 4:9

See gelee ban ɓa ɓasinè seḭ ɔrje ndu sí gə́ tar wəl no̰je ne wa. See mbai lə sí əsé njekwɔji sí takəmkàrje godo ɓa Seḭ tuma̰je ne rɔ sí asəna gə dené gə́ ndóo tée bèe wa.

Lugu 6:21

Seḭ gə́ ɓó tɔl sí ɓasinè lé Rɔ sí lel sí mbata meḛ sí a ndan tub-tub ɓəi! Seḭ gə́ no̰je jəm-jəm ɓasinè lé Rɔ sí lel sí mbata seḭ a ndubaje rɔ sí raŋg-raŋg ɓəi to!

Njé gə́ Rɔmə 11:26

Togə́bè ɓa ginkoji Israɛlje bura d’a kaji ne, to gə goo ta gə́ ndaŋg mee maktub gə́ to gə kəmee lé pana: Njetaa dɔ dee a kḭ Sio̰. Ndá yeḛ a kar ŋgaka Jakobje d’uba goo kila ndɔl dɔ Ala’g lə dee d’ya̰.

Njé gə́ Epesə 3:20

Yeḛ gə́ askəm ra néje lai kar sí, karee dum dɔ né gə́ jeḛ n’dəjee əsé gə́ jeḛ n’la̰ji toree meḛ sí’g gə goo siŋgamoŋ gə́ yeḛ ula meḛ sí’g lé

Loo gə́ killa rea kəm Ja̰’g 5:4

No̰ wam jiim mbata dəw kára kara askəm tɔr nérḛdə ta maktub gə mba tudu mée koo taree el.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.